አሳፍ Tube

Part 3 ምናልባት አንድ ልዩ ምሳሌ ልዩነቱን እንድንረዳ ያስችለናል፡፡ አንድ ባል ሌላ ወንድ ሚስቱን ልክ ባልሆነ መንገድ እንደወደዳት ካወቀ ለመቅናት መብት አለው፤ ይህ ዓይነቱ ቅንዓት ኃጢአት አይደለም፤ ይልቁንም ሙሉ በሙሉ ተገቢ ነው፡፡ አምላክ ለአንተ ነው ባለው ነገር መቅናት ተገቢ ነው፡፡ በገላትያ 5፡20 ላይ እንዳለው “ቅናት” የእኛ ያልሆነውን ነገር መፈለግ መመኘት ነው፡፡ አምልኮ፣ ምስጋና፣ ክብር እና ውዳሴ የእርሱ ብቻ ነው ምክንያቱም እርሱ አምላክ ስለሆነ፡፡ ስለዚህ እግዚአብሔር አምልኮ፣ ምስጋና፣ ክብር ለጣዖታት ሲሰጥ ቀናተኛ ነው፡፡ ይህም ሐዋርያው ጳውሎስ በ2 ኛ ቆሮንቶስ 11፡2 ውስጥ የገለጠው ዓይነት ቅንዓት ነው “በእግዚአብሔር ቅንዓት እቀናላችኋለሁ…“። የእግዚአብሔር ቀናተኛነት ከምን የመነጨ ነው? “እግዚአብሔር እነዚህን ቃሎች ሁሉ እንዲህ ብሎ ተናገረ ፤ ከግብጽ ከባርነት ምድር ያወጣሁህ አምላክህ እግዚአብሔር እኔ ነኝ።” በዘፀአት 20፡1-2 (አመት) ፤ በመፅሐፍ ቅዱስ ውስጥ በጣም ታዋቂ የሆኑት የእስራኤል ህዝብ በግብፅ ባርነት ውስጥ ሆነው ሳለ እግዚአብሔር ሙሴን ተጠቅሞ በድንቅ ትዓምራት አውጥቷቸዋል። እንዲሁም ደግሞ በምድረ በዳ ሲራቡ እያበላ፤ ሲጠሙ እያጠጣ፤ ልብስም ጫማም ሳይቸግራችው አምላካቸው ሆኖ እየመራ፤ እየጠበቃቸው፤ “አምላካችሁ እኔ ነኝ፤ ከኔ ሌላ አምላክ አታመልኩ” ብሎ በዘፀአት 20፡5 ሲያዛቸው እንመለከታለን። እስራኤላዊያን ከባርነት አለም ከወጡ በኋላ ግን ሙሴ በተራራው ላይ ሳይወርድ ለብዙ ጊዜ ሲቆይ ሕዝቡ አሮንን “…ናና በፊታችን የሚሄዱ አማልክት ሥራልን፤ ያ ከግብጽ ያወጣን ሙሴ ምን እንዳገኘው አናውቅም አሉት።” ዘፀአት 32፡1 (አመት) አሮንም ሕዝቡ እንድሚፈልጉት አድርጎ የወርቅ ጥጃ ሰራላቸው። ከዛም እነርሱ “…እስራኤል ሆይ፤ ከግብጽ ያወጡህ አማልክት እነዚህ ናቸው” ዘፀአት 32፡4 (አመት) እያሉ መስገድ እና ማምለክ ጀመሩ። ከግብፅ ምድር ያወጣቸው ሙሴ ሳይሆን እግዚአብሔር መሆኑን ዘንግተው በራሳቸው ጌጥ የተሰራ ጣዖትን አመለኩ። ለዚህም እግዚአብሔር በድጋሜ በዘፀአት 34፡14 ላይ “…ስሙ ቀናተኛ የሆነው እግዚአብሔር ቀናተኛ አምላክ ነውና ሌላ አምላክ አታምልኩ።” (አመት) ይላቸዋል። ስለዚም እግዚአብሔር የርሱ ያልሆን ነገር የሚፈልግ ሳይሆን፤ የሚገባውን የሚፈልግ ቀናተኛ አምላክ ስለሆነ ከእርሱ ወጪ አምልኮ እንድናቀርብ ፈቃዱ አይደለም። በሕይወታችን ውስጥ የእግዚአብሔርን ቀናተኛነት መረዳት እግዚአብሔር በህይወታችን ውስጥ ያደረገውን፣ የሰራልንን ስራ ስናስብ ምን ይሰማናል? እንደሚገባው እየኖርን ነውን? እግዚአብሔር በህይወታችን ያደረገውን ነገር ብናስብ ቆጥረን አንጨርሰውም፡፡ ከምንም የሚበልጠው ደግሞ አንድ ልጁን ክርስቶስን ለሰው ልጆች ዕዳ ከፍሎ ፤ከራሱ ጋር ያስታርቀን ዘንድ ወደ ምድር ላከው። ይሄም ተገብቶን ሳይሆን እንዲሁ ከፍቅሩ የተነሳ ነው፤ መፅሐፍ እንደሚል “በርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስከ መስጠት ድረስ ዓለምን እንዲሁ ወድዷልና።“ ዮሐንስ 3:16 (አመት)። ታዲያ ዛሬ እያመለክን ያለነው ማንን ነው? በህይወታችን አብልጠን ጊዜ የምንሰጠው ለማን ነው? ስራ ስጠን ብለን እንዳልፀለይን ሲመልስልን ከቤቱ እንርቃለንን? ቸገረን ብለን አልቅሰን ሲሞላልን ከፊቱ እየጎደልን ይሆን? እግዚአብሔር በቃሉ የሚለን ትላንትናን ያሻገርኳችሁ እግዚአብሔር እኔ ነኝ፤ ከኔ ሌላ ጊዜ የምትሰጡት፣ የምትገዙለት ነገር አይኑራችሁ፣ አምላካችሁ እግዚአብሔር ቀናተኛ ነኝና።

part 2 “ያህዌ ካናና” የዕብራዊያን ቃል ሲሆን ትርጉሙም እግዚአብሄር ቀናተኛ አምላክ ማለት ነው። “ስሙ ቀናተኛ የሆነው እግዚአብሔር ቀናተኛ አምላክ ነውና ሌላ አምላክ አታምልክ። ” ዘፀአት 34:14 (አመት) የእግዚአብሔር ቀናተኛነት ሰዎች ጋር እንዳለው አይነት ቅንዓት ሳይሆን ከፍቅሩ እና ከባለቤትነት የተነሳ ቅን​ዓት ሲሆን እስራኤላውያኖች ከተደረገላቸው ነገር የተነሳ አምላካቸው እግዚአብሔርን ማምለክ ሲገባችው ለሌላ አማልክት ሲገዙ እና ለእጆቻቸው ስራ ሲሰግዱ ተገኝተው እግዚአብሔር “ከኔ ሌላ አምላክ አታምልኩ እኔ ቅናተኛ አምላክ ነኝና” ይላችዋል። በዚህ ጥናት ውስጥ የእግዚአብሔር ቀናተኛነቱን ፤ ቅናቱስ ከምን የመነጨ እንደሆነ ፤ አሁን ላይስ በህይወታችን ጌታችን የሆነው ማነው የሚለውን እንዲሁም እንዴትስ አድርገን ቀዳሚ እናድርገው የሚሉትን ሃሳቦች በጥልቀት እንመልከታለን። ቀናተኛ አምላክ ማለት “አትስገድላቸው ወይም አታምልካቸውም፤ እኔ አምላክህ እግዚአብሔር የሚጠሉኝን ስለ አባቶቻቸው ኀጢአት እስከ ሦስትና እስከ አራት ትውልድ ድረስ ልጆቻቸውን የምቀጣ ቀናተኛ አምላክ ነኝ”። ዘፀአት 20፡5 (አመት) “እግዚአብሔርም ያደረገውን ሁሉ አየ፥ እነሆም እጅግ መልካም ነበረ። ማታም ሆነ ጥዋትም ሆነ፥ ስድስተኛ ቀን።” (ኦሪት ዘፍጥረት 1፡31 አመት) የእግዚአብሔር ቀናተኛነት በገላትያ 5፡20 ላይ እንዳለው “ቅናት” አይደለም። በገላትያ “ቅናት” የሚለውን ቃል ስንጠቀመው እኛ እንዲኖረን የምንፈልግው የነበረን ነገር ሌላ ሰው ኖሮት ስናየው የሚሰማን ቅናት ማለት ነው። በዘፀአት 20፡5 ውስጥ እግዚአብሔር የሚቀናው የራሱ የሆን እና ለእርሱ የሚገባውን ነገር ለሌሎች አማልከት ሲሰጥበት ነው፡፡ እንዲህ እንደሚል “በላይ በሰማይ ወይም በታች በምድር ካለው ወይም ከምድር በታች ወይም በውሃ ውስጥ ከሚኖሩ ነገሮች በማናቸውም ዐይነት ምስል ለራስህ ጣዖትን አታብጅ። አትስገድላቸው ወይም አታምልካቸውም፤ እኔ አምላክህ እግዚአብሔር የሚጠሉኝን ስለ አባቶቻቸው ኀጢአት እስከ ሦስትና እስከ አራት ትውልድ ድረስ ልጆቻቸውን የምቀጣ ቀናተኛ አምላክ ነኝ፤” ዘፀአት 20፡4-5 (አመት)። ይህ ጥቅስ የሚናገረው ለእግዚአብሔር ብቻ አምልኮ ከማድረግ ይልቅ ለጣዖታት ስለ መስገድ እና ጣዖታትን በማምለክ ላይ ነው፡፡ እግዚአብሔር የእርሱ የሆነውን የአምልኮና የአገልግሎት ባለቤት ነው፡፡ እርሱ (እግዚአብሔር በዚህ ትዕዛዝ እንደገለጸው) ከእግዚአብሔር ሌላ ማንኛውንም ነገር ማምለክ ወይም ማገልገል ኃጢአት ነው፡፡ እኛ የሌለንን ነገር ሌላው ሰው ሲኖረው ያንን ስንመኝ እና ስንቀና እርሱ ልክ ያልሆነ ቅንዓት ነው፡፡ ቅንዓት የሚለውን ቃል እግዚአብሔር ቀናተኛ ነኝ ሲል በተለየ መንገድ ነው፡፡ እርሱን የሚቀናው ለእርሱ ብቻ የተገባው አምልኮ እና አገልግሎት ለሌላው ሲሰጥ ነው፡፡

ያህዌ-ካንና ፥ እግዚአብሄር ቀናተኛ አምላክ እያንዳዳችን ሰዎች መለያ ይሆነን ዘንድ ቤተሰቦቻችን ያወጡልን መጠሪያ ስም አለን፡፡ እነርሱም ሲያወጡልን ሁኔታዎችን ክስተቶችን ወይም ደግሞ የሚወዱትን ስም መርጠው ያወጡልናል፡፡ በድሮ ዘመን በመፅሐፍ ቅዱስ ውስጥ ሰንመለከት አብዛኛው ስም የሚወጣው ከባህል፣ ከክስተቶች ወይም ደግሞ እግዚአብሔር ራሱ ሲሰይም ሲሆን ለዚህም ማሳያ እንዲሆን የአብርሃም ልጅ ይስሐቅ የተባለው እግዚአብሔር ራሱ ያወጣለት ሲሆን እንዲሁም ደግሞ በአዲስ ኪዳን ላይ መጥምቁ ዮሃንስን ማንሳት እንችላለን። ከዚህም በላይ ደግሞ ሰዎች ካሉበት ሁኔታ፣ ባህሪ እና ማንነት ሲለወጡ ስማቸውም ጭምር ሲቀየር እናያለን ለምሳሌ ያዕቆብ ወደ እስራኤል እንዲሁም ሳዉል ወደ ጳውሎስ ተቀይሯል። ስምም ማንነትን እና ባህሪን የሚገልጽ ስለነበር እግዚአብሔር ለሰው ልጆች ማንነቱ በስም ለማሳየት ሲል “እኔ… ነኝ” እያለ በመፅሐፍ ቅዱስ ውስጥ ሲናገር እናገኛለን። ይህም ማለት ደግሞ ባህሪውን እና ማንነቱን እንድናውቅ እና አውቀንም እንድንከተለው ስለሚፈልግ ነው። በመፅሐፍ ቅዱስ ውስጥ እግዚአብሔር ለመጀመሪያ ጊዜ ማንነቱ በስም የተገለጸው በአብርሃም ጊዜ ነበር። በመፅሐፍ ላይ እንደሚል “ከዚህም የተነሣ አብርሃም የዚያን ስፍራ ስም፣ ያህዌ ይርኤ፡ እግዚአብሔር ያዘጋጃል ብሎ ጠራው፤ እስከ ዛሬም ድረስ፣ በእግዚአብሔር ተራራ ላይ ይዘጋጃል” ዘፍጥረት 22፡14 (አመት) እግዚአብሄር የመስዋቱን በግ ለአብርሃም አዘጋጀቶ ነበርና፤ ያም ቦታ ያህዌ ይርኤ ተበሎ እስካሁን ድረስ እንደሚጠራ መፅሐፍ ይናገራል። በዚህ ጥናት ውስጥ የምንመለከተው ከእግዚአብሔር ባህሪያት እና ስሞች ውስጥ አንዱ የሆነው “ያህዌ ካናና” ነው። ቀጣይ👇👇👇👇

              ደኅንነት «... ጸጋው በእምነት አድኖአችኋልና፤ ይህም የእግዚአብሔር  ስጦታ ነው እንጂ ከእናንተ አይደለም፤ ማንም እንዳይመካ ከሥራ አይደለም። እኛ ፍጥረቱ ነንና እንመላለስበት ዘንድ እግዚአብሔር አስቀድሞ ያዘጋጀውን መልካሙን ሥራ ለማድረግ በክርስቶስ ኢየሱስ ተፈጠርን።»ኤፌ 2:8-10

ፊደል አበድሩኝ ያንተ ጥግ ይቅርና ዳርዳርታህ ገመና ከሊቁ ልቅልቅ ከሙንጭርጭር ጠሊቅ ከትንትኑ ትንትን ግሉፀ እንትን ቀኝህ ግራ:ግራህ ደግሞ ቀኝ ከቃሌ ብትረዝም ፊደል እያጠረኝ አወኩህ ያልኩህን እንኳ መች አውቄ እንትኔ ብልህም አልገባኝ ጠልቄ ከባህር ተጨልፎ ብልቃጥ ተመዝኖ ልክህ ነው አይባል መልክህ ተተንትኖ እንኳን አንተን እራስህን መች ገልጬው የገባኝን ወይ ቋንቋው ቃል የለው ያንተን ልክ ሊገልፀው ወይ እኔ አላውቀው ቋንቋዬን ጠንቅቄ ወይ አይግሩኝ አበው ብጠይቅ አጥብቄ ጥቂት ብታሳየኝ ወየው ብዬ ግርም ሌላ መልክ የለህም ብዬም ብደመድም አንተ ግን እልፍ ነህ አንድ አይቋጭህም የእስከዛሬው ግልጠት ጭራሽ አይለካህም ምንጭ ከtelegram sʜᴀʀᴇ   ◈sʜᴀʀᴇ  ◈sʜᴀʀᴇ ◈telegram    Let us praise God by poem! በግጥም እናመስግን! ይቀላቀሉ https://t.me/AsaphTube

የእውነት ዝናር የምንኖረው የተለያዩ እውነቶች እርስ በርሳቸው ተቻችለው በሚኖሩበት ዓለም ውስጥ ነው፡፡ እነዚህ የተለያዩ እውነቶች አንድ ላይ በመኖራቸው ምክንያት ሰዎች የተለያዩ እውነቶችን እየኖሩ ሁሉም እውነት ትክክል ነው ይላሉ። በግዜ ሂደት ውስጥ ደግሞ ይሄው ልማድ ወደ ቤተ-ክርስቲያን ገብቷል፡፡ ኢየሱስም አለው፦ “እኔ መንገድና እውነት ሕይወትም ነኝ፤ በእኔ በቀር ወደ አብ የሚመጣ የለም።(ዮሐንስ 14:6) በዚህ ክፍል ከተገለጸው በተቃራኒ የራሳችንን እውነት ስንኖር ትክክልና እውነት የሆነውን ክርስቶስን ትተን ለኛ የሚመቸንን ክርስቶስ እየተከተልን ነው፡፡ እንደ ክርስትያን ለምናምን ለእኛ አንድ እውነት ብቻ እንዳለ ነው መጽሐፍ ቅዱስ የሚያስተምረን፣ ያም እውነት የድነታችን መሰረት የሆነው ክርስቶስ ነው፡፡ ከራሱ ከኢየሱስ ውጪ ሌላ እውነት ቢኖር ኖሮ እራሱን ብቸኛው መንገድና እውነት ሕይወትም ነኝ ብሎ ባልጠራ ነበር፡፡ እውነት እግዚአብሔር የልጁን መልክ እንድንመስል እኛን የሚለውጥበት አንዱ የህይወት ስርዓት ነው፡፡ ከዚህ እውነት ጋር በማይስማማ መንገድ የምንኖር ከሆነ ደግሞ ራሳችንን ለጠላት ስራ አሳልፈን እንሰጣለን፡፡ በኤፌሶን 6 ላይ ስለ መንፈሳዊ ውግያ ሲናገር፣ የጠላትን ሀሳብ ለመቃወም ከምንጠቀማቸው የጦር እቃዎች አንዱ በወገባችን የምንታጠቀው የእውነት ዝናር ነው፡፡ በልካችን የተሰራ ቀበቶ በምናረግበት ግዜ ልብሳችንን በሚገባ እንደሚይዝልንና ምቾትን እንደሚሰጠን በተመሳሳይም የኢየሱስ ክርስቶስ እውነት በእኛ ውስጥ መኖሩ ዘላለማችን በክርስቶስ አማካኝነት የተጠበቀ እንደሆነ እያስታወሰ ከምንጠብቀው ተስፋ ጋር ይበልጥ ያጠብቀናል፡፡ በዚህም እውነት አማካኝነት ህይወታችንን እንቃኘዋለን፣ እንዲሁም ደግሞ አኗኗራችን ያለማቋረጥ ክርስቶስን ወደመምሰል እንዲያድግ እንተጋለን፡፡

ሳይረፍድ ብዙ ሳንከስር የእውነት እንሁን! እግዚአብሔር እያዘነ የምንገነባው ገፅታ የትም አያደርሰንም! በልባችን እንለወጥ! ያልተኖረ የታይታ ገፅታ ምን በሰው ዘንድ ጎሽ ቢያሰኝና ቢገነባ ጊዜ ቆጥሮ ባዶነቱ ይገለጣል ከትወና ህይወት አያልፍም! ብልህ እንጂ ብልጣብልጥ አንሁን! እርሱ ጎሽ ይበለን ሌላው ሁሉ ትርፍ ነው! ከተገለጠው ድርጊታችን በላይ የልብ አካሄዳችን የነገ ፍሬያችንን ይወስናል! የተገለጠው ድርጊታችን ለሰው ይታያል። ልባችን ግን በእግዚአብሄር ዘንድ ታይቶ ይመዘናል። ምንም ነገር ስናደርግ የምናደርግበት መንፈስ ከድርጊታችን በላይ በእግዚአብሄር ዘንድ ዋጋ አለው ያልተኖረ የታይታ ብቻ ገፅታ ምን በሰው ዘንድ ጎሽ ቢያሰኝና ቢገነባ ጊዜ ቆጥሮ ባዶነቱ ይገለጣል ከትወና ህይወት አያልፍም! እግዚአብሔር እያዘነ የምንገነባው ገፅታ የትም አያደርሰንም። በልባችን እንለወጥ! ብልህ እንጂ ብልጣብልጥ አንሁን! ሳይረፍድ ብዙ ሳንከስር የእውነት እንሁን! የእውነት እንኑር! አንሸነጋገል! የእውነት ልብና ቅንነት ገፅታችን ይሁን! እርሱ ጎሽ ይበለን ሌላው ሁሉ ትርፍ ነው። በእውነት መንፈስ ተባረኩ! ©Hanna Tekle sʜᴀʀᴇ   ◈sʜᴀʀᴇ  ◈sʜᴀʀᴇ ◈telegram    Let us praise God by poem! በግጥም እናመስግን! ይቀላቀሉ https://t.me/AsaphTube

sʜᴀʀᴇ   ◈sʜᴀʀᴇ  ◈sʜᴀʀᴇ ◈telegram    Let us praise God by poem! በግጥም እናመስግን! ይቀላቀሉ https://t.me/AsaphTube

"Jehovah Jireh" (የሆዋ ይሬ) "እግዚአብሔር ያዘጋጃል" (The Lord Will Provide)። ​በዘፍጥረት ምዕራፍ 22 ​አብርሃም ልጁን ይስሐቅን መሥዋዕት አድርጎ እንዲያቀርብ በእግዚአብሔር በተፈተነበት ወቅት፣ ልጁን ለመሠዋት እጁን በዘረጋ ጊዜ የእግዚአብሔር መልአክ ከሰማይ ጠርቶ ከለከለው። ከዚያም አብርሃም ቀና ብሎ ሲያይ ቀንዶቹ በዕንጨት ውስጥ የተያዙትን በግ አየና በልጁ ምትክ መሥዋዕት አድርጎ አቀረበው። ​በዚህ ጊዜ አብርሃም እግዚአብሔር በፈተናውና በጭንቀቱ መሃል ያዘጋጀለትን መውጫ በማየት የዚያን ቦታ ስም "የሆዋ ይሬ" (እግዚአብሔር ያዘጋጃል) ብሎ ሰየመው። ​በሰው አቅም ምንም ተስፋ የሌለ በሚመስልበት ሁኔታ ውስጥ እንኳን፣ እግዚአብሔር አስቀድሞ መፍትሔውን እንደሚያዘጋጅ ያስታውሰናል። ​በአጠቃላይ ቃሉ የእግዚአብሔርን ታማኝነት እና አቅራቢነት የሚያበስር ታላቅ ስም ነው። @Asaph1 sʜᴀʀᴇ   ◈sʜᴀʀᴇ  ◈sʜᴀʀᴇ ◈telegram    Let us praise God by poem! በግጥም እናመስግን! ይቀላቀሉ https://t.me/AsaphTube

ገና ደካሞች በነበርንበት ጊዜ ክርስቶስ ለኅጢያተኞች ሞተ ይህም እግዚአብሔር ለመላለሙ ያለውን ፍቅር ያሳያል ስለ ቸር ሰው የሚሞት በጭንቅ ይገኝ ይሆናል፥ ስለ ኃጢያተኛው ይገኝ ይሆን? አዎ ተገኘ ! ክርስቶስ ኢየሱስ በታላቅ መውደዱ እስከ መስቀል ፍቅሩን ገልጧል። ለዚህ ፍቅር ምላሽ ትሰጡ ዘንድ እንጠይቃለን... “ ገና ደካሞች ሳለን ክርስቶስ ዘመኑ ሲደርስ ስለ ኃጢአተኞች ሞቶአልና።”   — ሮሜ 5፥6 @Asaph1 sʜᴀʀᴇ   ◈sʜᴀʀᴇ  ◈sʜᴀʀᴇ ◈telegram    Let us praise God by poem! በግጥም እናመስግን! ይቀላቀሉ https://t.me/AsaphTube

. Part 2    4. የይቅርታ ስፋት (70 ጊዜ 7) ጴጥሮስ ኢየሱስን "ስንት ጊዜ ይቅር ልበለው? እስከ ሰባት ጊዜ ነውን?" ብሎ በጠየቀው ጊዜ፣ ኢየሱስ የመለሰው "እስከ ሰባ ጊዜ ሰባት" ነበር (ማቴዎስ 18፡21-22)። •  ይህ ቁጥር 490 ለማለት ሳይሆን፣ ይቅርታ ገደብ ሊኖረው እንደማይገባና የሕይወት ዘይቤአችን (Lifestyle) ሊሆን እንደሚገባ ለማስተማር ነው። 5. ይቅርታ እና እርቅ (Forgiveness vs. Reconciliation) እነዚህ ሁለት ነገሮች ይለያያሉ፦ •  ይቅርታ፦ አንተ በብቸኝነት የምታደርገው ውሳኔ ነው። ሌላኛው ሰው ንስሐ ባይገባም እንኳ አንተ ይቅር ማለት ትችላለህ። •  እርቅ፦ የሁለት ወገን ስምምነት ነው። እርቅ የሚመጣው ሌላኛው ሰው ስህተቱን አምኖ ለመለወጥ ሲስማማ ነው። •  ክርስቲያን ሁልጊዜ ይቅር ማለት አለበት፣ ነገር ግን እርቅ የሚሆነው ሌላኛው ወገን ታማኝና ደህንነቱ የተጠበቀ ሲሆን ነው። 6. ራስን ይቅር ማለት ብዙ ጊዜ ሌሎችን ይቅር እንላለን፣ ነገር ግን የራሳችንን ያለፈ ስህተት ይዘን እንጨነቃለን። •  እግዚአብሔር ይቅር ካለህ፣ አንተ ራስህን ይቅር አለማለት ከእግዚአብሔር በላይ ጻድቅ ለመሆን መሞከር ነው። እግዚአብሔር የረሳውን ኃጢአት አንተ ማሰብ የለብህም። •  ጥቅስ፦ "በክርስቶስ ኢየሱስ ላሉት አሁን ኩነኔ የለባቸውም" (ሮሜ 8፡1)። 7. የይቅርታ በረከቶች •  የውስጥ ሰላም፦ የልብ እረፍት ታገኛለህ። •  ጸሎት ይሰማል፦ ቂም የጸሎት መከላከያ ነው። ይቅር ስንል ግንኙነታችን ከእግዚአብሔር ጋር ቀጥተኛ ይሆናል። •  ለሥጋ ጤና፦ ብዙ በሽታዎች (እንደ ጭንቀትና ደም ግፊት ያሉ) ከቂም ጋር የተያያዙ ናቸው። ይቅርታ ለሥጋም ፈውስ ነው። ባጭሩ፦ ይቅርታ ማድረግ ማለት የተደረገብህን በደል "ትክክል ነው" ማለት አይደለም፤ ይልቁንም "በደሉንና ተበዳዩን በእግዚአብሔር እጅ አሳልፌ ሰጥቻለሁ" ማለት ነው። መስቀል ላይ ሆኖ "አባት ሆይ የሚያደርጉትን አያውቁምና ይቅር በላቸው" ያለው የኢየሱስ ድምፅ የእኛም መመሪያ ነው። ይቅር ለማለት የከበደህ ሰው ወይም ሁኔታ አለ? በጸሎት እንድናግዝህ ከፈለግህ ልትነግረኝ ትችላለህ። 👇👇👇 @Asaph1 sʜᴀʀᴇ   ◈sʜᴀʀᴇ  ◈sʜᴀʀᴇ ◈telegram    Let us praise God by poem! በግጥም እናመስግን! ይቀላቀሉ https://t.me/AsaphTube

   ይቅርታ ይቅርታ (Forgiveness) በክርስትና ሕይወት ውስጥ ማዕከላዊ ስፍራ ያለው፣ የሕይወት እስትንፋስ ያህል አስፈላጊ የሆነ መለኮታዊ ትእዛዝ ነው። ይቅርታ ማለት በአጭሩ "የበቀል ወይም የቅጣት መብትን ለእግዚአብሔር አሳልፎ መስጠት" ማለት ነው። ስለ ይቅርታ ጥልቀት ያላቸውን ነጥቦች በመጽሐፍ ቅዱስ መሠረት እንደሚከተለው እንመልከት፦ 1. የይቅርታ ምንጭ እግዚአብሔር ነው የክርስትና ይቅርታ መሠረቱ እግዚአብሔር ለእኛ ያደረገው ይቅርታ ነው። እኛ በእርሱ ላይ ኃጢአት በሠራን ጊዜ፣ እርሱ በልጁ በኢየሱስ ክርስቶስ በኩል ይቅርታን ሰጠን። •  ጥቅስ፦ "እግዚአብሔርም በክርስቶስ ይቅር እንዳላችሁ ይቅር ተባባሉ" (ኤፌሶን 4፡32)። •  ይህ ማለት ይቅርታ የምናደርገው ሌላኛው ሰው ይቅርታ ስለሚገባው ሳይሆን፣ እኛ ራሳችን ይቅርታን ስላገኘን ነው። 2. ይቅርታ "ምርጫ" እንጂ "ስሜት" አይደለም ብዙ ሰዎች ይቅር ለማለት ስሜታቸው እስኪለወጥ ይጠብቃሉ። ነገር ግን ይቅርታ በውሳኔ (Decision) የሚጀመር ሂደት ነው። •  ስሜታችን ገና ሊጎዳና ሊያምም ይችላል፣ ነገር ግን "ይቅር ብያለሁ" ብለን ስንወስን እግዚአብሔር ልባችንን የማዳን ሥራ ይጀምራል። 3. ይቅርታ ለራስ ነፃነት ነው ይቅር አለማለት (ቂም) ልክ መርዝ ጠጥቶ ሌላኛው ሰው እንዲሞት ከመጠበቅ ጋር ይመሳሰላል። ይቅርታ ስናደርግ ሌላኛውን ሰው ከሕሊናችን እስር ቤት ስንፈታ፣ በተዘዋዋሪ የታሰርነው እኛ መሆናችንን እንረዳለን። •  ጥቅስ፦ "ለሰዎች ኃጢአታቸውን ይቅር ብትሉ የሰማዩ አባታችሁ እናንተን ደግሞ ይቅር ይላችኋል" (ማቴዎስ 6፡14)።

የመከራው መሲሕ፤ ኢሳይያስ 53 መሲሑ ለመጠላት፣ ለመቍሰልና ለመሞት እንደሚመጣ ከ700 ዓመታት በፊት ተነበየ፤ የመከራውን ጥልቀት ገለጠ፤ "ነገር ግን እርሱ ስለ መተላለፋችን ተወጋ፤ ስለ በደላችንም ደቀቀ፤ በእርሱ ላይ የወደቀው ቅጣት ለእኛ ሰላም አመጣልን፤ በእርሱም ቍስል እኛ ተፈወስን" (ቍ. 5)። እንደ ተጻፈው፣ ስለ እኛ በለበሰው ሰውነት የእኛን ቅጣት በሞላ ተቀበለ፤ ድቀታችንን ደቀቀ፤ ስለ መተላለፋችን ተመታ ስለ ጥፋታችን ቆሰለ፤ ስለ በደላችን ተወጋ። ይህ ሁሉ ሲሆ…

አይገርምም? እኛን ሲወደን የተጓዘው የፍቅር ጉዞ ከአምላክነቱ ወረዶ የባርያን መልክ ይዞ ሰው ሆኖ ያልተገባውን መከራ ቀምሶ አምላክ ሆኖ እንኳ በፍርሀት ሲጣጣር ወዙ እንደ ደም ነጠብጣብ ሲወርድ... እኛን ለማዳን የተጓዘው የፍቅር ጉዞ እንዴት ይረሳል? ፍቅር ለካ እንዲህ ነው🤔 እውነትም እኛ እንደወደድነው ሳይሆን እርሱ እንደወደደን ነው። #ኢየሱስ😭 sʜᴀʀᴇ   ◈sʜᴀʀᴇ  ◈sʜᴀʀᴇ ◈telegram    Let us praise God by poem! በግጥም እናመስግን! ይቀላቀሉ https://t.me/AsaphTube

ባለህበት ዘማሪት ቸሊና እና ዘማሪ ሳሚ ተ/ሚካኤል sʜᴀʀᴇ ◈sʜᴀʀᴇ ◈sʜᴀʀᴇ ◈telegram Let us praise God by poem! በግጥም እናመስግን! ይቀላቀሉ https://t.me/AsaphTube

መስሎት       ተኝቶ ማደሩን ንገር ያሉት ወደጅ      "ግንባታ ነው" አለ ለሚሰማ አድማጭ       ዘበኛ መቅጠሩን ደጋግሞ ብናገር      መስሎት በእርሱ አቅም ሰላም የሆነ ሀገር     ንገሩለት       ለዛ ለሚመካ ለሚዳክር ተላላ       አንደበት ሰማይ ነው ነብሱ ግን ጎስቋላ       ዘንግቶ እንዳይሞት ንገሩለት ቶሎ       ተኝቶ መነሳት ታይቶበታል ቀሎ       ሰው በሚሞትበት በሚበላው መብል       መኖር በምህረቱ ነው ወዳጄ አታቅልል       Let us praise God by poem! በግጥም እናመስግን! ይቀላቀሉ https://t.me/AsaphTube

"ቶሎ ሽሹ 🏇🏻" እግዚአብሔር የሌለበት ቦታ ላይ ፈጽሞ እንዳትቆዩ፤ እግዚአብሔር ማይከብርበት ቦታ ላይ ፈጽሞ አትክረሙ ወዲያው ጥፍት፤ ሽፍት በሉ፤ የእግዚአብሔር ጠረን የሌለበት ቦታ ላይ፤ እግዚአብሔር ፈገግ ብሎ ያልተስማማበት ቦታ ላይ ፈጽሞ አትክረሙ። ምክንያቱም መጨረሻው ሞት ነውና እግዚአብሔር ያልወደደው ቦታ መጨረሻው ጥፋት ነው፤ ችግር ነው። ስለዚህ የእግዚአብሔር ቦታ ማለትም እግዚአብሔርን ደስ ሚያስኝ ቦታ ላይ ቆዩ ሰንብቱ!! እግዚአብሔር ጋር መሰንበት ይሁንልን🙏 Let us praise God by poem! በግጥም እናመስግን! ይቀላቀሉ https://t.me/AsaphTube