Goomannaa/ቅናት
Goomannaan dhukkuba dha. Goomannaan dhukkuba dhoksaa miira akkasuma taatee ta'ee mul'atu dha. Goomannaan gaarummaaf hin goomatamu.
Goomannaa gosa garagaraatu jira. Garuu, hundi isaaniituu dhukkuba dha. Goomannaan hammaan yookiin gosaan wal caalu hin jiru. Goomannaan jibbaaf, sodaa, ofitti amanamummaa dhabuu, nama biraa waliin of madaalaa jiraachuuf, lubbuu ofii akka dabarsaniif/of ajjeechaaf nama saaxiluuf humna guddaa qaba. Maddi goomannaa inni hangafaa sodaa dha. Namoonni goomatan sodaa dhokataa keessa isaanii dhokate waan qabaniif dha. Goomannaan sodaa lubbuu horatee miira ta'ee mul'atu dha.
Namni tokko nama biraatti kan goomatu milkaa'ina isaanii, qabeenya isaanii, bareedina isaanii, beekumsa isaanii, beekamtii isaanii, qulqullummaa/qajeelummaa/ jaalala/arjummaa/ fi guddina qaamaa tokkoo irratti ni goomatama.
Iddoon goomannaa hin jirre iddoo kufaati ti. Hojiin goomannaa inni guddaan balleessu dha. Goomannaan milkii jibbee kufaatii leellisa/jabeessa.
Namni hin goomanne hin jiru. Kana jechuun namni kamiyyuu sodaa keesaa isaatii ni qaba jechuu dha. Ta'us, goomannaan uumamaan waan waliin dhalatan miti. Akkuma wanti sodaan hamma waan sodaannu sanaa gargar ta'u hammi goomannaa fi wanti namni tokko goomatu kan nama biraa irraa garagara dha.
Yeroo baayyee namni akka namni biraa itti goomate/goomatame baayyisee ni dubbata garuu, ofiidhaa akka goomatu ofii isaa/ishee saaxiluu hin barbaadu. Kana irraa kan ka'e akka dhukkuba nama waliin dhalatee fi nama biraa bira qofa jiruutti quba nama biraatti qabaa akka jiraannu nu taasisaa jira.
Saala dhiiraa fi dubartii keessaa kan goomannaadhaan hedduu miidhamuu fi kan hedduu goomatu dubartii dha.
Goomannaa akkamiin balleessuu danda'ama?
✍️Goomannaan hamma dhukkuba ta'etti kadhannaadhaan ni bada.
✍Maaliif akka goomannu ofii keenyaaf deebii sirrii ta'e kennuudhaan.
✍Madda Goomannaa nu keessatti kakaasanii sana keessa keenyaa mancaasudhaan.
✍️Waan sodaa keessa keenyatti lubbuu akka horatu taasisu sana keessa keenyaa buqqisuu.
✍️Miirota miira Goomannaa kana gargaaran kan akka miira jibbaa, ofitti amanamummaa dhabuu, ofii keenya nama biraa waliin of dorgomsiisuu, of tuulummaa keessa ofiitii ajjeessuu.
