جـيـنـه نـنـشد بـاب دار الـمـرتضه
شگد ثجيل وضلع فاطم رضرضه
ـــــــــــــــــــــــــــــــــ
جـينـه نـنـشد كون يـنطـينه جواب
شلون وگعت فاطمه بـذاك المصاب
وچیف محسن طاح مرمي عالتراب
والجنين بدفعة الظالم گضه
ـــــــــــــــــــــــــــــــــ
جينه ننشد چان بیه اشچم جذع
وزهرة الهادي انطحن منها الضلع
اثمنطعش عام العمر مثل الشـمع
ذاب واختلفت موازين الفضه
ـــــــــــــــــــــــــــــــــ
جينه ننشد وين وگعت فاطمه
وين چان ابيومها حامي الحمه
والله ساعه على حـــيدر مؤلمه
اموصه چان وامره لله فوضه
ـــــــــــــــــــــــــــــــــ
جينه ننشد بــــاب امير المؤمنين
شلون اجاها بالحطب ذاك اللعين
وإن صاح اگبــــال کل الحـاضرين
وحرگ دار المصطفى وراح ومضه
ـــــــــــــــــــــــــــــــــ
جينه ننشد بابها اعليها اشجره
چــم ضلع من الزچـيه كــاسره
الباب ماتدري البـتـول الطاهره
لاذت ابسدها ابمدامع فايضه
ـــــــــــــــــــــــــــــــــ
جينه ننشد والدمع نار ايهلي
فاطمه صاحت الفضه لو علي
اتكابر وضمت كسرها عالولي
والنفس گوه الزچیه تلفظه
ـــــــــــــــــــــــــــــــــ
جـينـه نـنـشد بابها دار الوحــــــي
ام ابـوها ادمـومـهـا مـا تـنـمـحـي
لو نظل نطحن حزن مثل الرحي
وتظل دمعتنه المصيبتهه شضه
ـــــــــــــــــــــــــــــــــ
جينه ننشد هم دره الباب وسمع
حين ماتـت علي كــابـد يـاوجـع
شلون تـالي الليل بـــالزهره طلع
وبالنعش عين الحبيبه امغمضه
ـــــــــــــــــــــــــــــــــ
جينه نــنـشد بــاب ماردت فـقير
الفجعو الزهراء هم عدهم ضمير
من وراهم بـالحـشر يــــومً عسير
اليبغض اهل البيت الله يبغضه
ـــــــــــــــــــــــــــــــــ
حيدر بشار الدراجي
١ ربيع الآخر ١٤٤٧ هـ