هوسات لولادة الرسول ص
الشاعر قاسم الساعدي المندلاوي
***
أبو الزهره الرسول الليلة ميلاده
واعلنهه العرش ويّانه أعيــــاده
خَل نرفع تهاني الفرحة لـــولاده
لن عيد العترة ابهالليلة
*
ميلاده انولد بيه كل نبي ومُرسَل
لإن ميلاده بيه كل النُظُم تكــــمل
يَم خير البريّة كل عقد والـــــحَل
ثِبتَت كل دعوة ابمجهوده
****
رسَم خط واضح ابحُكم الصَبُر طه
الكل جيل اليجي وبخَطّه نتــــباهه
هالدعوة يضيع العَدل لولاهـــــــه
لن هيّه الحق ودستوره
*
بنه دولة عظيمة ابصبره واصــراره
واله هارون من موسى علي اختارة
وزيره وساعده وبيه ترك آثــــــاره
والشاهد من هاجَر طه
****
فرض واجب علينه انطيع ابو الزهره
لإن من العلي الأعلى أخَذ أمــــــــــره
الصلاه من دونه تبقى ناقصة وبتـرة
لن هوّه الدين وعنوانه
***
محمد بيك أحنه اعله الأنس والجان
نتباهه يالدينك خيرة الأديــــــــــــان
ويّه ادمانه نشعر سيد الأكـــــــــون
وبيه نشعر فيض ويروينه
***
رسول الله وأمينه وسيد السادات
يأكّدهه الكتاب وما تريد اثبــــات
من اول المصحف لآخر الآيــات
لن هوّه المصحف وانواره
**
كمل دين الأله ابزود ابو القاســـم
والسار ابخِلافه ابمُعتَقَد واهـــــــم
كل ماضي الأمم والحاضر اوقـادم
ضَل ثابت وبزود الهادي
August 27, 2026 337 10
