محمد يارســـول الله
الك شوگ الگلب صله
،،،،،،،،،
هله بنورك التارس سبع الاكوان
هلا بالجاي لينه وجيته قراءن
هلا بخاتم الدين وكل الاديـــان
هله بنورك يبو الزهـــره
نحبك احنه عالفطـــــره
نشيلك شيلت المحبس
مثل ماشايل الشـــــذره
الك شوگ الگلب صلـــه
،،،،،،،،،
تمسكنه بودادك احنه مـــــولاي
ومشينه برايك المامثله كل راي
عذب ضگناك صافي وتشبه الماي
تحية شوگ ودينــــــــــه
الحضرتك وانته هادينــه
اعله حب الله واهل بيتك
يبو الزهره تلاگينــــــــــه
الك شوگ الگلب صلـــــه
،،،،،،،،،
هلا بطاريك صاحت هاي العيون
اليحبك من صدگ ناداك ممنــون
انه الشيعي واضل بهواك مجنون
ينعمه ورحمة البـــــــاري
ارفعت للنجم مقــــــداري
حرز شديتك بزنــــــــدي
وحصن بي حصنت داري
الك شوگ الگلب صلـــــه
،،،،،،،،،
يواصل قاب قوسين وتدنيــــت
فلا واحد وصل مثلك تعلّيــــــت
صلات الشكر يم الباري صليـــت
يگلك ربك ادنـــــــــــــه
يخير متوج ابمنــــــــــه
ودخلت وشفت بعيونك
يبو ابراهيمنه الجنـــــــه
الك شوگ الگلب صلــــه
،،،،،،،،،
يخاتم كل رساله بختم الاسلام
صحيح اخر نبي بس انته جدام
ابو الحسنين چان الضهرك احزام
علي ويّاك كل خطــــوه
يتسوه وهوه هم يســوه
تشاركتوا وتخاويتــــــوا
على المره وعلى الحلوه
الك شوگ الگلب صلـــه
،،،،،،،،،
خسر كلمن يبو ابرايهيم خلفاك
وصفات شكثر رب الكون خلفاك
اذا اشتد الوطيس انلـــوذ خلفاك
لان انته الامان من المنيــــــــــــه
،،،،،،،،،،
لخادم الحسين ع
محمد الفهداوي
August 31, 2026 230 5
