يا هلا ابتاج العداله
طه مبعوث الرساله
يارسول الله غرامي ♡♡♡♡
***
انولد أصل الدين وأصل العقيده
وبتشرت الاكوان تكتب نشيده
محلى الفرح وياك تحلى القصيده
وسند بيك ايصير شفنه الصميده
يافرحنه الليله ردد
أشهدُ حبك محمد
يارسول الله غرامي ♡♡♡♡
***
حلوه الصفات البيك بانت كماله
ودعوه حب الناس چانت خصاله
والصادق المحبوب طيبة فعاله
رحمه وبعث بالنور رب الجلاله
بالنبي ظهرت علايم
آدم ايبشر العوالم
يارسول الله غرامي ♡♡♡♡
***
آدم سجد تعظيم شاف النبوه
وبهل الصفات البيك يالهادي حلوه
بساگي العرش والنور لدنيا ضوه
بالمحشر العشاگ من چفه تروه
يا جمال الله ابحروفه
والعشگ يرسم طيوفه
يارسول الله غرامي ♡♡♡♡
***
كل الرسل والنور بشرت بسمه
هادينه هوه الخير لدنيا رحمه
مثلك فلا مخلوق غذانه علمه
مشغوله كل الحور بالجنه رسمه
كل نبي بسمك تودد
خاتم الادياني أحمد
يارسول الله غرامي ♡♡♡♡
***
هم مثله صار اليوم منتظره الأيام
غايبنه هم ايعود ويحقق احلام
وارث صفاته انهار هم كافل ايتام
منقذها باچر صار ويزيح الاوهام
ننتظر ساعة ظهوره
بالعدل يغمرنه نوره
يارسول الله غرامي ♡♡♡♡
***
تمت بعون الله تعالى الشاعر___يوسف_الفتلاوي
1August 25, 2026 341 6
