زينب ياعلي عيــــــــنك عليها
اوصيك بوصــــيه وتدري بيها
راح خلافي تحــتار
تحير بوحشه الدار
عينك عل العــــــقليه من الهموم
تعيش ايام سوده وتبجي كل يوم
هيه مدلله وتفــــــــــــارك النوم
ويضل اگليبها من الفرحه محروم
هــيه مدلله وياي
وبعدي تيها الراي
وراح تحير يــــــــجامل بجيها
روحي وروحــــــها رتبطن سويه
ودري تحير لو جــــــــــتني المنيه
مايطبك جفنــــــها اله عله اديه
وياي معــــــــــلمه وبكل مسيه
وياي معلمه تنام
ماتحمل تره الام
شلون بحالها الــــــــيل ويجيها
شلون بحالــــــــها وتگابل الباب
مضيعه امها وتدور رادت جواب
تكول امي الحنينه وحدر التراب
تعاتبمن بعــــــــد شيفيد العتاب
تضل بحسره وبنوح
وبيها تزيد الجــروح
تتيتم تظــــــــــــل تفرك بديها
فگدها بكــــــل صباح وكت الغروب
ادري بهل وكت وتــــــــحن الگلوب
مثل الشمــــعه من فراكي وتذوب
زغيره وياگــــــــــــلبها عليه متعوب
حطها بــــنص العيون
خلافي وياعلي شلون
اخاف الــــــــشر يحيدر يعتنيها
اخاف تــــــحير من تشوف اليتام
ومن بعدي بــخرابه وصعبه تنام
وتمشي ويلغرب وطب علئ الشام
وتشوف حسين جسمه مترس سهام
اخافن هذا اليصير
وزينب باجر تحير
گبال العين يســــــــــلب وليها
ابو سلام. الجابري
September 3, 2026 99 2
