عظم الله اجرك يمهدي اليله
شفت ابوك السم امهدم حيله
......................................
عظم الله اجرك يمهدي ونته ابوك اتشوفه
من كثر سمه وعذابه ما يشيل اچفوفه
اشحال گلبك من تصدله ابروحك الملهوفه
تصد ليه بعيونك
ومثله غاير لونك
حمره عينك كثرما تبجيله
.......................................
الابو ندري ابمصابه يابو صالح بالگلب
المات ابوه مهدود حيله وموقفه كلش صعب
يم مدينة جده ميت كون مو ديرة غرب
غربه كلهه الوادم
وكلهه ربع الظالم
وماكو واحد همك التشكيله
...........................................
ناس تگصدله وتعزي التموت احبابه
توگف اتشيع الجنازه اصفوف كلهه ابابه
وين نتعنه ونگصده العنه طال اغيابه
انريد نگصد دارك
وما نعرف اخبارك
من مهدنه ابعحل الندعيله
.................................
يا غريب الدار وينك طولتهه الغيبه
واحنه الابعازة حنانك يابحر للطيبه
لمنه يالمهدي ابعباتك والك ثار اتجيبه
يبو صالح وينك
فدوه كلنه العينك
ويا حملنه بس اديك اتشيله
............................
عجل الطلعه يمهدي وشوكنه البتارك
ما كفاهه السم العودك امس هدمو دارك
للطف وارض البقيع انريد تاخذ ثارك
واحنه كلنه اجنودك
وبينه عايش زودك
واليضدك يابو صالح ويله
خادم اهل البيت علي الزرگاني
August 20, 2026 778 12
