شور..
من الخيم متعنيه أجيتك خويه ومضيعه الأثر
وحدي مابين الحوافر أنظر ومامش خبر
هاي ريحة موت منك أشتمها دلالي أنفطر
توجهت للتل وأعاين بصدرك الحافر عثر
وعودت لخيامي .. منها راح الحامي
اندب بكل صوتي.. وجمره تجوي اجدامي
خويه تالي الغربه.. بيها أكضي أيامي
حسين يبن امي
حسين يبن امي
.....
بالعجل وبسكته أجيتك حتى أودعك وأرتحل
خويه مو نوك العزيزه حضرو نوك الهزل
ولماردت بيها أسولف أدري أجرحك يانفل
مو عزيزه عدهم أختك لفو بجفي الحبل
والتهظمك خويه.. اصعد انه الناكه
يدري عباس اخته.. مرمراها افراكه
ولوداعك دمعي.. يسولف شمشتاكه
حسين يبن امي
حسين يبن امي
.......
يدري اليسولف حنينه ويدري بيه أشكد أحن
شجرة طيبه وكطعوها وطشرو غصن وغصن
انت عمرك مافرحته من الصغر رابي حزن
وانه اختك هم عشتلك طيف ودموع وجفن
اختك انه وكلبي.. مايحمله غيابك
ضيعت بالهيمه.. نص بنات عيالك
بالخرابه أبنيتك .. موتاها أفراكك
حسين يبن امي
حسين يبن امي
.......
أبراحه اليوادع عزيزه وكون ملتمه الأهل
مو على الناكه المضلعه وليك سابكني الأجل
أتوجهت برماح أسولف أتردلي بلكت ضل أمل
بس بعيد الراس وانه صوتي خافت ماكو حل
السهله صعبت يمي.. ما أجتني أخواني
والخلك تشمت ... واحترك صيواني
هذا عوز الخوه ... اتشمتت عدواني
حسين يبن امي
حسين يبن امي
......
نار وخيـول العساكـر وصلت بصوب الضعن
والحرم مـن المخيـم للبراري أتراكضـن
خوفهـن والنار تاكـل بالصـواوين أطلعـن
فزعنك خويه ترجـع بس حماهـن ضيعـن
ضيعنك خويه ... و اني ماضيعتك
للمخيم ترجع ... ضلـن ينادنـك
وين راعي الغيره .. الحك اخيام اختك
حسين يبن امي
حسين يبن امي
.......
مصطفى ستار العبادي
August 29, 2026 218 5
