الله يابو حسين ينطيك الصبــــــر
وانت تشمر بيدك تراب بالگبـــــــر
ترجع بلا فاطمه منحني ودمعك دمه
يــــــــــــــــا علي. يـــــــــــــــــــا علي
___
مو فقط هالليله نوحك حته دمعك ينسمع
خيبر وشلته بيسارك وسفه بابك يندفــــع
فاطمه اگبالك يحيدر منها مكسور الظلـــع
تگدر تنزل سماها وما كدرت اعله الدمــــع
يل قلعت الباب ومرجع الشمــــس
ما گدرت تخلي دمعك ينحبــــــس
بهل مصيبه المولمه منحني ودمعك دمه
يـــــــــــــــــــــا علي. يــــــــــــــــــــا علي
@@@@@@@@@@@@@
دافن ام بيتك يحيدر وله دافن دنيتـــــــك
عالگبر ماكف ونينك مدري بيمن وصتــــك
حاول اعيالي برجعتك تخفي عنهم حسرتك
واحد يسحگونه منهم شملي نحره برجعتك
شنهي حاله البلگبر يدفن حبيـــــــــب
ينجرح ولجرحه ما ينفع طبيــــــــــب
بالمدامع ينعمه. تنحب ودمعك دمه
يــــــــــــــا علي. يــــــــــــــــــــــاعلي
@@@@@@@@@@@@@@@@
فارگت زهرة حياتك ياعلي ومات الـــــــــــورد
ماردت زينب تشوفك توصل الباب وتــــــــــرد
دمعك الما يرضه يوگف نگع اتراب اللحــــــــد
ناحت الگمره اعله نوحك والشمس تقره الحمد
شنهي حالك وحتمل هذا المصـــــــــاب
يا علي وعشرة عمر حدر التــــــــــــراب
ضاگت ىدمع سمه تنحب ودمعك دمه
يـــــــــــــــــــا علي يـــــــــــــــــــا علي
@@@@@@@@@@@@@@@@
عالگبر كل ساعه عينك وانت راجع تلتفــــت
ماخفت من سيف ابن ود ترجع لزينب خفت
بالدرب مو بس دمعتك انت ودموعك طحت
تكسر جيوش بخزرتك تكسر الخاطر صــرت
فاطمه يدفعوها وتوازيها نـــــــــــار
وانت ليهابونه سيفك ذو الفقــــــــار
وانت حماي الحمه تنحب ودمعك دمه
يـــــــــــــــــــا علي يــــــــــــــــــــا علي
@@@@@@@@@@@
منحني ولونك تغير من دفع باب وكســــــــر
شنهي حالك من تشاهد ذبحت حسين الظهر
بس ضلع واحد تهشم بالطف اتهشم صــــدر
وما شفت زينب يحيدر من رجع ليها الــــمهر
ريت حاضر يا علي وعينك تشـــــــوف
طيحت ابنك عالرمل بين السيــــــــوف
صابته اسهام الضمه. تنحب ودمعك دمه
يــــــــــــــــــــــــا علي. يـــــــــــــــــــــاعلي
@@@@@@@@@@@@@
الشاعــــــــــــــــــر
كريم الابراهيمــي
1August 25, 2026 444 4
