بطبت الشام شصار بينه
من النضر عركت عبينه
وفوك الرمح غمض ولينه
من لمو الوادم علينه
وكفنه كوه اليحدي بالنوك
من شافنه طبينه للسوك
وانحبنه كلنه بكلب محروك
تحتار حيره الجفهه مشبوك
بالشام مو چن اسرى چن عيد
هدو علينه المو هواديد
ووكفونه يم الموش اجاويد
وشتموني ويدرون بت حيد
كامت الناس اعلينه تندار
وانشمر طولي الغالي بحجار
يكسر اضهور البالحرم صار
شما نلتم يسوونه طشار
الما واكفه يم طول زلمه
توكف بوسط الشام ندمه
سمعنه حجيهم شتمه شتمه
وشتم هلي الما يعرف اسمه
اباب المدينه وكفنه ساعات
بديرة غرب بيهه الشرف مات
واصبحنه عكب العز غريبات
وصدو علينه الغرب هيهات
مصطفى حرب
