جيتك يبويه بشوف معمي وثكلان من الدمع هدمي بصوت اصرخت يجفوفي لطمي… — الشاعر مصطفى حرب(نعي حسيني)

الشاعر مصطفى حرب(نعي حسيني)@mustanbvf · 2.8K subscribers Open in TelegramOpen

جيتك يبويه بشوف معمي
وثكلان من الدمع هدمي
بصوت اصرخت يجفوفي لطمي
مكطوع راس اخيار زلمي

اتمدتت طول بطول وياك
ومسحت الدمه من فوك عيناك
هم ترد توكف وارجع انخاك
ثجيل الحمل واعتاز يمناك

شوف امك اعلى الدرب مزروع
راح ارجع الهه بكلب مشلوع
اكلهه علينه راسه مكطوع
ونتكابل انه وياهه ونلوع

طك فكدك عيوني وعماهن
ومن شفتك اطشر ضواهن
خواتك يونن يا غلاهن
المن بعد يشكن ضماهن

شبيهه المعركه صاير نحبهه
طاح الوكفته كلنه نحبهه
الكمر نحبة هضم بويه نحبهه
انكسر من شاف كسر جفاك بيه

علي بويه جفاك الحيل هده
يون كلبي ولا تعتقد هده
شيسوي حسين من تصير هده
الخيم والبيهن يطيحن عليه

يالأكبر روحي حال الضيم حلهه
حرت شدة الفركه شلون حلهه
طحت واعضاي كلهه نباك حيلهه
على شيل السيف ماضل حيل بيه

وجع فركه الولد مو وجع ويعين
يخل دمعي يتلاطم عين ويعين
بعد ياهو اليشيل الحمل ويعين
جبيري انته وذخرتك سند ليه
————————————
خواتك لوبة المنذبح لابين
بمدامعهن الصوت حفاك لابين
يالاكبر لا اخو ضليت لابين(لا ابن)
انوب يجيس سيف اعداي بيه
————————————
يمن تشبه محمد لمن هديت
العودك روس من الزلم هديت
تدري بطيحتك جم حيل هديت
هلك طاحت عمايمهم بديه
————————————
علي بويه النضر لاوين ينضار
اخلافك والمخزن بيش ينضار
اعلى فكد الشاب راس السلف ينضار
وابوك انه شيسوي جفاك بيه
——————————
علي بويه شيصير بحال عوداك
وهو اعلى الدلال بعطف عوداك
يعافيتي نحصد من وكت عودك
كبل ما يكسر فيايك عليه
——————————
علي بويه شيهيد الكلب لاوين
وضعنك لاوكف من سار لاوين
يالمهندم جمالك راح لاوين
ترى الدم ضيع رسومك عليه

الشاعر مصطفى حرب

t.me/mustanbvf/142 Translate