غريبات ويريدن اهلهن عزيزاتكم ضلن وحدهن ودموعهن محد مسحهن وجتالة… — الشاعر مصطفى حرب(نعي حسيني)

الشاعر مصطفى حرب(نعي حسيني)@mustanbvf · 2.8K subscribers Open in TelegramOpen

غريبات ويريدن اهلهن
عزيزاتكم ضلن وحدهن
ودموعهن محد مسحهن
وجتالة اخوتهن حرسهن

اليله اعلى زينب موش ليله
كلش يهل وادم ثجيله
ساعات بس صارت طويله
وحدهه والمدمع تسيله

اليله ال هاشم عدهه نسوان
فرشت الكاع بليه صيوان
بديرة غرب متروسه عدوان
يولونهه الماعدهه خوان

اليله الهواشم كلهه نومه
وجبيرهم سلبو هدومه
ويشيب الرضعان يومه
يحير العليه ابعاد كومه

وين اليزمخون اعلى السيوف
خل يفزعون الزينب جفوف
تصد اعلى اهلهه بوجه مخطوف
ضلت غريبه بكاع الطفوف

اعلى شوفك مره احن يحسين مرين
وضكت مو مر ترى بفركاك مرين
بفكدك علي مو سهلات مرن
اليكدرن خاطرك مرن عليه

يون كلبي وابد يحسين ماهاد
من شفت احترك بالخيم ماهاد
ماضل نذل لمن طحت ماهاد
مغالب صار صايحهم عليه

مصطفى حرب

t.me/mustanbvf/143 Translate