شبيهه المعركه صاير نحبهه طاح الوكفته كلنه نحبهه الكمر نحبة هضم بويه… — الشاعر مصطفى حرب(نعي حسيني)

الشاعر مصطفى حرب(نعي حسيني)@mustanbvf · 2.8K subscribers Open in TelegramOpen

شبيهه المعركه صاير نحبهه
طاح الوكفته كلنه نحبهه
الكمر نحبة هضم بويه نحبهه
انكسر من شاف كسر جفاك بيه

علي بويه جفاك الحيل هده
يون كلبي ولا تعتقد هده
شيسوي حسين من تصير هده
الخيم والبيهن يطيحن عليه

يالأكبر روحي حال الضيم حلهه
حرت شدة الفركه شلون حلهه
طحت واعضاي كلهه نباك حيلهه
اعله شيل السيف ماضل حيل بيه

وجع فركه الولد مو وجع ويعين
يخل دمعي يتلاطم عين ويعين
بعد ياهو اليشيل الحمل ويعين
جبيري انت وذخرتك سند ليه
————————————-
خواتك لوبة المنذبح لابين
بمدامعهن الصوت حفاك لابين
يالاكبر لا اخو ظليت لابين(لا ابن)
انوب يجيس سيف اعداي بيه
—————————————
يمن تشبه محمد لمن هديت
العودك روس من الزلم هديت
تدري بطيحتك جم حيل هديت
هلك طاحت عمايمهم بديه
————————————-
علي بويه النظر لاوين ينضار
اخلافك والمخزن بيش ينضار
اعلى فكد الشاب راس السلف ينضار
وابوك انه شيسوي جفاك بيه
——————————-
علي بويه شيصير بحال عوداك
وهو اعلى الدلال بعطف عوداك
يعافيتي نحصد من وكت عودك
كبل ما يكسر فيايك عليه
——————————-
علي بويه شيهيد الكلب لاوين
وظعنك لاوكف من سار لاوين
يالمهندم جمالك راح لاوين
ترى الدم ضيع رسومك عليه

الشاعر مصطفى حرب

t.me/mustanbvf/140 Translate