ياعازتك للحرب عازه ردناك للصد مو جنازه مذهب علي خلافك توازه يالطيحتك… — الشاعر مصطفى حرب(نعي حسيني)

الشاعر مصطفى حرب(نعي حسيني)@mustanbvf · 2.8K subscribers Open in TelegramOpen

ياعازتك للحرب عازه
ردناك للصد مو جنازه
مذهب علي خلافك توازه
يالطيحتك موش بوكتهه

يالبيد وحده وراعب اعداك
المذهب يريد المثل شرواك
يالتحله راية علي بيمناك
العليتهه وما طيحتهه

هايه عليكم مو جديده
اتثبتون من تحمه الحديده
يصياد يمتعب الطريده
من علت فوكك نزلتهه

يبن اليحط العين بالعين
ما دنكت چن جدك حسين
يثابت ومختله الموازين
والزامطت ما عبرتهه

عدوانك مكثر بجيهه
من تشيل عوجيتك عليهه
وبيدت رجليهه واديهه
من سولفت وايدك شلتهه

الكلوله رد وما رضه يرد
مثله انته صوب الموت تكصد
يالخضرت والموت يحصد
وحلوك خصمك خيطتهه

تدريه عليك الموت مجبل
بس رفضت ما ترضه تختل
شما تثكل ابشتك تعدل
جفوف الخصم ماسالمتهه

يالتارك بكل زين لچمه
هاي العليهه نكول ثلمه
يدهدار مو حي الله زلمه
كلوب التحبك عورتهه

عيون الزلم تبجيك حكهه
يالكيفت من صار طكهه
حتى الشجر نكتت وركهه
ياماي عكبك عطشتهه

ما تنكسر يزماط ساده
من كربله بيك العناده
يالما تموتون بوساده
وهاي الشجاعه توارثتهه

مصطفى حرب

t.me/mustanbvf/136 Translate