انهضمت وما فزع واحد لهضماي
ويروحي حسرت الغربه لهضماي
اريد الكه هلي واشكي لهضماي
واكلهم بينت العازه عليه
أنه ابن الاغلى من الذهب واندار
بشفتي من الهضم ياحيف وندار
بقصرهم كمت اشهك حيل واندار
عسه يهب ريح خوتكم عليه
درت الهلي وصحت بهضيمه
تعالو لبنكم شوفو ضيمه
ولته كصص ما بيهه شيمه
جيمه ادفعت نحره اعلى جيمه
عطشان ابنكم ضال عطشان
وواكف ابين الزلم حيران
بديرة غرب ما بيهم انسان
يكطعون نحره الماله خوان
التمو علي بسيوف ورماح
وذباح يدفعني اعلى ذباح
الساني عليكم ياهلي صاح
ابنكم ترى من القصر طاح
ياهل العلوم الترفع الراس
بصدري ترى رمح الهضم جاس
وسلبوني من الدرع والطاس
وطعنوني واعتازيت عباس
كون الشجاع الينولي يموت
هضيمه عليه جف واحد يفوت
أنه مسلم المن بيت مبخوت
لجنازتي ما يصح زاتوت
مصطفى حرب
يقرأ بثواب والدي
Forwarded fromالشاعر مصطفى حرب(نعي حسيني)
26
6June 20, 2026 2.2K 41
