يا كمر ليلي شلون بيه
لو چلچل الهندس عليه
ترد للخيم هم الك نيه
وطولك يسد عالحرم فيه
————————
عباس يا هيبة خواته
وكض شاربه لمدللاته
كالو سهام اللايحاته
وضيعن خرب بيتي حلاته
————————
انه اختك الوصوك بيه
وحطيت بجفوفك اديه
فضت العشره وهاي هيه
اعذرني راح امشي سبيه
————————
ردتك ضوه لو يزمخ الليل
وعكازتي من يرگد الحيل
عمت عيني طولك داسته الخيل
وضلت حمولي بعازت الشيل
————————-
من طب خبر موتك للخيام
وكالو اعلى الشط طاح الاحزام
حتى الهوى يخوف الحرم كام
من الرجف شيوكف الاجدام
—————————-
يسوه البچي وكص الضفاير
يالفوك اخوته حزام داير
وفوك الشيل چلاب صاير
من طحت ضل حسين حاير
—————————
مصطفى حرب
يقرأ بثواب والدي
35
16
8July 2, 2025 6.3K 100
