𝐀𝐫𝐭 𝐁𝐨𝐱 - 𝑹𝒆𝒗𝒊𝒆𝒘

ဒီဇာတ်ကားလေးကတော့ အမေရိကန်ကောင်မလေး တစ်ယောက် စပိန်နိုင်ငံက ကမ်းခြေလေးတစ်ခုမှာ အချစ်နဲ့ မျှော်လင့်ခြင်းတွေ ပေါက်ဖွားလာပြီး ဘဝရဲ့ အဓိပ္ပါယ်ကို ရှာတွေ့သွားတာကို ရင်ခုန်ကြည်နူးဖွယ် ကြည့်ရှုရမဲ့ အချစ်ဇာတ်လမ်းလေးတစ်ပုဒ်ပဲ ဖြစ်ပါ တယ်။

ဇာတ်လမ်းအကျဉ်းကတော့ အိုရိုင်ယာဆိုတဲ့ ကောင်မလေးဟာ အမေဖြစ်သူ ပိုင်ဆိုင်တဲ့ စပိန်နိုင်ငံ မာယော့ကာကမ်းခြေက အပန်းဖြေဟိုတယ်လေးကို အ မေနဲ့အတူ လိုက်လည်ခဲ့ပါတယ်။

တစ်ခုရှိတာက သူမဟာ ဦးနှောက်ထဲက အကျိတ်ဖုတစ် ခုကြောင့် အတက်ရောဂါကို ခံစားနေရပြီး ခွဲစိတ်မှုမ ခံယူရင် အသက်ပါသွားနိုင်တဲ့အထိ အန္တရာယ်များပါ တယ်။ ဒါပေမယ့် အဲဒီအကျိတ်ဖုကို ခွဲထုတ်လိုက်ပြန် ရင်လည်း တစ်သက်တာ အမှတ်တရတွေ၊ မှတ်ဉာဏ် တွေ ပျောက်ဆုံးသွားနိုင်ခြေက တော်တော်များတဲ့ အတွက် သူမဟာ မခွဲစိတ်ဘဲ ဆေးသောက်ပြီး ထိန်း ထားဖို့ကို ရွေးချယ်ခဲ့ပါတယ်။

အိုရိုင်ယာဟာ တစ်သက်လုံး အသိစိတ်ကို ထုံထိုင်းစေ တဲ့ဆေးတွေ အချိန်မှန်သောက်၊ အချိန်မှန်အိပ်ပြီး တင်းကြပ်တဲ့ အချိန်ဇယားနဲ့ ကြီးပြင်းလာရတဲ့အတွက် ဒီကမ်းခြေလေးကို ရောက်လာတဲ့အခါ ဆေးသောက် တာကို ရပ်လိုက်ပြီး ဒီနွေရာသီအခိုက်အတန့်လေးကို သေချင်သေ ရှင်ချင်ရှင် ခံစားဖို့ ဆုံးဖြတ်ခဲ့ပါတော့ တယ်။

ဒီလိုနဲ့ သူမဟာ ဟိုတယ်ရောက်ပြီး နောက်တစ်ရက်မှာ ဧည့်ကြိုကောင်မလေးညွှန်းတဲ့ ဝတ်လစ်စလစ်ကမ်းခြေ ကို ဘုမသိ ဘမသိ ရောက်သွားရင်း အတောင့်အဖြောင့် စပိန်ကောင်လေးကို မိမွေးတိုင်း ဖမွေးတိုင်း ဘွားခနဲ တွေ့လိုက်ရတဲ့နောက်မှာ ဘယ်လိုဇာတ်လမ်းလေးတွေ အစပျိုးလာမလဲ..ဒီဇာတ်လမ်းလေးကတော့ ဘယ်လို ဆက်သွားမလဲဆိုတာကို စောင်ကိုက်ရင်း ကြည့်ရှုရမှာ ဖြစ်ပါတယ်။

ဒီတစ်ခါမှာတော့ လုံးဝလက်မလွှတ်သင့်တဲ့ ရုံတင်ကားကြီး တင်ဆက်ပေးလိုက်ပါပြီ ဝက်ဝက်ကွဲအောင်မြင်ခဲ့ပြီး ရုံတင်ငွေကတော့ ကု‌ဋေ ၁၀၀ ကျော်ထိ ရရှိထားပြီးပါပြီ မင်းသား မင်းသမီးတွေဆိုရင်လည်း ပျိုတိုင်းကြိုက်တဲ့ ရှာဟစ်ကပူးရ်ဖြစ်ပြီး ဒိတ်ဒိတ်ကြဲ မင်းသမီး ၂လက်ဖြစ်တဲ့ ရက်ရှ်မီကာရယ် ကရီတီဆန်နွန်ရယ်တို့ကပါ အပြိုင်ကြဲထားကြတာပါ

ဖောက်ပြန်တယ်ဆိုတာ အမှားမဟုတ်ပါဘူး ရွေးချယ်မှုတစ်ခုပါ။ ချစ်သူရည်းစားတွေမှာ တွဲတဲ့အချိန်ကြာလာတာနဲ့ ရိုးအီလာပြီး ငြီးငွေ့လာတတ်ကြတာ ထုံးစံပါပဲ။ စစချင်းတွေ့ဆုံချိန်တုန်းကလို ပူနွေးလတ်ဆတ်တဲ့ ရင်ခုန်သံတွေ ရှားပါးလာတော့ ဒီလူနဲ့တွဲတာက အချစ်လား အကျင့်ဖြစ်လာတာလား သံယောဇဉ်လားဆိုတာကို မေးခွန်းထုတ်လာတတ်ကြပါတယ်။ ဒီကာလက တတိယလူဝင်လာဖို့ အကောင်းဆုံးအချိန်ကာလပေါ့။ နှစ်ချီတွဲလာပေမဲ့ တစ်ဖက်လူက အနာဂတ်နဲ့ပတ်သက်ပြီး ရေရေရာရာမရှိလာတဲ့အခါ အမှန်အတိုင်းသိရဖို့ ကံက စမ်းသပ်ပွဲလေးတစ်ခု ဖန်တီးပေးလိုက်ပါတော့တယ်။

အပေါ်က ပြောခဲ့သမျှကို ခံစားနေရတာက ဒီယာနဲ့ ကူနယ်လ်တို့အတွဲပေါ့ အချစ်လား အကျင့်ဖြစ်လာတာလားဆိုတာကို လက်တွေ့သိချင်လို့ ယောကျာ်းတိုင်းမငြင်းနိုင်တဲ့ ကိုယ်လုံးကိုယ်ပေါက်၊ အပြစ်ပြောစရာမရှိတဲ့ မျက်နှာနဲ့ ခေတ်ဆန်ပွင့်လင်းတဲ့ သူငယ်ချင်းဖြစ်သူ အာလီ့ကို အကူအညီတောင်းပြီး ကူနယ်လ့်စိတ်ကိုစမ်းဖို့ကို မြှူခိုင်းခဲ့တာပေါ့။ ရိုးအီနေတဲ့ ရင်ခုန်သံနဲ့ ပူနွေးလတ်ဆတ်တဲ့ ရန်ခုန်သံကြား ဆန္ဒကို သိက္ခာရှိရှိ ထိန်းနိုင်မလား။ ခဏတာ အပေါ်ယံနဲ့ လဲသွားမလား။

ဒီစီးရီးက Coming of Age, Young Adult Drama & Mystery အမျိုးအစား Amazon Prime Video ရဲ့ ဇာတ်လမ်းတွဲအသစ်ပဲ ဖြစ်ပါတယ်။

Megan Park (The Fallout, My Old Ass) က ဖန်တီးရိုက်ကူးထားပြီး The O.C. နဲ့ Gossip Girl တို့ရဲ့ စီစဉ်သူတွေပါ ပူးပေါင်းထုတ်လုပ်ထားတာပါ။

နယူးယော့ခ်မြို့မှာ မွေးစားအဖေနဲ့ အမြွှာမောင်ဖြစ်သူ Connor တို့နဲ့အတူ နေထိုင်ကြီးပြင်းလာခဲ့တဲ့ ၁၇ နှစ် အရွယ် Annie ဆိုတဲ့ ကောင်မလေးဆီကနေ ဇာတ်လမ်းစ တာပါ။

တစ်နေ့မှာတော့ သူမ လျှောက်ထားတဲ့ နွေရာသီ ပရိုဂရမ် ငြင်းပယ်ခံရအပြီးမှာ လုံးဝမတွေ့ဖူးတဲ့ အဘိုးဖြစ်သူထံကနေ ကနေဒါက ကျွန်းလေးတစ်ကျွန်းကို အမွေရရှိခဲ့ကြောင်း စာ တစ်စောင် ရောက်ရှိလာခဲ့ပါတယ်။

သူမရဲ့အတိတ်နဲ့ ကွယ်လွန်သွားပြီဖြစ်တဲ့ မိခင်အကြောင်း အမှန်တရားကို စုံစမ်းဖို့ Annie တစ်ယောက်တည်း အဲဒီကျွန်းဆီ လျှို့ဝှက်ထွက်ခွာလာခဲ့ရာကနေ အဲ့ဒီအိမ်မှာ အသင့်နေထိုင်နေတဲ့ Ramona ဆိုတဲ့ ကောင်မလေး နဲ့ တွေ့ဆုံခဲ့ရပါတယ်။

Ramona ဟာ Annie ရဲ့မွေးမိခင်နဲ့ ရုပ်ချင်း လုံးဝဆင်တူနေပြီး နောက်ပိုင်းမှာမှ အဘိုးဖြစ်သူရဲ့ စာအဆက်အသွယ်တွေကနေတစ်ဆင့် သူတို့နှစ်ယောက်ဟာ မသိခဲ့ရတဲ့ ညီအစ်မအရင်းတွေ ဖြစ်နေမှန်း အံ့ဩဖွယ် သိရှိလိုက်ရပါတော့တယ်။

အဲဒီနောက်မှာတော့ ကျွန်းကို ရောင်းစားဖို့ ရောက်ရှိလာတဲ့ အမြွှာမောင် Connor၊ ကျွန်းပေါ်က လူငယ်တွေရဲ့ အချစ်ရေး ရှုပ်ထွေးမှုတွေနဲ့အတူ မိသားစုရဲ့ဖုံးကွယ်ထားတဲ့ လျှို့ဝှက်ချက်တွေကို ဖော်ထုတ်ရင်း၊ အမွေဆက်ခံမှုနဲ့ ညီအစ်မ သံယောဇဉ်ကြား ရုန်းကန်ကြရမယ့် ပေါ့ပေါ့ပါးပါး နဲ့ သည်းထိတ်ရင်ဖို Drama ဇာတ်လမ်းတွဲကောင်းတစ် ကားပဲ ဖြစ်ပါတယ်။

အချစ်ဆိုတာအနားမှာရှိနေပြီး ဂရုစိုက် နေမှ အချစ်လို့မခေါ်ပါဘူး... သူ့အနားမှာရှိသည်ဖြစ်စေ မရှိသည်ဖြစ် သူနဲ့ပတ်သတ်သမျှအရာတွေအကုန်လုံးကို တန်ဖိုးထား တတ်တဲစိတ်လေးတစ်ခုပါ...

ဒီဇာတ်ကားဟာ ၂၀၁၈ ခုနှစ်မှာ ထွက်ရှိထားတဲ့ ဒရမ်မာ အမျိုးအစားကားဖြစ်ပါတယ်

ကန်းထရီးအဆိုတော်တစ်ယောက်ဖြစ်တဲ့ လီယမ်ဟာ အောင်မြင်မှုနောက်ကိုလိုက်ရင်း ချစ်သူကောင်မလေးကိုလက်တွဲဖြုတ်ခဲ့ပါတယ်…

နောင်ရှစ်နှစ်အကြာမှာ မွေးရပ်မြေကသူငယ်ချင်း ဟောင်း တစ်ယောက်ရဲ့အသုဘကိုလာရင်းနဲ့ သူတို့အချင်းချင်းတွေ့ဆုံဖို့ ဖြစ်လာပါတော့တယ်...

အောင်မြင်မှု့နောက်ကိုလိုက်ရင်းနဲ့ ချစ်ရသောချစ်သူ ကိုပစ်ထားခဲ့ရပေမယ့် လီယမ်မှာ သူ့ချစ်သူကောင်မလေးရဲ့နောက်ဆုံးပို့ထား တဲ့ Voice Message လေးရှိတဲ့ ဖုန်းအစုတ်လေးကိုပဲ ၈ နှစ်ကြာကြာပေတေကိုင်ရင်း မနက်နိုးတိုင်း အိပ်ခါနီးတိုင်း နေ့တိုင်းကို အဲဒီ Message လေးနားထောင်ပြီး သူ့ရဲ့နေ့ရက်တိုင်းလိုလိုကို ဖြတ်သန်းခဲ့တာပါ…

ဒီလိုမျိုးချစ်သူကို ချစ်တတ်တဲ့စိတ်ကတော့ တကယ် ကိုလေးစားစရာပါပဲ...

သင်တို့မှာသာအဲလိုချစ်သူတစ်ယောက်ရှိရင် လေးကို Share ရင်း သူ့ကိုမျှဝေပေးလိုက်ပါ....

တကယ်တော့ အချစ်ဆိုတာအနားမှာရှိနေပြီး ဂရုစိုက် နေမှ အချစ်လို့မခေါ်ပါဘူး...

အချစ်ဆိုတာ သူ့အနားမှာရှိသည်ဖြစ်စေ မရှိသည်ဖြစ် သူနဲ့ပတ်သတ်သမျှအရာတွေအကုန်လုံးကို တန်ဖိုးထား တတ်တဲစိတ်လေးတစ်ခုပါ...

ဒီကားလေးဟာ အေးစက်တဲ့ကားလေးတစ်ကားလို့ထင် ရပေမယ့် ဒီခေတ်အသုံးအနှုံးနဲ့ပြောရမယ်ဆိုရင် တကယ်ကို ရို တဲ့ကားလေးတစ်ကားပါ...

စာအုပ်နဲ့ရုပ်ရှင်အကြားကွဲလွဲမှုတွေရှိနေတယ်လို့ ဒီကား ဟာ ဝေဖန်ခံခဲ့ရပေမယ့် ပရိသတ်အားပေးမှုကိုရရှိထားပြီး Box Office မှာ အမြတ်အစွန်းများစွာရရှိထားတဲ့ကားကောင်းတစ်ကား ပဲဖြစ်ပါတယ်…

ခရစ်စမတ်ရာသီ နယူးယောက်မြို့တော်မှာ ဂျိုနာသန် ဆိုတဲ့ ကောင်လေးတစ်ယောက်ဟာ ဆာရာ ဆိုတဲ့ ကောင်မလေးတစ်ယောက်ကို Bloomingdale ဆိုတဲ့ ကုန်တိုက်တစ်ခုမှာ စတွေ့ခဲ့မိပါတယ်။

သူတို့နှစ်ယောက်ဟာ ကတ်ရှ်မဲ လက်အိပ်အနက်ကလေး တစ်စုံ တည်းကို ဝယ်ဖို့ ပြိုင်တူဆုပ်ကိုင်မိခဲ့တာ..။

နှစ် ယောက်လုံးမှာ သက်ဆိုင်သူ ကိုယ်စီရှိတော့ စကားအပြန်အလှန်ပြောရင်း လက်ဆုံကျပြီး ဆိုင်ကလေး တစ်ဆိုင်မှာအတူထိုင်ဖြစ်ကြ တယ်ဆိုပါတော့..။

ဆိုင်ကလေးရဲ့ နာမည်က Serendipity 3 ပါ။ အပြင်မှာ တကယ်လဲရှိပါတယ်။

ကိုယ်တွေ အင်းလျားလမ်းမှာတောင်နာမည်လေးခပ် ဆင်ဆင် တစ်ခုရှိတယ် Serenity လေ။ (Serenity ကို 'သက်ငြိမ်' လို့ နာမည်ပေးခဲ့ဖူးတယ်၊

အရင်တုန်းက အင်းလျားလမ်းမှာသင်္ကြန် မဏ္ဍပ် လက်မှတ်ဝယ်ရင် ဒီဘက်ကနေ ဟိုဘက်ထိလျှောက်ခဲ့ဖူး။အခုတော့ အဲဒီဆိုင်လေးက ထာဝရပိတ်သွားခဲ့ပါပြီ

( Serendipity ကိုတကယ်တမ်း အဓိပ္ပါယ်ဆိုရမယ်ဆို ရတနာသိုက်ကြီးကိုရှာတွေ့တယ်ဆိုတာမျိုး၊ထပ်ပြီး ရှင်းရမယ်ဆိုရင်တော့ ရှာမနေပဲနဲ့ အခုမှ ကိုယ့် လက်တွဲဖော်အစစ် ဖူးစာကိုရှာ တွေ့သွားတာလို့ ဆိုလိုချင်ဟန်ရှိတယ်)။

ခုနက စကားအတိုင်းပြန် ကောက်ရရင် ဆာရာက သူ့ဘဝရဲ့ ဆုံးဖြတ်ချက်တွေ အကြောင်းပြောပြဖြစ်ခဲ့ တယ်။ သူတို့နှစ်ယောက် ဟာ စားသောက်ဆိုင်မှာ ကျန်နေခဲ့တဲ့ ပစ္စည်းတွေကို claim လာလုပ်ရင်း နောက်တစ်ခါ ထပ်ဆုံဖြစ်ကြပါတယ်။

ဒါကတော့ ကံကြမ္မာမှာ သူတို့တွေ ရေစက်ပါလာတယ်လို့ ယူဆပြီး ဖုန်းနံပါတ်လေးတွေ ဖလှယ်ဖြစ်ခဲ့တယ်။ ဆာရာ့လက်ထဲက ဖုန်းနံပါတ်ကလေး လေထဲလွင့်ပါး သွားတော့ ဒါဟာ နမိတ်ဆိုးပဲလို့ ဆာရာက ယူဆလိုက်တော့တယ်။

ဒီတော့ ဖုန်းနံပါတ်တွေကို တစ်ခြားနည်းနဲ့ ဖလှယ်ဖြစ်ခဲ့ တယ်။ တစ်ယောက်က ငါးဒေါ်လာတန်လေးပေါ်မှာ နံပါတ်ရေးတယ်။ နောက် တစ်ယောက်က မနက်ဖြန်ရောင်းမယ့် စာအုပ်တစ်အုပ်ရဲ့ အတွင်းဖုံးလေးမှာ ရေးတယ်။

သူတို့သာ တကယ်တမ်း ဖူးစာဖက်ဆိုရင် တစ်ယောက်ယောက်ဟာ တစ်ခု ခုကို ပြန်ရှာတွေ့ပြီး အဆက်အသွယ်ပြန်ရကြမယ်ဆို တဲ့ မျှော်လင့်ချက်ကလေးတွေကိုယ်စီနဲ့ပေါ့လေ

ကဲ ဇာတ်လမ်းလေးကို ဆက်လက်ကြည့် ရှုလိုက်ပါဦး။

(ဒီဇာတ်လမ်းရဲ့အညွှန်းကို Alias မှရေးသားပေးပြီး၊ ဘာသာပြန်ရေးသားပေးသူကတော့ Sai Thurein Lynn ဖြစ်ပါတယ်)

အမေရိကန်ရဲ့ ထိပ်တန်းနိုင်ငံ့ခေါင်းဆောင်အားလုံး တနေရာထဲမှာ လုပ်ကြံခံရရင် တိုင်းပြည်ရဲ့ယန္တရားကို ဘယ်လိုထိန်းကျောင်းပြီး ရှေ့ဆက်မလဲ...

အမေရိကန်အစိုးရမှာ အစဉ်အလာတစ်ခုရှိပါတယ်...သမ္မတ ၊ဒုသမ္မတနဲ့  ထိပ်တန်းအစိုးရအဖွဲ့ဝင်အားလုံး  တစ်နေရာတည်းမှာ စုဝေးရမဲ့ပွဲမျိုးရှိရင် အစိုးရအဖွဲ့ဝင်တစ်ဦးကိုဘေးကင်းလုံခြုံတဲနေရာတစ်ခုမှာ သီးသန့်ခွဲထားလေ့ရှိပါတယ်..

တကယ်လို့  စုဝေးရတဲ့ပွဲမှာ အားလုံးတစ်ခုခုဖြစ်သွားခဲ့ရင် အဲဒီကျန်ရစ်သူက နိုင်ငံရဲ့ အစိုးရယန္တရားကို အချိန်မှီပြန်လည် လည်ပတ်ဖို့ တာဝန်ယူနိုင်ဖို့ဖြစ်ပါတယ်.

.အဲဒီလိုသီးသန့်ခွဲထားတဲ့သူမျိုးကို Designated Survivor လို့ သုံးပါတယ်..ဒီလိုနေ့မျိုးကို အမေရိကန်တို့မရောက်ချင်ဘဲရောက်ခဲ့ရတယ်...

သမ္မတအပါအဝင်အစိုးရ ဝန်ကြီးအဖွဲ့များစုရုံးပြီး လွှတ်တော်မှာ အစည်း အဝေးလုပ်နေတုန်း  ဗုံးခွဲခံလိုက်ရတယ်..

အစိုးရအဖွဲ့အဝင်များ ဝန်ထမ်းများ အပါအဝင် လူတစ်ထောင်ကျော်သေဆုံးခဲ့ပြီး အမေရိကန်တစ်နိုင်ငံလုံး တုန်လှုပ်ခဲ့ရတယ်..

အဲဒီမှာ "Designated Survivor" အဖြစ် ရွေးချယ်ခံထားရတဲ့ "ကာ့ဒ်မန်း" တစ်ယောက်တည်း ကျန်ခဲ့ပြီး မမျှော်လင့်ဘဲ အမေရိကန်သမ္မတ ဖြစ်လာရပါတော့တယ်။

တကယ်တော့ ကာ့ဒ်မန်းဟာ မြို့ပြဖွံ့ဖြိုးရေး ဝန်ကြီးဖြစ်ပြီးတော့  သမ္မတ ရာထူးကို ဆက်ခံရမယ့် အစဉ်လိုက် (Line of Succession) မှာ ကြည့်ရင် သူက နံပါတ် ၁၂ နေရာမှာပဲ ရှိတာပါ။

ဒါကြောင့်လည်း သူ့ကို အရေးမပါတဲ့သူလို့ သတ်မှတ်ပြီး ဗုံးခွဲခံရတဲ့ညမှာ  Designated Survivor အဖြစ်ရွေးချယ်ပြီး သီးသန့် ဖယ်ထုတ်ထားခဲ့တာ ဖြစ်ပါတယ်။

ဆိုတော့ ဒီလိုလူက သမ္မတဖြစ်လာတဲ့အချိန်မှာ ကာကွယ်ရေးဝန်ကြီးနဲ့ အခြားအရာရှိကြီးတွေဟာ အထင်လည်းမကြီးသလို မီဒီယာကနေ ပေါ်ပေါ်တင်တင်အရည်အချင်းမရှိဘူးလို့ ပြောဆိုကြပါတယ်.

ဒါ့အပြင် အခြားနိုင်ငံတွေကပါ မထီလေးစားဟန်တွေပြလာပါတယ်...

ဒီလိုအခြေအနေတွေကနေ သမ္မတ ကာ့ဒ်မန်းဘယ်လိုရုန်းထွက်မလဲ..

ပြီးတော့FBI ကရော ဗုံးခွဲတဲ့သူတွေကို ဘယ်လိုဖမ်းမလဲဆိုတာကို

အပိုင်းတိုင်းရင်ခုန်စိတ်လှုပ်ရှားစွာကြည့်ရမှာပါ..

ဒီစီးရီးက နိုင်ငံရေးကားဆိုပြီး ပျင်းစရာကောင်းတယ်လို့ထင်ရင်မှားသွားပါလိမ့်မယ်..သမ္မတကာ့ဒ်မန်းကဒီလိုအခြေအနေတွေကို ဘယ်လိုကိုင်တွယ်မလဲဆိုတာကို ကိုယ်တိုင်သူနဲ့အတူမျောပါပြီးကြည့်နေရမှာပါ...

ဒီကားဟာ ၂၀၂၅ ခုနှစ် ဒီဇင်ဘာလကမှ ထွက်ရှိထားတဲ့ အမေရိကန် အချစ်ဟာသ (Romantic Comedy) ရုပ်ရှင်ကားလေး ဖြစ်ပါတယ်။ Stefanie London ရဲ့ "The Dachshund Wears Prada" ဆိုတဲ့ နာမည်ကြီးလုံးချင်းဝတ္ထုကို ပြန်လည်ရိုက်ကူးထားတာဖြစ်ပြီး ခွေးချစ်တတ်သူတွေအကြိုက် ဇာတ်လမ်းဆန်းဆန်းလေး ဖြစ်ပါတယ်။

ဇာတ်လမ်းရဲ့ အဓိကဇာတ်ကောင် အီဆာ (Issa) ဟာ ဆိုရှယ်မီဒီယာ အကြံပေးပညာရှင်တစ်ယောက်ဖြစ်ပြီး ဇာတ်လမ်းအစမှာတင် အမှားတစ်ခုကြောင့် အလုပ်ပြုတ်၊ ဘဝပျက်ပြီး အင်တာနက်ပေါ်မှာ Meme တစ်ခု ဖြစ်သွားခဲ့ပါတယ်။ အဲဒီအချိန်မှာပဲ ပုံနှိပ်တိုက်တစ်ခုရဲ့ CEO အသစ်ဖြစ်လာတဲ့ သီအို (Theo) နဲ့ ဆုံတာပေါ့။ သီအိုမှာ သူ့အဘွားဆီက အမွေရထားတဲ့ ခါမီလာ (Camilla) ဆိုတဲ့ Dachshund ခွေးမလေးတစ်ကောင် ရှိပါတယ်။ အဲဒီခွေးမလေးက ဘယ်သူ့ကိုမှ အဖက်မလုပ်ပေမယ့် အီဆာ့ကိုကျမှ ထူးထူးဆန်းဆန်း သံယောဇဉ်တွယ်ပြနေတာကြောင့် သီအိုက အီဆာ့ကို သူ့ရဲ့ခွေးထိန်းအဖြစ် ချက်ချင်း အလုပ်ခန့်လိုက်ပါတော့တယ်။

သီအိုက လူအများနဲ့ မဆက်ဆံချင်တဲ့ အပုန်းသမားဖြစ်ပြီး ဆိုရှယ်မီဒီယာနဲ့ ပတ်သက်ရင် အရမ်းမုန်းတဲ့သူပါ။ ဒါပေမဲ့ အီဆာကတော့ ခွေးလေး ခါမီလာကို ထိန်းရင်းနဲ့ သူ့ရဲ့ ဆိုရှယ်မီဒီယာစွမ်းရည်တွေကိုသုံးပြီး ခွေးလေးရဲ့ ချစ်စရာ ပုံရိပ်တိုလေးတွေကို အပျော်တမ်း ဖန်တီးခဲ့ပါတယ်။ တစ်ဖက်မှာလည်း အီဆာနဲ့ သီအိုတို့ဟာ ခွေးလေးကြောင့် တဖြည်းဖြည်း နီးစပ်လာပြီး တစ်ယောက်ကိုတစ်ယောက် သံယောဇဉ် ရှိလာကြတာပေါ့။

ဒါပေမဲ့ အီဆာမှာ လျှို့ဝှက်ချက်တစ်ခု ရှိနေပါတယ်။ သူနဲ့ သူ့ညီမဟာ သူတို့အမေကို နိုင်ငံထဲ တရားဝင်ခေါ်ယူနိုင်ဖို့အတွက် လိုအပ်တဲ့ ရှေ့နေခတွေကို မတတ်နိုင်ဖြစ်နေတာပါ။ အဲဒီငွေကို အပူတပြင်း လိုချင်နေတဲ့ အီဆာဟာ သီအိုကို လုံးဝအသိမပေးဘဲ ခွေးလေး ခါမီလာကို ဆိုရှယ်မီဒီယာ ခွေးလှပြိုင်ပွဲတစ်ခုထဲကို ခိုးပြီး စာရင်းသွင်းလိုက်ပါတော့တယ်။
ဒီလျှို့ဝှက်ချက်ကြီး ပေါ်သွားတဲ့အခါမှာတော့ သီအိုက အီဆာ့အပေါ် သစ္စာဖောက်ခံရတယ်လို့ ခံစားရပြီး သူတို့နှစ်ယောက်ကြားမှာ အဖုအထစ်တွေ ဖြစ်ကုန်ပါတယ်။ နောက်ဆုံးမှာတော့ သီအိုတစ်ယောက် အီဆာ့ကို စိတ်ဆိုးတာထက် အီဆာ့ရဲ့ မိသားစု အခြေအနေကို နားလည်ပေးပြီး ခွင့်လွှတ်သွားမလား၊ သူတို့နှစ်ယောက်ရဲ့ အချစ်ရေးကကော ဘယ်လို ဇာတ်သိမ်းမလဲဆိုတာကို ၉၀ မိနစ်နီးပါး ကြာချိန်အတွင်းမှာ ပေါ့ပေါ့ပါးပါးလေး ကြည့်ရှုရမှာ ဖြစ်ပါတယ်။

မင်းသမီးချော Emeraude Toubia နဲ့ မင်းသား Carter Jenkins တို့ရဲ့ Chemistry က တော်တော်လေး လိုက်ဖက်သလို၊ ပါဝင်တဲ့ ခွေးလေးကလည်း အရမ်းချစ်ဖို့ကောင်းပါတယ်။ ပေါ့ပေါ့ပါးပါးနဲ့ စိတ်အပန်းဖြေဖို့ ရိုမန့်စ်ကား ကြည့်ချင်သူတွေ၊ အထူးသဖြင့် ခွေးချစ်တတ်သူတွေအတွက် အကြိုက်တွေ့စေမယ့် ဇာတ်ကားလေး ဖြစ်ပါတယ်။