ثانيا : مناقشة الأفكار مع نفسك
عرض الفكرة على "الواقع" و محاولة تغييرها
لو الفكرة الى فى مخك مثلا ( انا فاشل )
مش معنى انى أغير الفكرة انى اقعد أقول لنفسى ( أنا ناجح . أنا ناجح ) إطلاقا
المطلوب انك تعرض الفكرة على مجالات حياتك
شغلك
اسرتك
اصدقاءك
هواياتك
انشطتك
روحانياتك
و تحدد بالظبط انت فاشل فى اى مجال تحديدا
شغلك مثلا
هل انت فاشل فيه ؟
طيب بنسبة أد ايه ؟
مفيش حد ياما فاشل يا اما ناجح
فيه نسبة نجاح و نسبة فشل
يعنى ناجح مثلا بنسبة ٦٠٪ يبقى فاشل بنسبة ٤٠٪
مجال اسرتك
ايه نسبة النجاح فيها
و هكذا
هتلاقى فيه مجالات مؤكد انت ناجح فيها بنسب كبيرة
و مجالات لم تحقق فيها نجاح جيد
يبقى الفكرة الجديدة الى هتقولها لنفسك بدل ( انا فاشل )
انا بفضل الله ناجح فى مجالات كذا وكذا
لكن فيه مجالات تانية انا ( باجتهد و اسعى ) فيها لحد ما احقق نسبة مرضية
الموضوع مش هيتغير من مجرد قراءة هذا المنشور
انت محتاج تراقب مخك لما يقولك انت فاشل
و تبدأ تجادله فى الفكرة التلقائية دى و تقوله : لأ
انا ناجح فى مجالات و باجتهد و اسعى فى مجالات تانية
#دعاء_راجح
#الثقة_فى_النفس
34
7April 16, 2022 4.4K 44
