تاسعا : اتعلم تطلب الى انت عاوزه ساعات كتير بنكون فاهمين و عارفين… — تقدير الذات ( دعاء راجح ) — TG.ME

تاسعا : اتعلم تطلب الى انت عاوزه ساعات كتير بنكون فاهمين و عارفين احنا عاوزين ايه بالظبط بس ما بنعرفش نطلبه إما لاننا حاسين ان طلباتنا مش مهمة او ممكن نكون خايفين من رد الفعل و ساعات بنكون طلبنا كتير قبل كدة و مفيش فايدة و ساعات بنحس بالخجل من الطلب و ساعات بنحس بالذنب لو طلبنا كما لو ان الطلب عيب مهم جدا نتعلم اننا نطلب و نتعلم كمان "ازاى" نطلب كتير أوى بيطلبوا بشكل فيه لوم او نقد او توبيخ او عدائية او اهانة او سخرية للآخر الطلب ساعات بيركز على ان الآخر مابيعملش الى انا عاوزه مع نبرة صوت او تعبيرات وش فيها غضب منه او استهانة بيه او لوم ليه و دا ممكن يكون مثير للآخر لما آجى أطلب اتأكد انى لا أحمل مشاعر سلبية لانها هتطلع على وشى و فى نبرة صوتى بشكل لا ارادى تماما و هتوصل للآخر بشكل ممكن يستفزه لما باطلب بنبرة " ثقة" هتوصل للآخر بشكل مختلف تماما و الطلب الواثق يكون بصيغة "أنا" محتاج و ليس "أنت" أنا عاوز …… أنا محتاج ….. اتمنى تعمل …… هكون سعيد لو عملت …… من فضلك ما تعملش …… لو سمحت ما تقولش …… ما تقعدش "تبرر" انت عاوز دا ليه ما تقعدش تعمل قصة طويلة عريضة و تعمل مقدمات كتير للطلب ما تسمحش للآخر انه يجرك لحوار طويل علشان يبين لك ان طلبك دا غلط كل ماكان الطلب مباشر و فى كلمات بسيطة و جمله صغيرة كل ما كان أسهل فى الفهم من قبل الآخر و أعلم أن حسن الطلب لا يعنى ضمان الاستجابة خاااالص لكن انت بتتعلم ازاى تطلب بثقة علشان ثقتك انت فى نفسك و تقديرك انت لذاتك و احترامك لرغباتها و طلباتها بغض النظر عن مدى استجابة الآخر لطلباتك لكن كل ما هتتعلم تطلب بثقة و انت حاسس بحقك فى الطلب كل ما ثقتك فى نفسك بتزيد مع الوقت