عاشرا : استمع الى الآخرين باهتمام تقدير الذات لايعنى أبدا ان أفكارى و… — تقدير الذات ( دعاء راجح ) — TG.ME

عاشرا : استمع الى الآخرين باهتمام تقدير الذات لايعنى أبدا ان أفكارى و مشاعرى و احتياجاتى و طلباتى مهمة فقط لكن تعنى انى زى ما باحترم طلباتى و احتياجاتى و مشاعرى و آرائى و باعبر عنها انا برده باحترم آراء و مشاعر و احتياجات و طلبات الآخرين تماما كلنا بنكوّن انطباعات تجاه الآخرين و كلنا بنكون رأينا فيهم بناء على أفكارنا احنا و كلنا بنصدر عليهم احكام لما بنشوف أقوالهم و أفعالهم وكلنا ممكن نسمع كلام الناس عنهم و ربما نعتبر ماسمعناه حقيقة احنا لم نتعود للأسف الشديد اننا نسمع من الناس علشان نفهمهم و نفهم مشاعرهم و احتياجاتهم و طلباتهم قدرتك على انك تسمع علشان تفهم دى مهمة جدا فى التواصل مش بس انك تعبر عن نفسك و لكن انك تفهم الآخرين و تعبر عنهم و يبقى عندك استعداد للتفاوض و ابتكار الحلول علشان نرتاح احنا الاتنين مش ترتاح انت بس فرق كبيييير أوى بين انك تقول : انا محتاج كذا او عاوز كذا و بين انك تسمع الآخر كويس و تقول : أنا حاسس انك متضايق و عارف انك عاوز منى كذا و فاهم ان بيدور فى مخك كذا و "يبقى الكلام دا الى طالع منه هو مش مجرد استنتاج منك" و أنا محتاج كذا او انا متضايق من كذا او انا بفكر بالشكل الفلانى فخلينا ندور على حل يرضينا احنا الاتنين و يريحنا احنا الاتنين من الاسباب الى بتخلينا نكره نعبر عن نفسنا اننا بنخاف من الخلاف الى ممكن يوصل لخناق لكن الكلام بهذه الطريقة غالبا بيلاقى قبول كبير مع أغلب الناس استمع و عبر عن الآخر بما سمعته تماما و بعدين أطلب و فكروا انتم الاتنين بطريقة تفاوضية و اظهر المرونة و الرغبة فى اراحته