سابعا : توقف عن المقارنات التربية فى بيوت دايما بتقارنا بالآخرين و… — تقدير الذات ( دعاء راجح ) — TG.ME

سابعا : توقف عن المقارنات التربية فى بيوت دايما بتقارنا بالآخرين و دايما يحسسونا اننا أقل من الآخرين بيخلى عقلنا يتبرمج على هذه المقارنات و دايما بنعيش فى تحدى اننا نكون أحسن من فلان و علان أو نحزن و نكتئب و نحس بالاحباط و ربما الحسد اننا أقل من فلان و علان المقارنات دى بتكسّر فى تقديرك لذاتك لان رؤيتك لنفسك هتعتمد على حد تانى انت بتقارن نفسك بيه و المقارنات دى زادت أوى مع دخول السوشيال ميديا لحياتنا للأسف الشديد وأدت الى سباق محموم على مين الأحسن و الأفضل لو لقيت فكرة المقارنة بتنط لعقلك دايما لاحظها قول لها : ربنا خلقنا مختلفين و خلق فى كل واحد فينا نقاط ضعف و نقاط قوة و رحلتى ناحية تحقيق ذاتى هى رحلة متفردة بمشيها لوحدى و أنا ماشى فيها بخطوات جيدة هدفى ان يكون اليوم أفضل من الأمس و أن يكون الغد أفضل من اليوم بغض النظر عن مين ماشى حوالينا و ماشى فى اى اتجاه و بيعمل ايه المقارنات المستمرة مهلكة للصحة النفسية و بتحطم تقديرك لذاتك بلا أدنى شك لأن مؤكد فيه دايما من هو أفضل منك فى مجالك #دعاء_راجح #الثقة_فى_النفس