ثامنا : حدد بالظبط أولوياتك فى شغلك على نفسك فى علاقاتك فى شغلك فى… — تقدير الذات ( دعاء راجح ) — TG.ME

ثامنا : حدد بالظبط أولوياتك فى شغلك على نفسك فى علاقاتك فى شغلك فى مجالات الحياة المهمة ليك حدد بالظبط انت عاوز ايه ؟ ساعات كتير من كتر ما احنا مهملين احتياجاتنا من كتر ما ضحينا بطلباتنا و حسينا انها مش مهمة من كتر ما احنا ماشيين ورا كلام الناس علشان خايفين نخالفهم من كتر ما احنا عاوزين نرضى الناس علشان يحبونا بنوصل لدرجة اننا مش عارفين احنا عاوزين ايه بالظبط لما تحس انك متضايق من موقف معين اسأل نفسك …انت كنت عاوز ايه ؟ ما تسيبش نفسك متضايق و انت مش عارف بالظبط ليه و كنت محتاج ايه ماهى المشاعر دى ربنا أودعها فينا علشان تنبهنا لاحتياجاتنا ركز على علاقة مهمة فى حياتك و افهم بالظبط انت محتاج ايه من الطرف الآخر ركّز فى شغلك و افهم تماما انت محتاج ايه من زميلك او مديرك ركّز على شلة اصحابك و اعرف بالظبط انت محتاج منهم ايه طول ما انت بتضايق و بتعدى الموقف و خلاص طلباتك و احتياجاتك هتفضل مجهولة حتى لنفسك