البداية
أهم خطوة فى انك تزود تقديرك لنفسك انك تراقب أفكارك
تعرف انت بتقول ايه لنفسك
انا فاشل
انا غبى
انا ضعيف
انا ضحية
انا مش محبوب
انا مش جميلة
ودى محتاجة مراقبة للذات و ملاحظة للأفكار الى انت بتكلم بيها نفسك
و تعرف بالزبط ايه مصدرها ؟
ممكن يكون مصدرها من أحد الوالدين او حد من اخواتك
ممكن يكون مصدرها من حد من زمايلك او مدرسيك
ممكن يكون مصدرها مدير او زميل عمل
المهم تعرف هى جت مين و غرست جوة مخك
الافكار السلبية عن الذات غالبا بتكون اتغرست فيك من حد انت بتثق فيه و انت صدقتها للأسف الشديد
دى لو جاية من الماضى
و ممكن تكون جاية نتيجة خبرات و صدمات اتعرضت لها و انت فسرتها بانك ( كذا )
زى واحدة اتعرضت لصدمة عاطفية فسرتها بان محدش بيحبها
او واحد استغنى عنه صاحب الشركة او العمل ففسر دا بانه فاشل
او حد ماجابش مجموع فى الثانوية و فسر دا بانه غبى
المهم ان أهم بداية تعرف المصدر
الكلام الى انت بتقوله لنفسك دا جاى منين؟
#دعاء_راجح
#الثقة_فى_النفس
32
17April 15, 2022 4.1K 45
