يمسك مقاليد التواصل
الواثق فى نفسه المٌقدّر لذاته بيقدر يبادر بإبداء الرغبة فى التواصل و بدايته
يعنى ممكن يبدأ كلام مع شخص بيتعرف عليه جديد
او يبدأ كلام مع حد بقاله كتير ما كلموش
او يتصل بأى حد فى الوقت الى هو عاوزه
و يستمر في التواصل طالما يحقق أهدافه "للطرفين"
و هو قادر على انهاء التواصل فى أى وقت يريده دون أن يسبب حرج للآخر و يعتذر بذوق
و ممكن يرفض التواصل أصلا لو هو مش عاوزه بدون مايحس بالحرج
لو حد اتصل بيه فى وقت مش مناسب
لو حد عرض زيارته فى وقت مش مناسب
لو حد اقتحم مكان شغله فى وقت مش مناسب
فبيعتذر بمنتهى الذوق و الأدب و مراعاة مشاعر الآخر
و بيحترم دا برده من الآخرين لما يصدر منهم ذلك
هو يستطيع أن يتحكم هو فى مجرى التواصل و لكن دايما عينه على الآخر بيراعيه و يعمل حسابه و بيحترم جدا رغبة الآخرين فى التواصل و استمراره و انهائه
المتكبر شاطر جدا فى المبادرة فهو يبادر مبادرات قوية تنم عن ثقة عالية فى نفسه و يدى انطباع بكدة
و يستمر فى التواصل طالما هو عاوز يستمر ما بيعرف يشوف او يحس بالآخرين و رغباتهم فى الاستمرار او الانهاء
هو بيستمر طالما التواصل بيحقق أهدافه هو
و بيقطع التواصل بقلة ذوق من غير ما يراعى مشاعر الآخرين
و هو لا يراعى ولايحترم هذه الرغبة عند الآخرين
يعنى علطول يلوم الناس انهم مش بيبادروا و يتواصلوا معاه
علطول يتخانق مع الناس انهم مش بيردوا عليه
علطول يعمل حكاية لو بعت رسالة و ماحدش تجاوب معاه
علطول حاسس ان "وقت الناس" دا ملكه هو و لازم يكونوا حاضرين و يستجيبوا بالطريقة الى هو عاوزها فى الوقت الى هو عاوزه
و دا للأسف بيعمل ارهاق شديد للى حواليه
الخانع الخاضع دايما محرج و مكسوف فى التواصل دا
محرج يبادر احسن التانى يبقى مش عاوزه او يرفضه او مش مناسب ليه
محرج يستمر احسن التانى ما يبقاش مرتاح
و محرج ينهى التواصل لو مش مناسب ليه
حاسس دايما انه تحت أمر الآخرين فى أى وقت ولايحترم وقته هو أو مشغولياته
دايما محرج و خايف من زعل الآخرين
#دعاء_راجح
#الثقة_فى_النفس
7
6
4
1April 9, 2022 3K 7
