💻 ဘယ်လို Skill တွေက Developer တစ်ဦးကို လုပ်ငန်းခွင်ပေါ် အရောက်ပို့ပေးနိုင်မလဲ?
Developer တစ်ယောက်အတွက် Programming Language သိတာတစ်ခုတည်းနဲ့ အလုပ်ရမယ်လို့ ထင်ကြတာများပါတယ်။ ဒါပေမယ့် တကယ်တမ်း Company တွေကြည့်တာက Code ရေးနိုင်မှုတစ်ခုတည်း မဟုတ်ပါဘူး။ လုပ်ငန်းခွင်မှာ အမှန်တကယ် အလုပ်လုပ်နိုင်တဲ့ Skill Set ကို ပိုပြီး အရေးထားကြပါတယ်။
ပထမဆုံး အရေးကြီးတဲ့ Skill က Problem Solving ဖြစ်ပါတယ်။
Bug တစ်ခုဖြစ်လာတဲ့အခါ ဘယ်နေရာမှာ ပြဿနာဖြစ်နေလဲဆိုတာကို စနစ်တကျ စဉ်းစားပြီး ဖြေရှင်းနိုင်တဲ့ Developer တွေကို Company တွေက အမြဲလိုချင်ကြပါတယ်။ Code ရေးနိုင်တာထက် ပြဿနာကို ဖြေရှင်းနိုင်တာ က ပိုတန်ဖိုးရှိပါတယ်။
ဒုတိယ Skill က Collaboration ဖြစ်ပါတယ်။
Software Development ဆိုတာ တစ်ယောက်တည်းလုပ်ရတဲ့ အလုပ်မဟုတ်ပါဘူး။ Team တစ်ခုနဲ့အတူ Developer, Designer, Product Manager တွေနဲ့ အတူတကွ အလုပ်လုပ်ရတာပါ။ Communication ကောင်းကောင်းလုပ်နိုင်ပြီး Team workflow ထဲမှာ ပူးပေါင်းနိုင်တဲ့ Developer တွေက အလုပ်မှာ ပိုပြီးတိုးတက်ကြပါတယ်။
တတိယ Skill က Learning Ability ဖြစ်ပါတယ်။
Tech world က အမြဲပြောင်းလဲနေပါတယ်။ Framework အသစ်တွေ၊ Tools အသစ်တွေ၊ AI workflow အသစ်တွေ အမြဲပေါ်လာနေပါတယ်။
နောက်ထပ်အရေးကြီးတာက Debugging Skill ပါ။
Code ရေးနိုင်တဲ့ Developer များပေမယ့် Error ဖြစ်လာတဲ့အခါ ဘယ်ကနေစရှာရမလဲ မသိတာမျိုးတွေရှိတတ်ပါတယ်။ Production environment မှာတော့ Bug ကိုရှာပြီး fix လုပ်နိုင်တဲ့ Developer က ပိုတန်ဖိုးရှိပါတယ်။
နောက်ဆုံး Skill က Ownership Mindset ဖြစ်ပါတယ်။
Task တစ်ခု assign လုပ်လိုက်ရင် “လုပ်ပြီးပြီ” ဆိုတာထက် Feature အလုပ်လုပ်ပြီလား၊ User experience ကောင်းလား၊ Performance ကောင်းလား ဆိုတာထိ စဉ်းစားတတ်တဲ့ Developer တွေက Team အတွက် အရမ်းတန်ဖိုးရှိပါတယ်။
Programming Language တစ်ခုသိတာက Developer ဖြစ်ဖို့အတွက် စတင်ချက်ပဲ ဖြစ်ပါတယ်။
ဒါပေမယ့် Problem Solving, Collaboration, Learning Ability, Debugging နဲ့ Ownership Mindset တွေရှိလာတဲ့အခါမှ Developer တစ်ယောက်အနေနဲ့ လုပ်ငန်းခွင်ပေါ် အမှန်တကယ် အောင်မြင်နိုင်ပါတယ်ခင်ဗျာ 🚀
#creative_coder_myanmar
