Chiroyli maydoncha qurishning o’zi yetarli emas.
Uni ozoda saqlash esa har birimizning mas’uliyatimiz.
Bugun shu maydonchada pista po’choqlari sochilib yotganini ko’rib, yana bir haqiqatni angladim:
Tozalik farroshning emas, vijdonning ishi.
Farrosh ertalab kelib ko’chani supurishi mumkin. Ammo har bir inson o’zidan keyin axlat qoldirmaslikni odat qilsa, farroshning mehnati ham qadrlanadi, ko’chalarimiz ham ozoda bo’ladi.
Keling, farzandlarimizga tozalikni faqat darslarda emas, kundalik hayotimizda o’rgataylik. Chunki bola aytilgan gapni emas, ko’rgan amalni takrorlaydi.
Ko’cha madaniyati — xalqning madaniyati. Toza ko’chalar ko’p farroshlar tufayli emas, vijdonli insonlar tufayli paydo bo’ladi.
Ertangi jamiyat bugun farzandlarimizga singdirayotgan odatlarimiz bilan quriladi.
