Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

Zin Thaw Naing: post #2771 — TG.ME

Zin Thaw Naing@zinthawnaing · 53.1K subscribers Open in TelegramOpen

t.me/zinthawnaing/2771

151

30

2

September 4, 2026 3.6K 1

More from this channel

ဗန်းမော်က စစ်သင်္ဘော သတင်းတွေကို ဖတ်လိုက်ရင် ကိုယ့်ဘက်ကလည်း အလွန်အကျူး အောင်ပွဲခံနေတာ ရှိသလို ရန်သူ ဘက်ကလည်း အသည်းအသန် ဖုံးဖိ နေတာတွေ မြင်ရပါတယ်။ ဒီနေရာမှာ ဘယ်ဘက်က psywar မှ မပါဘဲ အမှန်အတိုင်း သိချင်တဲ့ ပြည်သူတွေ အတွက် မှန်ကန်တဲ့ သတင်းတစ်ခု ဖြစ်ဖို့ ဖြစ်စဉ် တစ်ခုလုံးကို သေသေချာချာ လေ့လာဖို့ လိုပါတယ်။ ဒီတစ်ခေါက် ဗန်းမော်ကို ဆန်တက်တဲ့ သင်္ဘော အုပ်စုကို ယုံကြည်ရတဲ့ သတင်းအများစုက ၁၄–၁၅ စီးဝန်းကျင် လို့ ဖော်ပြပါတယ်။ RFA က ဩဂုတ် ၂၁ မှာ မန္တလေးကနေ လက်နက်ခဲယမ်း၊ ရိက္ခာနဲ့ စစ်ကူတင်ပြီး ထွက်လာတဲ့ ရေယာဉ် ၁၄ စီး လို့ ဖော်ပြထားပြီး KNG/BNI က ၁၅ စီး လို့ ဆိုပါတယ်။ အစီး ၃၀ ကျော်လို့ ချဲ့ကား ရေးတာ တချို့ တွေ့ပေမယ့် ခိုင်လုံတဲ့ အချက် အလက် မရှိပါဘူး။ ဆုံးရှုံးမှုအရတော့ စစ်ကောင်စီဘက်အတွက် တော်တော်ကြီးပါတယ်။ သတင်း ဌာနတွေ အသီးသီးရဲ့ ဖော်ပြချက်နဲ့ KIA ဗိုလ်မှူးကြီး နော်ဘူ အတည်ပြုချက််် အရ သင်္ဘော ၈ စီး ပျက်စီးပြီး လူ ၁၀၀ ကျော် ဖမ်းဆီးရမိတယ်လို့ သိရတယ်။ ဖမ်းမိတဲ့ထဲမှာ ရန်သူ့ စစ်သားတွေ အပြင် မိသားစုဝင်တွေပါ ပါတယ်လို့ သိရပါတယ်။ စစ်တပ်ဘက်က အရပ်သားလို့ လိမ်လည်ဖုံးဖိ ပေမယ့် လိုက်ပါသွားတဲ့ စစ်တပ် မိသားစုတွေနဲ့ နီးစပ်တဲ့သူတွေ ကိုယ်တိုင် ဝန်ခံထားတာတွေ မြင်ရပါတယ်။ ဒါကြောင့် ဒီဖြစ်စဉ် တစ်ခုလုံးကို ခြုံကြည့်ရင် နည်းဗျူဟာ အဆင့်မှာ တော်လှန်ရေး တပ်တွေ ဘက်က ရှင်းရှင်းလင်းလင်း အသာစီး ရတယ်လို့ ဆိုနိုင်ပါတယ်။ စစ်သင်္ဘောတွေ အခိုင်အမာ ပါဝင်တဲ့ ကြီးမားတဲ့ စစ်ထောက်ပံ့ရေးအုပ်စုကို ကြားဖြတ်တိုက်ခိုက်ပြီး ရေယာဉ်အများအပြား ဖျက်ဆီးခြင်း၊ လူအင်အားဆုံးရှုံးစေခြင်း၊ လက်နက်ချစေခြင်းနဲ့ ထောက်ပံ့ရေးပစ္စည်းတချို့ သိမ်းယူနိုင်ခြင်းဟာ စစ်ရေးအရ သေးငယ်တဲ့အောင်မြင်မှု မဟုတ်ပါဘူး။ စက်တင်ဘာ ၃ ရက် သတင်းတွေ အရ တိုက်ခိုက်ရေး သင်္ဘော ၂ စီးနဲ့ ကုန်တင်သင်္ဘော ၅ စီး၊ စုစုပေါင်း ၇ စီးသာ ဗန်းမော် ရောက်ရှိခဲ့ကြောင်း တွေ့ရပါတယ်။ စစ်သင်္ဘော ၁၄–၁၅ စီးအနက် ၇ စီးပဲ ဗန်းမော်ရောက်တယ်ဆိုရင် convoy ရဲ့ ထက်ဝက်ခန့်ကို လမ်းမှာ combat-effective မဖြစ်အောင် လုပ်နိုင်ခဲ့တာ ဖြစ်ပါတယ်။ ဒါဟာ တော်လှန်ရေး အတွက် သာမန်ဝါဒဖြန့်စရာ ကိစ္စမဟုတ်ဘဲ အမှန်တကယ် အလေးထားရမယ့် စစ်ရေးအောင်မြင်မှုတစ်ခု ဖြစ်ပါတယ်။ ဒါပေမယ့် စစ်ကောင်စီရဲ့ mission က ဗန်းမော်ကို လူ၊ လက်နက်၊ ခဲယမ်း၊ ရိက္ခာတွေ ပို့နိုင်ရေး ဖြစ်လို့ ဒါကို တော်လှန်ရေးတပ်တွေက ၁၀၀% မတားဆီး နိုင်ခဲ့တာတော့ သေချာပါတယ်။ ကျန်ရေယာဉ်တွေ ပေါ်မှာရှိတဲ့ စစ်ကူ၊ ခဲယမ်းနဲ့ ရိက္ခာတွေကို စစ်ကောင်စီက ဗန်းမော်ထဲ ပို့နိုင်ခဲ့တယ်ဆိုရင် သူတို့ဘက်ကလည်း ရည်မှန်းချက် တစိတ်တပိုင်းတော့ မဖြစ်ဖြစ်အောင် လုပ်ဆောင် သွားနိုင်တယ်လို့ ဆိုရပါမယ်။ ကျွန်တော်တို့ ဆက်ပြီး ကြည့်ရမှာက စစ်ကောင်စီဟာ အခုလို အကြီးအကျယ်ဆုံးရှုံးခံပြီး ပို့လိုက်တဲ့ စစ်ကူနဲ့ ခဲယမ်းတွေက တကယ်တမ်း စစ်ရေးအရ အကျိုး ရှိမရှိ ဆိုတာပါ။ ဒီအထောက်အပံ့ တွေကြောင့် ဗန်းမော်ကို ထိန်းနိုင်သွားတယ်၊ KIA ထိုးစစ်ကို နောက်ဆုတ်စေတယ်ဆိုရင် စစ်ကောင်စီဘက်က ဆုံးရှုံးရတာ တန်တယ်လို့ ပြောနိုင်ပါတယ်။ ဒီလို မဟုတ်ဘဲ ဗန်းမော် စစ်ရေး အခြေအနေကို ဘာမှ မပြောင်းနိုင်ဘူး ဆိုရင်တော့ စစ်ကောင်စီ အတွက် ဆုံးရှုံးမှု ကြီးတယ်လို့ ဆိုရပါမယ်။ 3.6K·Sep 4

[media post] 5.9K·Sep 2 ဒီရက်ပိုင်း လူတွေ သိပ်သတိမထားမိတဲ့ ကိစ္စတစ်ခုက ပွဲကြိုက်ခင် မင်းအောင်လှိုင်ဟာ သူ့ရဲ့ မိတ်ဖက် နိုင်ငံတွေ အဓိက ပါဝင်ကျင်းပနေတဲ့ ရှန်ဟိုင်း ပူးပေါင်းဆောင်ရွက်ရေး အဖွဲ့ (SCO) ထိပ်သီး ဆွေးနွေးပွဲကို သွားမတက်ခဲ့ရတာ ဖြစ်ပါတယ်။ ရွေးကောက်ပွဲ အတုနဲ့ သူ့ကိုယ်သူ သမ္မတ ရာထူး ပြန်ပေးပြီး နောက်ပိုင်း ၄ လ အတွင်း နိုင်ငံ ၆ နိုင်ငံအထိ သွားခဲ့တဲ့ မအိမ်လုံးဟာ အခုလို နိုင်ငံ့ခေါင်းဆောင်တွေ အများကြီးနဲ့ တပြိုင်တည်း တွေ့ဆုံခွင့်ရတဲ့ ပွဲမျိုးကို မသွားခဲ့ရတာ ထူးခြားပါတယ်။ အာဆီယံအဖွဲ့ရဲ့ ဆွေးနွေးပွဲတွေကို တက်ခွင့်မရလို့တောင် အမျိုးမျိုး ဂျီတိုက်နေတဲ့ မင်းအောင်လှိုင်ဟာ ဒီလိုပွဲမျိုး လက်လွတ်ခံတာ အံ့ဩစရာ ကိစ္စတစ်ခုပါ။ တရုတ်၊ ရုရှား၊ အိန္ဒိယ၊ ပါကစ္စတန်၊ အီရန်၊ ဘီလာရုစ်နဲ့ အလယ်အာရှက စတန် ၄ နိုင်ငံ ပါဝင်နေတဲ့ အဲဒီ ဆွေးနွေးပွဲကို ၂၀၂၅ တုန်းက မင်းအောင်လှိုင် သွားတက်ခဲ့ဖူး ပါတယ်။ ရှီကျင့်ဖျင်က သူ့မွေးစားသားကို လူရာသွင်းပြီး စကားတွေ ဘာတွေတောင် တက်ပြောခိုင်းခဲ့လို့ အလွန်အောင်မြင်တဲ့ ခရီးတစ်ခုအဖြစ် ဘောမတွေ ဂုဏ်ယူခဲ့ကြတယ်။ ဒါပေမယ့် အခု ၂၀၂၆ ကျတော့ ကာဂျစ္စတန်မှာ လုပ်တဲ့ ဆွေးနွေးပွဲမှာ မင်းအောင်လှိုင်ကို မတွေ့ရတော့ပါဘူး။ နိုင်ငံတကာမှာ legitimacy ရချင်လွန်းလို့ နိုင်ငံခြားခရီးတွေ ဆက်တိုက်ထွက်၊ နိုင်ငံခေါင်းဆောင်တွေနဲ့ တွေ့ဆုံနေတဲ့ မင်းအောင်လှိုင်ဟာ ဒီလို ဆွေးနွေးပွဲမှာ ဘာကြောင့် ဖယ်ကျဉ် ခံခဲ့ရသလဲ။ တကယ်လို့ အိမ်ရှင်ဘက်က ဖိတ်ကြားခဲ့ပြီးမှ သူမအားလို့ သွားမတက်တာ ဆိုရင်တောင် ဒုသမ္မတတို့၊ နိုင်ငံခြားရေး ဝန်ကြီးတို့ လွှတ်လို့ ရပါတယ်။ ဒီလိုလည်း လွှတ်တာ မတွေ့ရပါဘူး။ တကယ်တော့ မင်းအောင်လှိုင်ရဲ့ အာဏာလု အစိုးရဟာ SCO မှာ တင်းပြည့် အဖွဲ့ဝင် (full member) မဖြစ်သေးပါဘူး။ ၂၀၂၅ တုန်းက ဆွေးနွေးဖက် (dialogue partner) အနေနဲ့ တရုတ်ရဲ့ ဖိတ်ကြားမှုကြောင့် တက်ခဲ့ရတာ ဖြစ်ပြီး full member ဖြစ်ချင်ကြောင်း မင်းအောင်လှိုင်က တရားဝင် တောင်းဆိုခဲ့သလို တရုတ်က ထောက်ခံ ပေးမယ်လို့ ပြောခဲ့ပါတယ်။ ဒါပေမယ့် ဒီနှစ် နောက်တကြိမ် ဆွေးနွေးပွဲ လုပ်တဲ့အထိ ဖြစ်မလာ သေးပါဘူး။ အခုဆိုရင် ဆွေးနွေးဖက် အနေနဲ့တောင် တက်ခွင့် မရတော့တာ တွေ့ရပါတယ်။ ဒီနေရာမှာ ကျွန်တော်တို့ မြင်နိုင်တာက မင်းအောင်လှိုင် သွားနေတဲ့ ခရီးစဉ်တွေဟာ သူလိုချင်နေတဲ့ နိုင်ငံတကာ legitimacy ကို တကယ် မပေးနိုင်သေးဘူး ဆိုတာပါပဲ။ နိုင်ငံခြား ခရီးထွက်နိုင်တာနဲ့ နိုင်ငံတကာ အသိအမှတ် ပြုမှုရတာ မတူပါဘူး။ နိုင်ငံအနည်းငယ်က သမ္မတတစ်ယောက် အဖြစ် လက်ခံတွေ့ဆုံတာနဲ့ နိုင်ငံတကာအသိုင်းအဝိုင်း တစ်ခုလုံးက သူ့အစိုးရရဲ့ နိုင်ငံရေးတရားဝင်မှုကို လက်ခံလိုက်တာ မဟုတ်ပါဘူး။ မင်းအောင်လှိုင် နိုင်ငံခြားခရီးတွေ အလျင်အမြန်ထွက်နေတာက သူ့အစိုးရအနေနဲ့ diplomatic outreach ကို အလေးထားနေကြောင်း ပြပါတယ်။ ဒါပေမယ့် ဒီနိုင်ငံတွေက မင်းအောင်လှိုင်ကို အထူးလိုလားလို့ စပြီးဖိတ်တာလား။ ဒါမှမဟုတ် နေပြည်တော်ဘက်က စပြီး ညှိနှိုင်း ရယူထားတဲ့ ခရီးတွေလား ဆိုတာ မသိနိုင်ပါဘူး။ တရားဝင် ထုတ်ပြန်ချက်တွေမှာ “at the invitation of…” လို့ ရေးလေ့ရှိပေမယ့် diplomacy မှာ ဒီအသုံးအနှုန်းဟာ ဘယ်ဘက်က စပြီး ကမ်းလှမ်းခဲ့သလဲဆိုတာ မပြနိုင်ပါဘူး။ အခု SCO ကိစ္စကို ပြန်ကြည့်ရင် Full Member ဖြစ်ခြင်းဟာ မင်းအောင်လှိုင်အတွက် ကြီးမားတဲ့ သံတမန် ရေးရာ အောင်မြင်မှု ဖြစ်နိုင်ပါတယ်။ ဒါပေမယ့် ဒီလို ဖြစ်ဖို့က တရုတ်ရဲ့ ထောက်ခံမှုတစ်ခုတည်းနဲ့ မလုံလောက်ပါဘူး။ SCO မှာ အဖွဲ့ဝင်အသစ်လက်ခံဖို့ အဖွဲ့ဝင်နိုင်ငံတွေရဲ့ သဘောတူညီမှု လိုပါတယ်။ ဆိုလိုတာက မင်းအောင်လှိုင်ဟာ တရုတ် နဲ့ ရုရှားလို နိုင်ငံတွေဆီက ထောက်ခံမှုရနေပေမယ့် ကျန်တဲ့နိုင်ငံတွေ ဆီက လိုလိုလားလား လက်ခံမှုကို ရမနေဘူး ဆိုတာပါ။ အစိုးရ တရပ်ရဲ့ legitimacy ဆိုတာ အကျိုးစီးပွါး ဆက်စပ်နေတဲ့ နိုင်ငံတချို့ကို အလည်သွားပြီး ခေါင်းဆောင်တွေနဲ့ လက်ဆွဲ နှုတ်ဆက် ပြရုံနဲ့ ရနိုင်တာ မဟုတ်ပါဘူး။ အရေးကြီးတဲ့ multilateral institutions တွေထဲ ဘယ်လောက် ဝင်နိုင်ပြီလဲ။ နီးစပ်ပြီးသား နိုင်ငံအုပ်စုရဲ့ အပြင်ဘက်ကို သံတမန် ဆက်ဆံရေး ဖောက်ထွက် နိုင်ပြီလား ဆိုတာတွေကိုပါ ကြည့်ရပါတယ်။ ဒီလိုနေရာတွေမှာ လူရာသွင်း ဆက်ဆံတာ မခံရသေး သရွေ့ မင်းအောင်လှိုင်အတွက် နောက်ထပ် ဘယ်နှနိုင်ငံ သွားသွား ဘာမှ ပိုမထူးခြားလာပါဘူး။ 5.8K·Sep 2

[media post] 5.7K·Sep 1 စစ်တပ်ဟာ အာဏာလုပြီး လအနည်းငယ်အတွင်း ပြည်သူ့ခုခံမှုကို ချေမှုန်းနိုင်မယ်ဆိုတဲ့ မူလတွက်ချက်မှု မအောင်မြင်ခဲ့ပါဘူး။ ဒါ့အပြင် ငါးနှစ် ကြာလာတဲ့ အချိန်မှာ သူတို့ရဲ့ နယ်မြေ အများအပြား ဆုံးရှုံး ထားတဲ့အပြင် စစ်တိုက်ဖို့ စစ်သား မရှိတော့လို့ ပြည်သူတွေကို အတင်းအကြပ် စစ်ထဲ ဆွဲခေါ် တာ၊ စစ်စားရိတ် မရှိတော့လို့ ပြည်သူတွေ ဆီက နိုင်ငံခြားငွေကို အသည်းအသန် ဓားပြတိုက် တောင်းတာ၊ ပြည်ပက ပစ္စည်း တင်သွင်းခွင့် ပိတ်တာတွေ လုပ်နေရပါတယ်။ ဒါကြောင့် အခုချိန်မှာ “ငါတို့ နိုင်တော့မယ်”တို့၊ “နိုင်မှာ သေချာတယ်” တို့ ဆိုတာမျိုးထက် “အနိုင်ရနိုင်တဲ့ အခြေအနေကို ဆက်ပြီး တည်ဆောက် နိုင်တယ်” လို့ ပြောရမှာပါ။ “ဘာတွေ ပြင်ရမလဲ။ ဘာတွေ ပေါင်းစည်းရမလဲ။ ဘာတွေ တည်ဆောက် ရမလဲ” ဆိုတာတွေ ပြောကြရမှာပါ။ အချိန် ကြာလာတာက မျှော်လင့်ချက်ကို စွန့်လွှတ်ရမယ့် အကြောင်းပြချက် မဟုတ်သလို၊ မျက်စိစုံမှိတ်ပြီး အောင်ပွဲကို ထိုင်စောင့်နေလို့လည်း မရပါဘူး။ ဒီတော်လှန်ရေးရဲ့ နောက်ဆုံးစာမျက်နှာကို မရေးရသေးပါဘူး။ ဘယ်လိုရေးကြမလဲ ဆိုတာကတော့ ကိုယ့်ကိုယ်သာ ပြန်မေးကြည့်ကြပါ။ 5.6K·Sep 1

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 09/04/2026 · v0.2.0 · ee6ec29

Privacy Terms DMCA & complaints Report a violation

Similar channels

Chin World Media4.7K subscribers

Thaung Yin News1.3K subscribers

MMSUB MOVIE106.7K subscribers

🇲🇲Ko Nyein Maung🇲🇲3.3K subscribers

Naung Taw Lay1.7K subscribers

လောကသစ္စာ2K subscribers

🌷ღ𝒀𝒖𝒍𝒊_𝑪𝒖𝒕𝒆_𝑾𝒐𝒓𝒍𝒅 🦋♡317 subscribers

RSN WEB7.3K subscribers