Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

Zin Thaw Naing: post #2769 — TG.ME

Zin Thaw Naing@zinthawnaing · 53.2K subscribers Open in TelegramOpen

t.me/zinthawnaing/2769

107

40

19

10

3

3

September 2, 2026 3.8K 5

More from this channel

ဒီရက်ပိုင်း လူတွေ သိပ်သတိမထားမိတဲ့ ကိစ္စတစ်ခုက ပွဲကြိုက်ခင် မင်းအောင်လှိုင်ဟာ သူ့ရဲ့ မိတ်ဖက် နိုင်ငံတွေ အဓိက ပါဝင်ကျင်းပနေတဲ့ ရှန်ဟိုင်း ပူးပေါင်းဆောင်ရွက်ရေး အဖွဲ့ (SCO) ထိပ်သီး ဆွေးနွေးပွဲကို သွားမတက်ခဲ့ရတာ ဖြစ်ပါတယ်။ ရွေးကောက်ပွဲ အတုနဲ့ သူ့ကိုယ်သူ သမ္မတ ရာထူး ပြန်ပေးပြီး နောက်ပိုင်း ၄ လ အတွင်း နိုင်ငံ ၆ နိုင်ငံအထိ သွားခဲ့တဲ့ မအိမ်လုံးဟာ အခုလို နိုင်ငံ့ခေါင်းဆောင်တွေ အများကြီးနဲ့ တပြိုင်တည်း တွေ့ဆုံခွင့်ရတဲ့ ပွဲမျိုးကို မသွားခဲ့ရတာ ထူးခြားပါတယ်။ အာဆီယံအဖွဲ့ရဲ့ ဆွေးနွေးပွဲတွေကို တက်ခွင့်မရလို့တောင် အမျိုးမျိုး ဂျီတိုက်နေတဲ့ မင်းအောင်လှိုင်ဟာ ဒီလိုပွဲမျိုး လက်လွတ်ခံတာ အံ့ဩစရာ ကိစ္စတစ်ခုပါ။ တရုတ်၊ ရုရှား၊ အိန္ဒိယ၊ ပါကစ္စတန်၊ အီရန်၊ ဘီလာရုစ်နဲ့ အလယ်အာရှက စတန် ၄ နိုင်ငံ ပါဝင်နေတဲ့ အဲဒီ ဆွေးနွေးပွဲကို ၂၀၂၅ တုန်းက မင်းအောင်လှိုင် သွားတက်ခဲ့ဖူး ပါတယ်။ ရှီကျင့်ဖျင်က သူ့မွေးစားသားကို လူရာသွင်းပြီး စကားတွေ ဘာတွေတောင် တက်ပြောခိုင်းခဲ့လို့ အလွန်အောင်မြင်တဲ့ ခရီးတစ်ခုအဖြစ် ဘောမတွေ ဂုဏ်ယူခဲ့ကြတယ်။ ဒါပေမယ့် အခု ၂၀၂၆ ကျတော့ ကာဂျစ္စတန်မှာ လုပ်တဲ့ ဆွေးနွေးပွဲမှာ မင်းအောင်လှိုင်ကို မတွေ့ရတော့ပါဘူး။ နိုင်ငံတကာမှာ legitimacy ရချင်လွန်းလို့ နိုင်ငံခြားခရီးတွေ ဆက်တိုက်ထွက်၊ နိုင်ငံခေါင်းဆောင်တွေနဲ့ တွေ့ဆုံနေတဲ့ မင်းအောင်လှိုင်ဟာ ဒီလို ဆွေးနွေးပွဲမှာ ဘာကြောင့် ဖယ်ကျဉ် ခံခဲ့ရသလဲ။ တကယ်လို့ အိမ်ရှင်ဘက်က ဖိတ်ကြားခဲ့ပြီးမှ သူမအားလို့ သွားမတက်တာ ဆိုရင်တောင် ဒုသမ္မတတို့၊ နိုင်ငံခြားရေး ဝန်ကြီးတို့ လွှတ်လို့ ရပါတယ်။ ဒီလိုလည်း လွှတ်တာ မတွေ့ရပါဘူး။ တကယ်တော့ မင်းအောင်လှိုင်ရဲ့ အာဏာလု အစိုးရဟာ SCO မှာ တင်းပြည့် အဖွဲ့ဝင် (full member) မဖြစ်သေးပါဘူး။ ၂၀၂၅ တုန်းက ဆွေးနွေးဖက် (dialogue partner) အနေနဲ့ တရုတ်ရဲ့ ဖိတ်ကြားမှုကြောင့် တက်ခဲ့ရတာ ဖြစ်ပြီး full member ဖြစ်ချင်ကြောင်း မင်းအောင်လှိုင်က တရားဝင် တောင်းဆိုခဲ့သလို တရုတ်က ထောက်ခံ ပေးမယ်လို့ ပြောခဲ့ပါတယ်။ ဒါပေမယ့် ဒီနှစ် နောက်တကြိမ် ဆွေးနွေးပွဲ လုပ်တဲ့အထိ ဖြစ်မလာ သေးပါဘူး။ အခုဆိုရင် ဆွေးနွေးဖက် အနေနဲ့တောင် တက်ခွင့် မရတော့တာ တွေ့ရပါတယ်။ ဒီနေရာမှာ ကျွန်တော်တို့ မြင်နိုင်တာက မင်းအောင်လှိုင် သွားနေတဲ့ ခရီးစဉ်တွေဟာ သူလိုချင်နေတဲ့ နိုင်ငံတကာ legitimacy ကို တကယ် မပေးနိုင်သေးဘူး ဆိုတာပါပဲ။ နိုင်ငံခြား ခရီးထွက်နိုင်တာနဲ့ နိုင်ငံတကာ အသိအမှတ် ပြုမှုရတာ မတူပါဘူး။ နိုင်ငံအနည်းငယ်က သမ္မတတစ်ယောက် အဖြစ် လက်ခံတွေ့ဆုံတာနဲ့ နိုင်ငံတကာအသိုင်းအဝိုင်း တစ်ခုလုံးက သူ့အစိုးရရဲ့ နိုင်ငံရေးတရားဝင်မှုကို လက်ခံလိုက်တာ မဟုတ်ပါဘူး။ မင်းအောင်လှိုင် နိုင်ငံခြားခရီးတွေ အလျင်အမြန်ထွက်နေတာက သူ့အစိုးရအနေနဲ့ diplomatic outreach ကို အလေးထားနေကြောင်း ပြပါတယ်။ ဒါပေမယ့် ဒီနိုင်ငံတွေက မင်းအောင်လှိုင်ကို အထူးလိုလားလို့ စပြီးဖိတ်တာလား။ ဒါမှမဟုတ် နေပြည်တော်ဘက်က စပြီး ညှိနှိုင်း ရယူထားတဲ့ ခရီးတွေလား ဆိုတာ မသိနိုင်ပါဘူး။ တရားဝင် ထုတ်ပြန်ချက်တွေမှာ “at the invitation of…” လို့ ရေးလေ့ရှိပေမယ့် diplomacy မှာ ဒီအသုံးအနှုန်းဟာ ဘယ်ဘက်က စပြီး ကမ်းလှမ်းခဲ့သလဲဆိုတာ မပြနိုင်ပါဘူး။ အခု SCO ကိစ္စကို ပြန်ကြည့်ရင် Full Member ဖြစ်ခြင်းဟာ မင်းအောင်လှိုင်အတွက် ကြီးမားတဲ့ သံတမန် ရေးရာ အောင်မြင်မှု ဖြစ်နိုင်ပါတယ်။ ဒါပေမယ့် ဒီလို ဖြစ်ဖို့က တရုတ်ရဲ့ ထောက်ခံမှုတစ်ခုတည်းနဲ့ မလုံလောက်ပါဘူး။ SCO မှာ အဖွဲ့ဝင်အသစ်လက်ခံဖို့ အဖွဲ့ဝင်နိုင်ငံတွေရဲ့ သဘောတူညီမှု လိုပါတယ်။ ဆိုလိုတာက မင်းအောင်လှိုင်ဟာ တရုတ် နဲ့ ရုရှားလို နိုင်ငံတွေဆီက ထောက်ခံမှုရနေပေမယ့် ကျန်တဲ့နိုင်ငံတွေ ဆီက လိုလိုလားလား လက်ခံမှုကို ရမနေဘူး ဆိုတာပါ။ အစိုးရ တရပ်ရဲ့ legitimacy ဆိုတာ အကျိုးစီးပွါး ဆက်စပ်နေတဲ့ နိုင်ငံတချို့ကို အလည်သွားပြီး ခေါင်းဆောင်တွေနဲ့ လက်ဆွဲ နှုတ်ဆက် ပြရုံနဲ့ ရနိုင်တာ မဟုတ်ပါဘူး။ အရေးကြီးတဲ့ multilateral institutions တွေထဲ ဘယ်လောက် ဝင်နိုင်ပြီလဲ။ နီးစပ်ပြီးသား နိုင်ငံအုပ်စုရဲ့ အပြင်ဘက်ကို သံတမန် ဆက်ဆံရေး ဖောက်ထွက် နိုင်ပြီလား ဆိုတာတွေကိုပါ ကြည့်ရပါတယ်။ ဒီလိုနေရာတွေမှာ လူရာသွင်း ဆက်ဆံတာ မခံရသေး သရွေ့ မင်းအောင်လှိုင်အတွက် နောက်ထပ် ဘယ်နှနိုင်ငံ သွားသွား ဘာမှ ပိုမထူးခြားလာပါဘူး။ 3.7K·Sep 2

[media post] 4.6K·Sep 1 စစ်တပ်ဟာ အာဏာလုပြီး လအနည်းငယ်အတွင်း ပြည်သူ့ခုခံမှုကို ချေမှုန်းနိုင်မယ်ဆိုတဲ့ မူလတွက်ချက်မှု မအောင်မြင်ခဲ့ပါဘူး။ ဒါ့အပြင် ငါးနှစ် ကြာလာတဲ့ အချိန်မှာ သူတို့ရဲ့ နယ်မြေ အများအပြား ဆုံးရှုံး ထားတဲ့အပြင် စစ်တိုက်ဖို့ စစ်သား မရှိတော့လို့ ပြည်သူတွေကို အတင်းအကြပ် စစ်ထဲ ဆွဲခေါ် တာ၊ စစ်စားရိတ် မရှိတော့လို့ ပြည်သူတွေ ဆီက နိုင်ငံခြားငွေကို အသည်းအသန် ဓားပြတိုက် တောင်းတာ၊ ပြည်ပက ပစ္စည်း တင်သွင်းခွင့် ပိတ်တာတွေ လုပ်နေရပါတယ်။ ဒါကြောင့် အခုချိန်မှာ “ငါတို့ နိုင်တော့မယ်”တို့၊ “နိုင်မှာ သေချာတယ်” တို့ ဆိုတာမျိုးထက် “အနိုင်ရနိုင်တဲ့ အခြေအနေကို ဆက်ပြီး တည်ဆောက် နိုင်တယ်” လို့ ပြောရမှာပါ။ “ဘာတွေ ပြင်ရမလဲ။ ဘာတွေ ပေါင်းစည်းရမလဲ။ ဘာတွေ တည်ဆောက် ရမလဲ” ဆိုတာတွေ ပြောကြရမှာပါ။ အချိန် ကြာလာတာက မျှော်လင့်ချက်ကို စွန့်လွှတ်ရမယ့် အကြောင်းပြချက် မဟုတ်သလို၊ မျက်စိစုံမှိတ်ပြီး အောင်ပွဲကို ထိုင်စောင့်နေလို့လည်း မရပါဘူး။ ဒီတော်လှန်ရေးရဲ့ နောက်ဆုံးစာမျက်နှာကို မရေးရသေးပါဘူး။ ဘယ်လိုရေးကြမလဲ ဆိုတာကတော့ ကိုယ့်ကိုယ်သာ ပြန်မေးကြည့်ကြပါ။ 4.5K·Sep 1 အခုလို အချိန်မှာ တချို့က ပင်ပန်းလာတယ်။ တချို့က မျှော်လင့်ချက် လျော့လာတယ်။ တချို့ကတော့ စစ်ကောင်စီ ဘက်က မြို့တွေ၊ နယ်မြေတွေ ပြန် ထိုးစစ် ဆင်လာနိုင်တာကိုကြည့်ပြီး စိုးရိမ်စိတ်နဲ့ “တော်လှန်ရေး ဘယ်အခြေအနေ ဖြစ်နေပြီလဲ” ဆိုတာကို false hope မပါဘဲ အမှန်တိုင်း သိချင်ကြတာပါ။ ဒီစိုးရိမ်မှုတွေကို “အားမလျော့နဲ့၊ နိုင်တော့မှာပါ” ဆိုတဲ့ စကားတစ်ခွန်းနဲ့ ဖုံးထားလို့ မရပါဘူး။ စစ်ကောင်စီဟာ တချို့စစ်မျက်နှာတွေမှာ တန်ပြန် ထိုးစစ်တွေ ပြန်လုပ်လာနိုင်ပါတယ်။ မကွေးက ရေနံမြေဒေသတွေ၊ ကရင်နီ၊ ရှမ်းမြောက်နဲ့ တနင်္သာရီဘက်တွေမှာ ဖိအားပေးမှုတွေရှိနေပြီး ဒေသတချို့မှာ တော်လှန်ရေး တပ်ဖွဲ့တွေ ဆုတ်ပေး ရတာလည်း ရှိပါတယ်။ ဥပမာ ထားဝယ် အထူးစီးပွားရေးဇုန်ပတ်ဝန်းကျင်ကို ထိန်းချုပ်နိုင်ဖို့ စစ်တပ်က ရာနဲ့ချီတဲ့ တပ်အင်အားသုံးပြီး မြေပြင်၊ လေကြောင်းနဲ့ ရေကြောင်းပါ ပေါင်းစပ်ထိုးစစ်ဆင်နေတယ်။ ဒါပေမယ့် မေးသင့်တဲ့မေးခွန်းက “စစ်ကောင်စီ ဆုံးရှုံးထားတဲ့ နယ်မြေတွေ ပြန်သိမ်း နိုင်မှာလား” မဟုတ်ပါဘူး။ စစ်တပ်တစ်ခုမှာ လေတပ်၊ အမြောက်၊ လက်နက်ကြီး၊ ပြည်ပကရတဲ့ စစ်လက်နက်နဲ့ နှစ်ပေါင်းများစွာ တည်ဆောက်ထားတဲ့ စစ်ရေးအခြေခံရှိနေသရွေ့ လက်နက်ငယ်လောက် အားထား တိုက်နေရတဲ့ တော်လှန်ရေး တပ်တွေကို အသာစီး ယူနိုင်ဖို့ ဘာမှ မခက်ပါဘူး။ ဒါကိုတောင် ရှုံးနေတာက အံ့ဩစရာ ကောင်းတာပါ။ တကယ်မေးရမယ့် မေးခွန်းက “၂၀၂၁ မတိုင်ခင်ကလို တစ်နိုင်ငံလုံးကို ပြန်အုပ်ချုပ်နိုင်မှာလား” ဆိုတာပါ။ နယ်မြေတစ်ခုကို ပြန်ယူနိုင်တာနဲ့ နိုင်ငံတစ်ခုကို အုပ်ချုပ်နိုင်တာ မတူပါဘူး။ တပ်အင်အား စုစည်းပြီး မြို့တစ်မြို့၊ လမ်းတစ်လမ်း၊ စီးပွားရေး အချက်အချာ တစ်ခုကို တိုက်ယူနိုင်ပါတယ်။ ဒါပေမယ့် အဲဒီနေရာကို နှစ်နဲ့ချီပြီး လုံခြုံစွာ ထိန်းချုပ် ဖို့၊ အုပ်ချုပ်ရေး ယန္တရား ပြန်တည်ဆောက်ဖို့၊ ထောက်ပို့ လမ်းကြောင်းတွေ လုံခြုံဖို့၊ ဒေသခံတွေရဲ့ ပူးပေါင်းမှုရဖို့က တခြားပြဿနာပါ။ ဒီနေ့ စစ်ကောင်စီရဲ့ အခက်အခဲကို မြင်ချင်ရင် ဧရာဝတီမြစ်ပေါ်က စစ်ရေယာဉ်စုကို ကြည့်လို့ရပါတယ်။ ကချင် ပြည်နယ် ရွှေကူဘက်ကို စစ်ကူနဲ့ ထောက်ပံ့ရေးပစ္စည်းတွေ ပို့ဖို့ ဧရာဝတီမြစ်ကြောင်းက တက်လာတဲ့ စစ်ရေယာဉ်စုကို KIA နဲ့ PDF ပူးပေါင်းတပ်တွေ ဆက်တိုက် တိုက်ခိုက်နေပြီး၊ စစ်ကောင်စီဘက်က ရေယာဉ်တွေ ထိခိုက်ဆုံးရှူံး နေသလို လေကြောင်း တိုက်ခိုက်မှုတွေ အပြင်းအထန် အသုံးပြုနေရပါတယ်။ အရင်တုန်းက စစ်တပ်ရဲ့ နောက်တန်းလို ဖြစ်ခဲ့တဲ့ အဲဒီဒေသတွေဟာ ဒီနေ့မှာ စစ်မြေပြင် ဖြစ်နေပါပြီ။ ထောက်ပံ့ရေး ယာဉ်တန်းတစ်ခု ဖြတ်သန်းဖို့တောင် စစ်ဆင်ရေး တစ်ခုလို လုပ်နေရတဲ့အခြေအနေဟာ မင်းအောင်လှိုင် အရပ်တကာ လှည့်ပြီး လိမ်ညာဖြီးဖြန်း နေတဲ့ “နိုင်ငံ ပြန်တည်ငြိမ်လာပြီ” ဆိုတဲ့ စကားနဲ့ ဘယ်လိုမှ မကိုက်ညီပါဘူး။ တော်လှန်ရေး အင်အားစုတွေဟာ လက်နက်ကိုင် တော်လှန်ရေး တစ်ခုတည်း မဟုတ်တော့ဘဲ ဒေသခံတွေ ပူးပေါင်းမှုနဲ့ လွတ်မြောက် နယ်မြေတွေမှာ အုပ်ချုပ်ရေး၊ ပညာရေးနဲ့ လူမှုဝန်ဆောင်မှု စနစ်တွေကိုပါ တည်ဆောက် နေကြပါတယ်။ ကုလသမဂ္ဂရဲ့ OHCHR ၂၀၂၆ အစီရင်ခံစာမှာတောင် ဒီမိုကရေစီ လိုလားတဲ့ အင်အားစုတွေနဲ့ အရပ်ဘက် အဖွဲ့အစည်းတွေရဲ့ အုပ်ချုပ်ရေး တည်ဆောက်နေတာကို အသိအမှတ် ပြုထည့်သွင်း လေ့လာထားပါတယ်။ ဒါပေမယ့် တော်လှန်ရေး အဖွဲ့အစည်းတွေ ဘက်မှာလည်း စည်းလုံး ညီညွတ်မှု၊ တာဝန်ခံမှု၊ command structure၊ လူ့အခွင့်အရေးနဲ့ ဒေသခံ ပြည်သူတွေအပေါ် ဆက်ဆံရေးကိစ္စတွေမှာ ပြင်ဆင်စရာတွေ ရှိနေပါတယ်။ ဒါတွေကို ပြင်နိုင်ခြင်းကပဲ တော်လှန်ရေးရဲ့ နောက်တစ်ဆင့် ဖြစ်ရပါမယ်။ အဲဒီထဲမှာ စည်းလုံးညီညွတ်ရေးကတော့ အခုထိ အကြီးဆုံး စမ်းသပ်ချက်ပါ။ ၂၀၂၆ မတ်လမှာ ဖွဲ့စည်းခဲ့တဲ့ SCEF ဟာ ဒီပြဿနာကို ဖြေရှင်းဖို့ ကြိုးပမ်းမှု အသစ်တစ်ခု ဖြစ်လာပါတယ်။ နိုင်ငံတကာကလည်း အကြမ်းဖက် အာဏာလုမှုကို မေ့သွားတာ မဟုတ်သေးပါဘူး။ မြန်မာ့ တော်လှန်ရေးကို လိုအပ်သလောက် မကူညီကြဘူးလို့ ယူဆနိုင်ပေမယ့် ကမ္ဘာက စစ်ကောင်စီကိုလည်း လက်ခံလိုက်တာ မဟုတ်ပါဘူး။ အာဆီယံ ခေါင်းဆောင်တွေက အမေစုကို ခြွင်းချက်မရှိ ပြန်လွှတ်ပေးဖို့နဲ့ အကြမ်းဖက်မှုတွေ ရပ်တန့်ပြီး တွေ့ဆုံ ဆွေးနွေးကြဖို့၊ ဒါတွေကို ငြင်းပယ် ခဲ့တဲ့ စစ်ကောင်စီကို ဆက်လက် ဖယ်ကြဉ်ထားဖို့ ဆုံးဖြတ် ခဲ့ကြတာ တွေ့ကြမှာပါ။ ဒါ့အပြင် UN ကလည်း အရပ်သားတွေ အပေါ် ရည်ရွယ်ချက်ရှိရှိ လေကြောင်းတိုက်ခိုက်မှုတွေ၊ မတရား ဖမ်းဆီးမှု၊ ညှဉ်းပန်းနှိပ်စက်မှုနဲ့ လိင်ပိုင်းဆိုင်ရာအကြမ်းဖက်မှုတွေ အတွက် အထောက်အထားတွေ ဆက်လက် စုဆောင်းနေပါတယ်။ ဒါကြောင့် စစ်ကောင်စီအတွက် အချိန်ကြာသွားတာဟာ ပြစ်မှုမှတ်တမ်းတွေ ပျောက်သွားတာ မဟုတ်ဘဲ အထောက် အထား အသစ်တွေက တိုးလာနေတာ ဖြစ်ပါတယ်။ 4.7K·Sep 1

[media post] 16.4K·Aug 3

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 09/02/2026 · v0.2.0 · 8721010

Privacy Terms DMCA & complaints Report a violation

Similar channels

Chin World Media4.7K subscribers

Thaung Yin News1.3K subscribers

MMSUB MOVIE106.6K subscribers

🇲🇲Ko Nyein Maung🇲🇲3.3K subscribers

လောကသစ္စာ2K subscribers

🌷ღ𝒀𝒖𝒍𝒊_𝑪𝒖𝒕𝒆_𝑾𝒐𝒓𝒍𝒅 🦋♡319 subscribers

RSN WEB7.3K subscribers

Myawady Media5.4K subscribers