"မေ"ဋီကာ -------------- "မေ" မေဆိုတဲ့စကားလုံးကို မယ်မယ်ရရ… — {CALVUS} Knowledge Sharing for Burmese

{CALVUS} Knowledge Sharing for Burmese@worldknowledge128 · 251 subscribers Open in TelegramOpen

"မေ"ဋီကာ
--------------

"မေ"
မေဆိုတဲ့စကားလုံးကို မယ်မယ်ရရ အဓိပ္ပါယ်ဖွင့်လို့မရပါဘူး။ ဆိုကြပါစို့ "မြတ်"ဆို မွန်မြတ်သည်ပေါ့။ "စံ"ဆိုတာ စိုးစံသည်။
စသည်ဖြင့်ရှိပေမယ့် မေ ဆိုတာကိုတ်တိကျကျမသိရသော်ငြားလည်း မြန်မာစာအဘိဓာန်မှာတော့ "မိမိချစ်နှစ်သက်ရသည့်အမျိုးသမီးကိုအမျိုးသားကခေါ်သောအမည်" လို့ ဖော်ပြထားပါတယ်။ မေ ဆိုတဲ့အဓိပ္ပါယ်က မ သို့မဟုတ် မယ် နဲ့အဓိပ္ပါယ်တူပါတယ်။ မယ်နှင့်မောင် ဆိုတာကအမျိုးသားနဲ့ အမျိုးသမီးကိုခေါ်တာပါ။ ဒါပေမယ့် ဆန်းသစ်လာတဲ့အခါမှာတော့ ဂီတဆရာ၊ ကဗျာဆရာ၊ စာရေးဆရာစသည်တို့က မေ ဆိုတာကိုသုံးလာကြပါတယ်။

တချို့ချစ်သူစုံတွဲတွေမှာကောင်လေးက ကောင်မလေးကို မေ ဆိုတဲ့ဝေါဟာရလေးသုံးနှုန်းပြီးခေါ်တတ်ကြတယ်။ တချို့က အမည်မှာပါလို့ခေါ်ကြတယ်။ တချို့ကနာမည်မှာမပါပေမယ့်လည်း ကိုယ့်ချစ်သူကို တခြားသူတွေမရိပ်မိအောင်ခေါ်တတ်ကြတယ်။

မိဘများအနေဖြင့်လည်းကိုယ့်သားသမီးဆိုတာထက် သမီးတွေမှာ မေ ဆိုတဲ့ဝေါဟာရနဲ့အမည်ပေးတတ်ကြတယ်။ တချို့က မေလမှာမွေးလို့၊ တချို့က နေ့ကိုက် နံကိုက်၊ တချို့ကျ ချစ်လို့၊ တချို့ကျ တစ်စုံတစ်ဦးကို တမ်းမိလို့စသည့်ဖြင့်ရည်မှတ်ပြီးပေးတတ်ကြပါတယ်။

ပါဋိဘာသာမှာဆိုလည်း မေ ဆိုတာက ကျွန်ုပ်ဆိုတဲ့ဝေါဟာရပါ။

ဒါပေမယ့် မည့်သည့်ကြောင့်ဘဲဖြစ်ပါစေ။ မေ ဆိုတဲ့ အသုံးနှုန်းလေးဟာ ပြီးပြည့်စုံလှတဲ့နာမတစ်မျိုးပါ။

-ခွန်းတေဇ
(မည့်သည့်စာပေမှန်းမသိ ၊ အချက်အလက်အထောက်အထားမှန်ကန်မှုသည်လည်း အားနည်းမှုများကာ စိတ်ပေါက်ရာရေးထားသဖြင့် သင့်သလိုသာဖြည့်စွက်ဖတ်ပေးကြပါ။)

t.me/worldknowledge128/1020 Translate