İlahi Qadağanın Hikməti
Alkoqolun Dünyadakı Dəhşətli Fəsadları
Uca Allahın haram buyurduğu hər bir qadağanın arxasında insanı qoruyan böyük bir hikmət dayanır. Bu gün bəzilərinin nə olacaq ki, boş ver deyərək özlərinə halal etməyə çalışdıqları içki (alkoqol), əslində həm bədəni, həm ruhu, həm də cəmiyyəti daxildən məhv edən bir zəhərdir. Gəlin, bu haramın dünyada törətdiyi dəhşətli fəsadlara nəzər salaq:
🔴 1. Sağlamlığın və Orqanların Məhvi
İçki bədənə daxil olduğu andan etibarən başda qaraciyər olmaqla, bütün daxili orqanları çürüdür. Qaraciyər sirrozu, beyin hüceyrələrinin ölməsi və ürək çatışmazlığı alkoqolun bədənə vurduğu ən ağır zərbələrdəndir. Allahın bizə əmanət etdiyi bu canı öz əlimizlə zəhərləməyin bədəli çox ağır olur.
🔴 2. Ağlın İtirilməsi, Namus və İffətin Tapdanması
İçkinin ən qorxulu tərəfi insanın ağlını başından almasıdır. Ağıl gedəndə isə insanı heyvandan ayıran heç bir sərhəd qalmır. İffət, namus və mənəviyyat hissləri korşalır. İçki insanı elə bir rəzil hala salır ki, gözü heç nəyi görmür, vəhşiləşir və hətta öz doğmalarına belə zərər yetirəcək, təcavüz edəcək qədər alçalır.
🔴 3. Cinayət və Bəlalara Yol Açması
Alkoqol bütün pisliklərin açarıdır. Ağlı başında olmayan insan ən ağır cinayətləri belə saniyələr içində törədir. Üstəlik, içkili mühitlərdə olmaq insanı etmədiyi cinayətlərin belə şübhəlisi və günahkarı edir, başqalarının günahı onun boynuna yıxılır. Həyatlar bir saniyəlik sərxoşluq ucbatından dəmir barmaqlıqlar arxasında məhv olur.
Görürsünüz, Allahın buyurduğu haramdan heç vaxt xeyir gəlmir
Bu gün bu zəhərə əyləncə deyənlər, sabah iş işdən keçəndə, sağlamlıqlarını, ailələrini və mənəviyyatlarını itirəndə başlarına döyüb ağlayırlar. Amma onda artıq çox gec olur...
Gəlin Allahın hüdudlarını aşmayaq, həm bu dünyamızı, həm də axirətimizi öz əlimizlə atəşə atmayaq
✅Bu post bəyəndisə ətrafinla paylaş Əziz dost
https://t.me/+IG7TyxAsM4w5MzNi
6July 2, 2026 426 1
