«Չեչենները բոլոր բարդ իրավիճակներում հայկական էթնոսի ներկայացուցիչների օգնությամբ զգալի հաջողությունների են հասել տնտեսության, կրթության, գիտության, մշակույթի և կադրերի պատրաստման ոլորտներում։ Հայերի օգնությամբ չեչեններն անցել են արդիականացման ընդհանուր ճանապարհ, որի ընթացքում տեղի է ունեցել տնտեսական, քաղաքական և մշակութային զարգացում»։
Sputnik Արմենիայի մեկնաբան Նաիրի Մուրադյանի հետ զրույցում պատմական գիտությունների դոկտոր, պրոֆեսոր Ստեփան Ստեփանյանը խոսել է Չեչնիայի մայրաքաղաք Գրոզնիում օգոստոսի 24-26-ը տեղի ունեցած Միջազգային գիտական կոնֆերանսի մասին, որին մասնակցել է զեկույցով։
«Չեչենական Կիզլյարը քաղաքի վերածելու գործում մեծ ներդրում ունեցավ նրա պարետը՝ ազգությամբ հայ գեներալ Ալեքսանդր Իսաևիչ Ախվերդովը։ 1816 թվականին Կիզլյարում բնակվում էր 4392 հայ, այսինքն՝ քաղաքի բնակչության 60 տոկոսը»,- այս և պատմական այլ փաստեր է թվարկում պատմաբանը։
Ստեփան Ստեփանյանցը խոսել է նաև հայաստանցիներին քիչ հայտնի պատմական իրողություններից, որոնք տեղ են գտել նաև կոնֆերանսի իր զեկույցում․ օրինակ՝ 1914 թվականի ամռանը հայ ինժեներներ Ա. Մ. Խիտարովը և Ա. Ա. Վարդանովը Գրոզնիում հիմնել են «Էլեկտրո-Ինժեներ» ընկերակցությունը; XIX դարի վերջին բազմաթիվ հայ գործարարներ մասնակցել են Գրոզնիի նավթի արդյունահանման սկզբնական աշխատանքներին; Պատմական տվյալների համաձայն՝ XX դարի սկզբին Գրոզնին դարձավ Կովկասի կարևորագույն առևտրաարդյունաբերական կենտրոններից մեկը, որը նավթ և նավթամթերք էր մատակարարում ռուսական շուկային, այնպես էլ Արևմտյան Եվրոպայի մի շարք երկրներին։
🎦զրույցն ամբողջությամբ
@RadioSputnikArm | 
106.0FM
