ОНА СОТИБ ОЛАМАН!Бу дунёнинг бозорига назар соламан,
Излаганим тополмай чарчаб толаман.
Меҳрин кўрмай ўсган етим боламан,
Бўлса бу имконият она сотиб оламан!
Қайси бозорда бор она сотув растаси,
Меҳрибон зот лойиқ гуллар дастаси.
Бўлса қанийди ночорми қари, хастаси,
Бўлса бу имконият она сотиб оламан!
Сотувчи ҳайратдан лол бўлиб қолди,
Кўзларига ёшлар тўлиб, жим қолди.
Осмонга нола қилиб уввослар солди,
Бўлса бу имконият она сотиб оламан!
Оналар харид қилиб бўлмас хазина,
Бола-чақа деб юрар баланд-паст зина.
Унинг дуосини олмоқ учун, биргина,
Бўлса бу имконият она сотиб оламан!
Унинг қадрин биласан эрта кеч қолиб,
Бугун нечун юрибсан онангдан нолиб.
Зўр бўлсанг топиб бер бозорин топиб,
Бўлса бу имконият она сотиб оламан!
Йўлчи юрак-бағрини ўртар бу ҳолат,
Она бу муқаддас, тенгсиз бир жаннат.
Қадрлашни қилинг, ҳар кун сиз одат,
Бўлса бу имконият она сотиб оламан!
🔰 Йўлчи Рўзиев 29.07.2026 йил
✍️ Йўлчи Рўзиев
♻️ Ijtimoiy tarmoqlarimiz:
🌐Telegram|🔸Instagram|🔸Facebook|🔸Youtube
🔛 Do'stlaringizga ham ulashing.
