🌿 GORSA JIREENYAA — OF JIJJIIRI, NAMOONNIS SI KABAJU
1. 🧠 Sammuu kee gabbisi
Guyyaa guyyaan waan haaraa tokko baradhu. Kitaaba dubbisi, Qur’aana qara’i, gaaffii gaafadhu, waan baratte irratti yaadi. Namni sammuu isaa leenjisu, jireenya isaa fooyyeessa.
2. 📚 Barnoota kee hin dhaabin
“Waan hundumaa nan beeka” hin jedhin. Addunyaan yeroo hunda waan haaraa si barsiisti. Namni beekumsa barbaadu yeroo dheeraa keessatti nama adda ta’a.
3. 🤫 Dubbii kee eegi
Waan hundumaa nama hundatti hin himin. Yeroo dubbachuu qabdu dubbadhu; yeroo callisuu qabdu callisi. Callisuun yeroo tokko tokko ogummaa dha.
4. 🤝 Waadaa kee eegi
Waan waadaa galte raawwadhu. Yoo raawwachuu hin dandeenye, dursii himi. Namni waadaa isaa eegu nama amanamaa fi kabajamaa ta’a.
5. 👑 Of kabaji
Of gadi hin qabin, garuu of hin tuulin. Namni of kabaju, daangaa isaa beeka; waan isaaf hin malleef “lakki” jechuu danda’a waan ta'eef
6. 🚫 Shamarran jala deemuu dhiisi
Yeroo kee fi humna kee nama duukaa fiiguun qofa hin fixin. kaayyoo jireenyaa qabaadhu, barnoota, hojii, amantii fi of-guddisuu irratti xiyyeeffadhu. Namni sirriin yeroo sirriitti karaa sirriin si bira dhufa.
7. 📱 Bilbila kee to’adhu
Social media irratti yeroo kee hunda hin fixin. Waan si fayyadu ilaali; waan sammuu kee qisaasu irraa fagaadhu. Bilbila kee ati to'achuu qabda; bilbilli si to'achuu hin qabu.
8. 🧑🤝🧑 Hiriyoota kee sirriitti filadhu
Namni ati yeroo baay’ee waliin jirtu amala kee irratti dhiibbaa qaba. Namoota hojii, barnoota, naamusa fi amantii gaarii qabanitti dhiyaadhu.
9. 🗣️ Nama hunda kabaji
Nama si caalu qofa osoo hin taane, nama sii gadi jiranis kabaji. Kabajni ati namaaf kennitu yeroo baay’ee gara keetti deebi’a.
10. 💪 Hojii kee irratti cimaa ta'i
Dubbii hedduu dubbachuu irra hojii gaarii hojjedhu. Namoonni yeroo dheeraa booda waan ati hojjette malee waan ati jette qofa hin yaadatan.
11. 😴 Hirriba kee eegi
Hirriba gahaa argachuun sammuu fi qaamaaf barbaachisaa dha. Halkan guutuu bilbila ilaaluun sammuu kee dadhabsiisa.
12. 🏃 Qaama kee sochoosi
Deemsa, sochii qaamaa ykn exercise salphaa yeroo hunda godhi. Qaama kee yoo kunuunsite, sammuu kee ni fayyada.
13. 🤲 Rabbii kee hin dagatin
Salaata kee eegi, Qur’aana qara’i, du'aa'i godhi, cubbuu irraa fagaadhu. Jireenya keessatti beekumsi qofti gahaa miti; qalbiin tasgabbaa'uunis barbaachisaadha. Kanaaf Rabbitti dhiyaadhu.
14. 🔥 Rakkoo keessatti hin laafin
Rakkoon yeroo tokko tokko si cimsuuf dhufa. Yeroo kufte ka'i. Yeroo namni si tuffate, hojii kee itti fufi. Milkaa'inni obsaan argama waan ta'eefi.
15. 🌱 Guyyaa guyyaan of fooyyessi
Har'a nama kaleessaa caalaa xiqqoo fooyya'i. Waan xiqqoo ta'ullee guyyaa guyyaan yoo itti fufte, yeroo dheeraa keessatti jijjiirama guddaa argita.
⭐ Yaadannoo dhumaa
Nama sodaachisuun kabaja miti.
Nama amanamaa ta'uun kabajaadha.
Nama of tuulu ta'uun jabina miti.
Of to'achuu danda'uun jabina.
Shamarran jala fiiguun milkaa'ina miti.
Kaayyoo kee duukaa bu'uun milkaa'ina.
Of jijjiiri; jireenyi kees si waliin jijjiirama.
By Kaxxaab Aadam
@yada_walif
August 31, 2026 38
