Сәләт Биләр Форум быел да белем һәм тәҗрибә уртаклашу мәйданчыгына әверелде. Җыен кысаларында фән, иҗат, сәнгать һәм спорт юнәлешләрендә тематик лабораторияләр эшли.⚛️ Татарстан Фәннәр академиясенең Гамәли семиотика институты хезмәткәрләре форумда катнашучылар өчен лекцияләр һәм мастер-класслар үткәрде.
Институт директоры Ринат Гыйльмуллин институтның тарихы һәм эшчәнлекнең төп юнәлешләре турында сөйләде. Ясалма интеллект өлкәсендәге заманча алымнар турында «Цифрлы ярдәмнән аңлатмалы ясалма интеллектка» дигән лекция тәкъдим итте.
Институтның баш фәнни хезмәткәре Җәүдәт Сөләйманов, педагогика һәм фикерләүнең фундаменталь мәсьәләләренә кагылып, «Мәгарифтә фикер» темасына лекция укыды.
Әйдәп баручы фәнни хезмәткәр Булат Хәкимов институт тарафыннан эшләнгән төп лингвистик ресурсларның берсе булган «Туган тел» милли корпусының мөмкинлекләре белән таныштырды.
Аспирант Азамат Гыймазов ясалма интеллект системасы ярдәмендә барлыкка килгән текстлардагы фактологик хаталарны классификацияләү турында тикшеренү тәкъдим итте.▪️6-11 июль көннәрендә узучы җыенда Россия төбәкләреннән һәм Татарстан районнарыннан 800ләп бала катнаша.
▪️Быелгы форум «Сәләт» фестивальләренең 30 еллыгына һәм форумнарның 15 еллыгына багышлана.
#СәләтБиләрФорум #Сәләт
Хәбәрләрне безнең Max каналында да күзәтеп бара аласыз.
TatSoft | @ipsanrt
