🇮🇱🤖 Əvvəl “Wikipedia”, indi isə süni intellekt - İsrail süni intellekt sistemlərinin verdiyi cavablara təsir göstərməyə çalışır.
İsrailin informasiya kampaniyasının yeni mərhələyə keçdiyi bildirilir. “Havas Media” vasitəsilə ABŞ prezidenti Donald Trampın keçmiş seçki kampaniyası rəhbəri Bred Parskeyllə əlaqəli Amerikanın “Clock Tower X” şirkəti prosesə cəlb olunub.
ABŞ-də qeydiyyata alınmış sənədlərdə kütləvi şəkildə kontent hazırlanması və arzuolunan “GPT framing”in əldə edilməsi üçün saytların yaradılması nəzərdə tutulur. Məqsəd generativ süni intellekt sistemlərinin hansı məlumatları tapmasına və sonradan istifadəçiyə təqdim etməsinə təsir göstərə biləcək internet informasiya mühiti formalaşdırmaqdır.
Söhbət İsrailin “ChatGPT-ni satın almasından” və ya onun cavablarını birbaşa idarə etməsindən getmir.
Mexanizm daha mürəkkəbdir: internet axtarış sistemləri və sosial şəbəkələr vasitəsilə yayılan minlərlə optimallaşdırılmış materialla doldurulur. Bu materiallar potensial olaraq süni intellekt sistemlərinin istifadə etdiyi informasiya mənbələri arasında yer ala bilər.
“The Guardian” bu yaxınlarda İsrailin informasiya kampaniyası ilə əlaqələndirilən “Hanover Institute” adlı saxta analitik mərkəz aşkarlayıb.
Məlumata görə, bu qurum cəmi doqquz gün ərzində ümumi həcmi 560 min sözdən çox olan 124 material dərc edib. Onların arasında generativ süni intellekt sistemləri üçün optimallaşdırılmış məzmun da olub.
Əvvəllər dövlətlər qəzetlər, televiziya, “Wikipedia” və axtarış sistemlərindəki nəticələr uğrunda mübarizə aparırdılar.
İndi isə mübarizə süni intellektin istifadəçiyə hazır cavab formalaşdırdığı informasiya mühiti uğrunda gedir.
Artıq yalnız insanın nə oxuyacağına deyil, maşının ona nə danışacağına da təsir göstərməyə çalışırlar.
#İsrail #Süniİntellekt #ChatGPT #İnformasiya #Texnologiya
1September 3, 2026 246
