#نعـي مفجع
حديث مولاتي العقيلة صلوات الله عليها مع حادي الضعن
ياجمال اذا عندك امروه
عُربي وتعرف اشتعني الأخوه
اريد انخاك ياجمال نخوه
واجرك يم رسول الله جدنا
سدر بالضعون لصوب اخوتي
اريد اشكيلهم ضيمي وبلوتي
مايدرون اظنهم طلع صوتي
بالله اعليك اخذني صوب اهلنا
بالاول للشريعه هناك سدر
لصوب الي كفلني من علي الدر
ما انزل ومن عالناگه ااشر
بس يصدلي يفهمني الكفلنا
بالله اعليك اگف يمه يجمال
اخوي ورايده اشكيله الحال
اريد ارفع ادي ويشوف الحبال
بلچن بيه نفس ويرد گمرنا
واخذني لبن اخوي النوبه الاخره
علي الاكبر اريد اشكي واخبره
اظن مايدري بيه العين حمره
بلچي يفز لون شاهد هزلنا
انوب اگصد لخوتي آل طالب
اندهم اريد الگلب ذايب
خذونا يال طالب للخرايب
وماهي وموالمه العزنا وخدرنا
واگصد بيه يم ولدي الغياره
يعرفوني بدليلي وانكساره
لمشي اگبالهم مشي الاساره
واشوفهم اشلون امسه ضعنا
وانچاك صدگ تملك حميه
اگصد بيه يم والد رقيه
اريد اتلمسه بثنين اديه
واشم صدره الحنين واودعنه
ياجمال احلفك ببو اليمه
خليني اظل اشويه يمه
اريد امسح الدم من عله جسمه
والتراب اريد امسحه بيدي عنه
ياجمال لو تمتلك غيره
مَشي الضعن صوب ابن امي ديره
ما ودعته وآنه اخته الچبيره
بعدني ما شبعت اوداع منه
عبدالله الفريجي
#اللهم_عجل_لوليك_الفرج
17
5
2
1August 24, 2026 2.6K 58
