أبوذيـات لمصيبة الامام العسكري سلام الله عليه خبر يسعد دليلي ... مايه… — نعي + ابوذيات

نعي + ابوذيات@affeff · 19.9K subscribers Open in TelegramOpen

#أبوذيـات

لمصيبة الامام العسكري سلام الله عليه

خبر يسعد دليلي ... مايه عنه
نشف من البواجي .. ماي عينه
يويلي المهدي حيله ... ما يعينه
الليله بل گبر دافن أبيه ...

يا صاحب الزمان

يمن امنگع امن الدمع ... ردنه
يخف حزنك عگب عاشور ... ردنه
او مصاب العسكري للنوح .. ردنه
او رد ردود حزن الغاضريه

........

المصايب گلب ابو محمد .... ولنه
او گضه بين الهظم نحبه ... والانه
اعداه الفرح كلّه الها ...... والـ انه
نوح او دمع وافراگ او عزيه

المثله بل خلگ ما صار ... وايصح
من سمه يطيب اشلون ... وايصح ؟؟
عليه ابنه يدگ الراس .. وايصيح
سم احشاك ريته اندار بيه ...

وسافه الدهر عل مهدي ... تراها
تفت الصخر. حسراته ..... تراها
اجنازة والده اعيونه .... تراها
مشت للمگبره ابهاي المسيه ....

ابو فاطمة الطائي

#اللهم_عجل_لوليك_الفرج