#نعـي
لشهادة مولاي العسكري روحي فداه
عليل العسكري يالتنشد اعليه
طاح ابعلته او زاد المرض بيه
جابوله الطبيب او بس وصل ليه
طلع مايوس منه مغورج العين
ــــــــــــــــــــــــــــــــــــــ
بس شافه الطبيب اشلون مصفر
اخذ بيده اوگعد عنده ايتحسر
طلع مايوس صاح الله واكبر
هاذي طيحته طيحة الميتين
ــــــــــــــــــــــــــــــــــــــ
ترداه بالمرض حاله وتلاشه
ظل الحسن واگع عله فراشه
والله مابگت عنده حشاشه
ضّعف وَنته والگلب نصين
ــــــــــــــــــــــــــــــــــــــ
خلص گلبه بكثر ما ينزف الدم
اثاري طيحته طيحة المنسم
ثلث تيات بفراش المرض تم
ست اوكات ما طبگ الجفنين
ــــــــــــــــــــــــــــــــــــــ
آ يا محنة العسكري اشمحنه
فوگ امن المرض زودو حزنه
شاف الگوم گامت تطلب ابنه
واهم بالدار والله بس الثنين
ــــــــــــــــــــــــــــــــــــــ
من شاف العده اعله ابنه يدورون
وبو صالح ابداره وما يشوفون
حن او گال ياربي اشيطلبون
والله خلصونا اشلون جسرين
ــــــــــــــــــــــــــــــــــــــ
زرگت عينه الضمد گلبه الشفيه
او وهوه واحد اعلى الثاني سويه
اثاري الحسن من جته المنيه
تمدد وانتحب واسبل الرجلين
ــــــــــــــــــــــــــــــــــــــ
بعد ما ودع ابنه ابگلب مجروح
تشاهد ويل گلبي او طلعت الروح
ثار اصياح اهل بيته وعله النوح
رحت واهل الديانه اتندبه لاوين
الشاعر المرحوم
الخطيب الشيخ محمد حسن دكسن
#اللهم_عجل_لوليك_الفرج
8
7
4August 21, 2026 3.3K 60
