#نعـي
للإمام العسكري عليه السلام
*
وياي شديت اشمالك يا دهر وياي شديت
جا ليش كطعيت يالتسوه العتب جا ليش كطعيت
ما ينطب البيت اذا ما بي ابو ما ينطب البيت
مكسور ضليت يبويه بفركتك مكسور ضليت
يا ناس مسموم مات العسكري يا ناس مسموم
وما يكدر يگوم المهدي امن الحزن ما يكدر يگوم
والحيل مهدوم يدگ عالراس ضل والحيل مهدوم
وتنحب اليوم سامره حزينه وتنحب اليوم
فوگ المغتسل يا ناس خلاه
وطول بطول اجاه وتمدد وياه
اهواي المهدي مهدوم اعله فركاه
ومدري اشلون هال الترب فوكاه
غريب العسكري ومحتار بمره
مثل جده الحسين انكسر ضهره
جده الخيل سحگت فوگ صدره
الشمر بالخنجر ايحز كام نحره
ليش الخيل فوكه اتروح وترد
وزينب من هظمها اتصيحله اكعد
مذبوح الحسين امن الگفه اتصد
وماضلت زلم بالعاشر اتهد
الشاعر
تحسين الخفاجي
#اللهم_عجل_لوليك_الفرج
9
3
2
1August 22, 2026 3.1K 52
