#نعـي
وين اليرگى ظهر ام أربع إجذوع
ويخبّر هاشم إلكم هاشمي ايلوع
وين اليعتني لحي هاشم ابصوت
يل مافايت اعله ارچابكم فوت
عدكم حيد طايح دارچه الموت
ابسامره غريب وبيه مگطوع
وين الـ بالوغى والفزع تجفين
ابنكم جرّعوه سم الثعابين
وراح ايغمّض واهله بعيدين
بس المهدي يمه وگلبه مشلوع
هاشم هذا ابنكم ماد رجليه
شافوه وحّده واستفردو بيه
سمهم مشى ابگلبه وماتن إيديه
وجمر نار الهضيمه حدر الضلوع
طاح العسكري وبس ابنه وياه
وماكو هاشمي امنگب وينعاه
ومحد ثغّب عنده وصاح ويلاه
هاي النايبه الما تطفى بدموع
يهاشم والهضيمه اتهد الاجبال
مات العسكري وما جلى الگتال
وميتكم نعش للگبر ينشال
وماكو حس نعي بالناس مسموع
چم هاشمي الكم عالثره طاح
ويرد ابنه يون وايده اعله الاصفاح
وچم جاه وخدر يهل الخدر راح
وغير الشاف كل هاذني مفجوع
كلها إتغسلت واندفنت ابيوم
بس احسينكم ماغسّلوه دوم
ثلث تيام ضامي هاذن ابكوم
وثلاثه ابلا ثياب وصدره مدروع
..
الشاعر
احمد الهلباوي
#اللهم_عجل_لوليك_الفرج
10
8
4August 19, 2026 3.5K 76
