200
አደጋን መጋፈጥ በህብረተሰቡ ዘንድ ሠርፀዉ የኖሩ ዓመለካከቶችን መዳፈር ሊሆን ይችላል ። ሴቶች ይህን ማድረጋቸዉ ህልማቸዉን ዕዉን ለማድረግ ያግዛቸዋል ። "
ሠሞኑን ደግሞ በራሴ ላይ ምን እንደተፈጠረ በማላዉቅበት ደረጃ ድረስ ስለ ሴቶች የተፃፈ እና ሴቶች ራሳቸዉ በህይወት ገጠመኝ የሚተርኩትን ፅሑፎችን መመልከት ተያይዤዋለሁ እናም የስዕል ነገር አይሆንልኝም እና በንባቤ እና በፍለጋዬ ዉስጥ ከበደች ተክለአብ አርእያ የምትባል የጥበብ ሰዉ አገኘሁ ። ከበደች ሰዓሊ ፣ ገጣሚ (የግጥም መፅሐፍቶቿ "የት ነዉ ""ሱታፌ" የተሰኙ የግጥም መድብል አላት ) ፣ ቀራፂ እና የዩንቨርስቲ መምህር ናት ። ይሄን ትረካ ያገኘሁት በ2007 ዓ.ም ተመሳሌት የተሰኘ በኢትዮጵያ ዉስጥ በተለያዩ ፈርጆች በጎ ስራቸዉን የከወኑ እፁብ ድንቅ ሴቶችን ህይወት የሚተርክ ድንቅ መፅሐፍ ዉስጥ ነዉ ።
የሰነ ጥበብ ትምህርት መማር የጀመርኩት በአዲስ አበባ የስነ ጥበብ ትምህርት ቤት የ17 ዓመት ልጅ ሳለሁ ነበር ። ዕዉነቱን ለመናገር ስነ ጥበብ የመስራት ፍላጎት እንጂ በስነ ጥበብ ሙያ እተዳደራለሁ ብዬ አስቤ አላዉቅም ነበር ። ሕይወት ግን መንገዴን ወደ ወደ ስነ ጥበብ አቅጣጫ መራችዉ ። በደርግ ያገዛዝ ዘመን በተካሄደዉ የተማሪዎች ንቅናቄ ተሳትፎ በማድረጌ መታደን ስጀምር በጅቡቲ በኩል ለማምለጥ ሞከርኩ ። ይሄም ሆኖ ግን በወቅቱ ሶማሊያና ኢትዮጵያ በድንበር ግጭት ዉስጥ ስለ ነበሩ ድንበር ላይ የነበሩ የሶማሊያ ወታደሮች በቁጥጥር ዉስጥ አዋሉኝ ። ቀጣዮቹን አስር ዓመታት ያሳለፍኩት በሶማሊያ እስር ቤቶችና የጉልበት ስራ ከምፖች ዉስጥ ነበር ። ሕይወት ግን ለሁሉም ነገር ምክንያት ነበራት ። ሜልቪን ራደር " በገሃዱ ዓለም የምናስተናግዳቸዉ ሽንፈቶቻችን በስነ ጥበቡ ዓለም ድሎቻችን ይሆናሉ ። በስነ ዉበት ዓይን ሲታይ በችግሮቻችን ፣ በስቃዮቻችንና በሽንፈቶቻችን ከማማረር ይልቅ ወደ ስነ ጥበብ ስራነት በመቀየር እንዲሁም በመዉደድ የኋላ ኋላ በቁጥጥራችን ስር እናደርጋቸዋለን " በማለት ፅፋለች በእስር ቤት ያሳለፍኳቸዉ ዓመታት ከተቀረዉ ዓለም የሰዉ ልጅ ጋር ትስስር ለመፍጠር ሰበብ ሆነዉኛል ። ለስነ ጥበብ ስራዎቼ የመነቃቃት ምንጭ የሆኑኝም እነዚያ የግዞት ዓመታት ናቸዉ ። ... ትላለች ከበደች የዚህችን ጠንካራ ሴት አቅም በፈቀደ ሙሉ ትረከዋን ለማቅረብ እሞክራለሁ በተከታታይ ለዛሬዉ ግን እንደመግቢያ ይሆን ዘንድ ይሄን የተቆረጠ ፅሑፍ አስቀምጫለሁ በቅርብ ቀናት እንዴት እንደታሰረች እና ምን ያዕክል ጊዜ እንደታሰረች በዝርዝር እናነባለን ....
