Qashqadaryo” TV | Mirishkor tumanida Mustaqillikning 35 yilligi keng… — MIRISHKOR TUMANI | Rasmiy — TG.ME

MIRISHKOR TUMANI | Rasmiy@MIRISHKORPRESS · 6.2K subscribers Open in TelegramOpen

11:38Watch in Telegram

“Qashqadaryo” TV | Mirishkor tumanida Mustaqillikning 35 yilligi keng nishonlandi

/ @mirishkorpress

t.me/MIRISHKORPRESS/61418

4

September 4, 2026 2.5K 12

More from this channel

Assalomu alaykum, hurmatli tumandoshlar! Favqulodda vaziyatlar vazirining tegishli buyrug‘iga asosan, joriy yilning sentyabr oyi respublikamiz bo‘ylab “Yong‘indan ogohlik” umummilliy kampaniyasi oyligi sifatida o‘tkazilishi belgilangan. Mazkur oylikning asosiy maqsadi — aholi va hududlarni yong‘inlar, is gazidan zaharlanish, havo-gaz aralashmasining chaqnashi hamda kuz-qish mavsumida yuzaga kelishi mumkin bo‘lgan boshqa favqulodda vaziyatlardan muhofaza qilish, fuqarolarning yong‘in xavfsizligi borasidagi bilim va ko‘nikmalarini, shuningdek, xavfsizlik madaniyatini yanada oshirishdan iborat. Oylik doirasida aholi va tashkilotlar xodimlarini favqulodda vaziyatlarga tayyorlash, yong‘inlarning oldini olish hamda xavfsizlik qoidalariga rioya etish bo‘yicha seminarlar, ma’ruzalar, mahorat darslari, tanlovlar, targ‘ibot tadbirlari va maxsus-taktik o‘quv mashg‘ulotlari o‘tkaziladi. Aziz tumandoshlar! Sizlarni yong‘in xavfsizligi qoidalariga qat’iy rioya qilishga, elektr va gaz jihozlaridan foydalanishda ehtiyotkor bo‘lishga, xonadonlarda yong‘in xavfsizligi talablariga amal qilishga chaqiraman. Unutmang, yong‘inning oldini olish — uni bartaraf etishdan ko‘ra osonroq va samaraliroqdir. Har birimiz o‘zimiz va yaqinlarimiz xavfsizligi uchun mas’ulmiz. Favqulodda vaziyat yuz berganda 112 yagona dispetcherlik xizmatiga, shuningdek, 101 yoki 1050 qisqa raqamlariga qo‘ng‘iroq qiling. E’tiboringiz uchun rahmat! Mirishkor tumani Favqulodda vaziyatlar bo‘limi boshlig‘ining o‘rinbosari, kapitan Choriyev Samar Xo‘jamqulovich 😎😎😎😎😎😎😎😎 📌📌📌📌 / @mirishkorpress 2.5KSep 5

Mirishkorlik yoshlar tadbirkorlikda namuna ko‘rsatmoqda Mirishkor tumanida yoshlar davlatimiz rahbari tomonidan yaratilayotgan imkoniyatlardan unumli foydalanib, o‘z tadbirkorlik faoliyatini yo‘lga qo‘yib, yangi ish o‘rinlari yaratmoqda. Xususan, tumanning Mirishkor mahallasida yashovchi Qo‘chqorov Zohidjon mahalla yoshlar yetakchisi tavsiyasi asosida imtiyozli kredit olib, zamonaviy stanoklar xarid qildi va eshik hamda rom ishlab chiqarish faoliyatini yo‘lga qo‘ydi. Bugungi kunda yosh tadbirkorning korxonasi tumandagi eshik va romlarga bo‘lgan talabning qariyb 80 foizini qoplab, 5 nafar yoshning bandligini ta’minlamoqda. Faoliyatidan oyiga 15–20 million so‘mgacha daromad olmoqda. Shuningdek, Baluj mahallasida yashovchi Yusufboyev Damir ham yoshlarga yaratilayotgan imkoniyatlardan foydalanib, o‘z biznesini yo‘lga qo‘ygan. U PQ-62-sonli qaror asosida 100 million so‘m miqdorida imtiyozli kredit olib, asalarichilik bilan shug‘ullanishni boshladi. Dastlab 30 ta asalari yashigidan ish boshlagan yosh tadbirkor bugun o‘z faoliyatidan 30–35 million so‘mdan ortiq daromad olishga erishmoqda. Gov.uz| Telegram| YouTube| FB| Instagram| X 1.3KSep 5

Murojaati ijobiy hal etilgan fuqaro rahbarlarga minnatdorlik bildirdi 😎😎😎😎😎😎😎😎 📌📌📌📌 / @mirishkorpress 1.5KSep 5

Mirishkorda navbatdagi fuqarolar qabuli o‘tkazildi Mirishkor tumani hokimi Fayzullo G‘ulomov, tuman prokurori Sardor Nazarov va IIB boshlig‘i G’ayrat Xaydarovlar tomonidan har shanba an’anaviy tarzda o‘tkazib kelinayotgan navbatdagi fuqarolar qabuli tashkil etildi. Qabul davomida fuqarolar tomonidan ijtimoiy himoya, bandlik, yer va uy-joy masalalari hamda tadbirkorlik faoliyatini rivojlantirish bilan bog‘liq murojaatlar tinglandi va qator murojaatlar joyida hal etildi. Qo‘shimcha o‘rganish va muayyan muddat talab etadigan murojaatlar mas’ullarga biriktirilib, ularning ijrosi alohida nazoratga olindi. 😎😎😎😎😎😎😎😎 📌📌📌📌 / @mirishkorpress 2.3KSep 5

Mirishkor tumani IIB boshlig‘i G‘ayrat Xaydarovning aholiga murojaati Hurmatli Mirishkor tumani aholisi! Bugungi kunda fuqarolarning mol-mulkini, huquq va manfaatlarini himoya qilish, firibgarlik va kiberjinoyatlarning oldini olish ichki ishlar organlarining eng muhim vazifalaridan biri bo‘lib qolmoqda. Afsuski, so‘nggi vaqtlarda fuqarolarning ishonuvchanligidan foydalanib, ularni turli aldov va va’dalar bilan chalg‘itish orqali moddiy manfaat ko‘rishga urinayotgan shaxslar uchrab turibdi. Joriy yilning 8 oyi davomida Mirishkor tumani IIBga firibgarlik va oldi-berdi masalalari yuzasidan 1 183 ta murojaat kelib tushgan. Shundan 655 tasi ijobiy hal etilib, fuqarolarga yetkazilgan moddiy zararlarning o‘rni qoplangan, 78 ta murojaat tegishli davlat organlariga yuborilgan. Qolgan murojaatlar yuzasidan fuqarolarga, xususan, moddiy zararlarni fuqarolik tartibida undirish bo‘yicha huquqiy tushuntirishlar berilgan. Shuningdek, tuman hududida 8 oy davomida firibgarlik bilan bog‘liq 21 ta jinoyat ishi qo‘zg‘atilib, ular bo‘yicha dastlabki tergov harakatlari olib borilgan va tegishli sudlarga yuborilgan. Firibgarlik — o‘zganing mol-mulkini yoki unga bo‘lgan huquqni aldash yoxud ishonchni suiiste’mol qilish yo‘li bilan qo‘lga kiritishdan iborat jinoyatdir. Eng achinarlisi, bunday holatlarning aksariyatida fuqarolar jinoyatchining yolg‘on va’dalari, ishonchli ko‘rinishi yoki og‘zaki kelishuvlariga ishonib qolmoqda. Hurmatli yurtdoshlar! Sizlardan, avvalo, har qanday mulkiy munosabatlarda shoshilmaslikni va hujjatlarni qonuniy tartibda rasmiylashtirishni so‘rayman. Qarz berish, avtomashina, ko‘chmas mulk yoki chorva mollari oldi-sotdisi kabi masalalarda og‘zaki kelishuv bilan cheklanib qolmang. Imkon qadar bitimlarni notarius orqali qonuniy ravishda rasmiylashtiring. Notarius bitimning qonuniyligini tekshiradi, taraflarning shaxsini aniqlaydi, hujjatlarni o‘rganadi hamda bitimning huquqiy oqibatlarini tushuntiradi. Bu esa keyinchalik yuzaga kelishi mumkin bo‘lgan nizolar va firibgarlik holatlarining oldini olishga xizmat qiladi. “Keyin katta foyda bilan qaytaraman”, “juda zarur, tezda pul bering”, “hech qanday muammo bo‘lmaydi” kabi va’dalarga ishonib, shoshilinch qaror qabul qilmang. Qarz berish zarurati tug‘ilsa, qarz miqdori, uni qaytarish muddati va taraflarning majburiyatlarini yozma ravishda rasmiylashtiring. Bu kelgusida o‘z huquqlaringizni himoya qilishingiz uchun muhim ahamiyatga ega. Ayniqsa, tumanimizda yirik va mayda shoxli mollarni qarzga berish yoki oldi-sotdisi bilan bog‘liq holatlarda fuqarolarning aldanib qolishi kuzatilmoqda. Shu sababli chorva mollari oldi-sotdisida molning egasini aniqlash, tegishli hujjatlarni tekshirish, hisob-kitobni tasdiqlovchi hujjatlarni rasmiylashtirish va eng muhimi — shoshilmaslik lozim. Kiberfiribgarlardan ham ogoh bo‘ling! Bugungi kunda raqamli texnologiyalar hayotimizni ancha yengillashtirmoqda. Biroq internet va axborot texnologiyalaridan noqonuniy maqsadlarda foydalanayotgan shaxslar ham ko‘paymoqda. Joriy yilning 8 oyida Mirishkor tumanida axborot texnologiyalari sohasidagi 86 ta jinoyat qayd etilgan. Ularning 40 tasi firibgarlik, 44 tasi o‘g‘rilik bilan bog‘liq bo‘lsa, 1 tasi shaxsning sha’ni va qadr-qimmatini kamsituvchi ma’lumotlarni oshkor qilish bilan bog‘liq jinoyatni tashkil etadi. Shu sababli har bir fuqaro kiberxavfsizlik qoidalariga qat’iy amal qilishi zarur. • murakkab va noyob parollardan foydalaning; • parollaringizni begona shaxslarga bermang; • telefon va kompyuterdagi dasturlarni muntazam yangilab boring; • noma’lum manbalardan yuborilgan havola va fayllarni ochmang; • bank karta raqami, SMS-kod, parol va boshqa maxfiy ma’lumotlarni hech kimga bermang; • ijtimoiy tarmoqlarda shaxsiy ma’lumotlaringizni ortiqcha oshkor qilmang; • internet orqali moliyaviy operatsiyalarni faqat ishonchli va himoyalangan platformalarda amalga oshiring. Sizning xavfsizligingiz, huquq va manfaatlaringizni himoya qilish — bizning asosiy vazifamiz! Mirishkor tumani IIB boshlig‘i G‘ayrat Xaydarov 😎😎😎😎😎😎😎😎 📌📌📌📌 / @mirishkorpress 3.5KSep 5