Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

The Irrawaddy - Burmese: post #66819 — TG.ME

The Irrawaddy - Burmese@theirrawaddy · 76.5K subscribers Open in TelegramOpen

t.me/theirrawaddy/66819

17

10

September 9, 2026 2.2K 2

More from this channel

• ကချင်ကိုတက်တဲ့ စစ်သင်္ဘောတွေ လမ်းမှာ တိုက်ခိုက်ဖျက်ဆီးခံရ • အာဏာသိမ်းစစ်တပ် နှစ် ၃၀ ကျော် အခြေစိုက်ခဲ့တဲ့စခန်းကို KNU သိမ်းပိုက် • SCEF မှာ ဖက်ဒရယ်ယူနစ်တွေ ပူးပေါင်း • မြန်မာကိုယ်စားလှယ်နေရာ အရည်အချင်းစိစစ်မယ့် UN ကော်မတီသစ် ဖွဲ့စည်း • အင်ဒိုနီးရှားမှာ မီးတောင်တွေ ဆက်တိုက်ပေါက်ကွဲ နေ့စဉ်သတင်း၊ စက်တင်ဘာ ၉၊ ၂၀၂၆ https://youtu.be/4i4ENLkFb8Q #မြန်မာ #ဧရာဝတီ #ကချင် #KIA #စစ်သင်္ဘော #KNU #SCEF #ဦးကျော်မိုးထွန်း #UN #အင်ဒိုနီးရှားမီးတောင် #နေ့စဉ်သတင်း #DailyNews #WhatsHappeingInMyanmar 2.8K·Sep 9 ဗန်းမော်မှ ပြန်စုန်ဆင်းလာသည့် စစ်သင်္ဘော ၂ စီး တိုက်ခိုက်ခံရပြီး စင်းခန်းတံတားအနီး နစ်မြုပ် ဧရာဝတီ၊ စက်တင်ဘာ ၉၊ ၂၀၂၆ ကချင်ပြည်နယ်၊ ဗန်းမော်မြို့မှ ရွှေကူမြို့ဘက်သို့ ယနေ့ပြန်စုန်ဆင်းလာသည့် စစ်အုပ်စုသင်္ဘောလေးစီးအား စင်းခန်းတံတားအနီး ကချင်လွတ်လပ်ရေးတပ်မတော်(KIA)ပူးပေါင်းတပ်ဖွဲ့က ကြားဖြတ်တိုက်ခိုက်ရာ ၂ စီးနစ်မြုပ်ခဲ့ကြောင်း ဗန်းမော်ရှေ့တန်းရဲဘော်တဦးက ဧရာဝတီသို့ ပြောသည်။ သင်္ဘော ၂ စီးမှာ စင်းခန်းတံတားအနီး နတ်ခုတ်ရွာနှင့် ဇင်းဘုံရွာအနီးတို့တွင် နစ်မြုပ်ခဲ့ပြီး ကျန် သင်္ဘော ၂ စီးမှာလည်း တိုက်ခိုက်ခံရမှုကြောင့် ဝဲမရွာအနီး အရေးပေါ်ကမ်းကပ်ခဲ့ရကြောင်းလည်း ၎င်းက ပြောသည်။ ဧရာဝတီထံပေးပို့လာသည့် ဗီဒီယိုမှတ်တမ်းတခုတွင် စစ်အုပ်စုသံခွံတွဲသင်္ဘောကြီးတစီးမှာ ဧရာဝတီမြစ်လယ်၌ မီးလောင် ပေါက်ကွဲပြီး နစ်မြုပ်သွားကာ လူအချို့နှင့်ပစ္စည်းအပိုင်းအစများ ရေထဲမျောနေသည်ကို တွေ့ရသည်။ ယနေ့တိုက်ခိုက်ခံရသည့် သင်္ဘောများမှာ ပြီးခဲ့သည့်ရက်ပိုင်းအတွင်းက မန္တလေးမြို့ ဂေါ်ဝန်ဆိပ်ကမ်းမှ စစ်ကူနှင့်ရိက္ခာများတင်ဆောင်ကာ ဗန်းမော်မြို့သို့ထွက်ခွါလာသော စစ်သင်္ဘောအုပ်စုများထဲမှဖြစ်နိုင်ကြောင်းလည်း သိရသည်။ ဩဂုတ်လကုန်ပိုင်းတွင် မန္တလေးမှ ဗန်းမော်သို့ စစ်ကူအင်အားလာဖြည့်သည့် စစ်အုပ်စုသင်္ဘော ၁၅ စီးအနက် ရွှေကူနှင့်ဗန်းမော်ကြား ဧရာဝတီဒုတိယမြစ်ကျဉ်းအနီး ကြားဖြတ်တိုက်ခိုက်ခံရပြီး စစ်သင်္ဘောတစီးအပါအဝင် ၃ စီးနစ်မြုပ်ကာ နှစ်စီးမှာ အရေးပေါ်ကမ်း ကပ်၍ လက်နက်ချအဖမ်းခံခဲ့သည်။ ကမ်းကပ်ခဲ့သည့် သင်္ဘောများပေါ်မှ စစ်သားနှင့်မိသားစုဝင်ဦးရေ ၁၉၀ ခန့် ဖမ်းမိခဲ့ကြောင်း KIA ဘက်က ထုတ်ပြောထားသည်။ ယနေ့နံနက် ၁၁ နာရီခန့်ကလည်း ကသာမြို့မှ ရွှေကူမြို့သို့ ရောက်ရှိလာသည့် စစ်အုပ်စုသင်္ဘော ၄ စီးမှာ ရွှေကူမြို့၊ အမှတ်(၁)ရပ်ကွက် ရွှေအံတော်ဘုရားဆိပ်ကမ်းတွင် ရပ်နားထားစဉ် ဒရုန်းနှင့်တိုက်ခိုက်ခံရပြီး သင်္ဘော ၂ စီးမီးလောင်ပျက်စီးခဲ့သည်။ ထိုသို့ ရွှေကူနှင့် ဗန်းမော်ဒေသအား စစ်ကူ၊ရိက္ခာများဖြည့်တင်းကာ မြေပြင်မှစစ်ကြောင်းများထိုးလာသည့်အတွက် တိုက်ပွဲများ ဖြစ်ပွားနေကြောင်း သိရသည်။ ဓာတ်ပုံ-CJ #WhatsHappeningInMyanmar #RejectMilitaryCoup 2.7K·Sep 9

[media post] 2.2K·Sep 9 လုံခြုံမှု ကင်းမဲ့လာတဲ့ ရန်ကုန် (ရုပ်/သံ) ဧရာဝတီ၊ စက်တင်ဘာ ၉၊ ၂၀၂၆ အာဏာမသိမ်းခင်က မြန်မာနိုင်ငံရဲ့ ညမအိပ်တဲ့မြို့တော်လို့ တင်စားခံရတဲ့ ရန်ကုန်မြို့ဟာ လက်ရှိမှာတော့ လုံခြုံမှုကင်းမဲ့ပြီး ခြောက်ခြားစရာ ဖြစ်နေတယ်လို့ မြို့ခံတွေက ပြောကြပါတယ်။ အတင်းအဓမ္မ စစ်သားစုဆောင်းမှု၊ ပေါ်တာဆွဲမှုတွေကြောင့် အရွယ်ကောင်းလူငယ်တွေဟာ နိုင်ငံခြားကို ထွက်ခွာဖို့ ကြိုးစားရုန်းကန်နေကြသလို၊ နေ့စဉ်နဲ့အမျှ လူငယ်တွေ ပျောက်ဆုံးနေတဲ့သတင်းတွေလည်း ထွက်ပေါ်နေပါတယ်။ လူပျောက်တာအပြင် ပြည်သူ့စစ်မှုထမ်းဥပဒေကို အကြောင်းပြပြီး အတင်းအဓမ္မ ဖမ်းဆီးမှုတွေ၊ ပြန်ပေးဆွဲငွေညှစ်မှုတွေ၊ ဒုစရိုက်မှု နဲ့ လုယက်မှုတွေ များပြားလာတဲ့အတွက် မြို့ခံတွေဟာ စိုးရိမ်ပူပန်မှု အပြည့်နဲ့ နေထိုင်နေကြရတာဖြစ်ပါတယ်။ ရန်ကုန်က ဒေသခံတွေကတော့ ရန်ကုန်မှာနေနေရင်းနဲ့ စစ်တပ်အာဏာမသိမ်းခင်က လွတ်လပ်လုံခြုံခဲ့တဲ့ရန်ကုန်ကို ပြန်ပြီးလွမ်းဆွတ်တမ်းတနေကြပါတယ်။ https://youtu.be/H-_lgxl_PYY #မြန်မာ #ဧရာဝတီ #ရန်ကုန် #ဒုစရိုက်မှု #WhatsHappensInMyanmar 2.7K·Sep 9 ရှေ့ဆက်လို့မရဘူးဆိုတာ ထင်ထင်ရှားရှား တုံ့ပြန်တယ်။ တရုတ်၊ ရုရှားအပါအဝင် အာဆီယံနိုင်ငံတွေရဲ့ တုံ့ပြန်မှုကို ကျမတို့ နားထောင်ရတာ ပြည်သူတွေရဲ့ ခံစားချက်နဲ့တွေးမယ် ဆိုရင် စိတ်မသက်မသာ ဖြစ်တယ်။ တော်တော်များများက ပြည်တွင်းမှာ ရွေးကောက်ပွဲဖြစ်နေပြီ။ ရွေးကောက်ပွဲနောက်ဆက်တွဲကို ဝင်ရောက်မစွက်ဖက်ဖို့ ပြည်တွင်းကိစ္စတွေဖြစ်တယ်ဆိုပြီး တစိုက်မတ်မတ်ပြောကြတယ်။ ပြီးတော့ မြန်မာနိုင်ငံရဲ့ အချုပ်အခြာအာဏာကို မထိပါးဖို့ဆိုတဲ့စကားတွေကို အရမ်းကို နားကလောဖွယ်ရာ နားထောင်ခဲ့ရတယ်။ ဒီအပေါ်မှာလည်း ပြန်လည် တုံ့ပြန်ပြီးတော့ ဆွေးနွေးခဲ့တာတွေရှိတယ်။ အထူးသဖြင့် မြန်မာပြည်သူတွေကိုယ်ပိုင်ဖြစ်တဲ့ လှုပ်ရှားမှုတွေကို ကျမတို့ဘက်မှာ တိုးတက်မှုတွေရှိပြီ၊ SCEF(ဖက်ဒရယ် ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ) စုဖွဲ့မှုတွေအပါအဝင် အမျိုးသမီးတွေ ဂျန်ဒါစုံလင်ကွဲပြားသူတွေနဲ့ တိုင်းရင်းသားလက်နက်ကိုင် အခြားတော်လှန်ရေးအင်အားစုတွေက ဖက်ဒရယ်ဒီမိုကရေစီတည်ဆောက်ရေးကို လုပ်ဆောင်နေကြပြီ။ ဒါကိုဆိုလိုတာမျိုးဖြစ်ဖို့လိုတယ်။ ဒါမှမဟုတ်ဘဲနဲ့ မြန်မာ့နည်းမြန်မာ့ဟန်ဆိုပြီး စစ်တပ်လုပ်တာပဲ ခေါင်းငုံ့ခံပြီး စစ်တပ်လုပ်တာပဲ တသွင်သွင်ပြောနေမယ်ဆိုရင် ဒါက မြန်မာပြည်သူတွေကို စော်ကားတာဖြစ်တယ်။ ဒါဟာ မြန်မာပြည်သူတွေ ကြုံတွေ့နေရတဲ့ ချိုးဖောက်မှုတွေမှာ ပါဝင်ပတ်သက်တာတွေဖြစ်တယ်လို့ ပြန်ပြောင်းပြောဆိုခဲ့ တာရှိပါ တယ်။ မေး ။ ။ ကုလသမဂ္ဂ လူ့အခွင့်အရေး ကောင်စီကို ရောက်နေတဲ့အချိန်မှာ တခြားလူတွေက မြန်မာနိုင်ငံနဲ့ပတ်သက်ပြီး ပြောတာ ဘာတွေ သတိထားမိလဲ။ ဖြေ ။ ။ တချို့နိုင်ငံတွေဆိုရင် မေးခွန်းတွေမေးတယ်။ မြန်မာနိုင်ငံမှာ ငြိမ်းချမ်းရေးနဲ့ ပြန်လည်ထူထောင်ရေး ဘယ်လို လုပ်သင့်လဲဆိုတဲ့ မေးခွန်းတွေကို မေးကြတယ်။ ကျမတို့က မြန်မာနိုင်ငံမှာကြုံနေရတဲ့ ဖြစ်ရပ်တွေက အခုမှအသစ် မဟုတ်ဘူး။ နှစ်ပေါင်းများစွာကြုံနေခဲ့ရတာဖြစ်သလို အဖြေကလည်း ကျမတို့ပြည်သူတွေမှာပဲရှိတယ်။ ဒီအဖြေကို ကျမတို့ ဆက်တိုက်ပြောဆိုခဲ့ကြတယ်။ ဒီအဖြေတွေကို တစိုက်မတ်မတ်နားမထောင်ဘဲနဲ့ လက်တဆုပ်စာလူတွေရဲ့ ခေါင်းဆောင် တချို့ရဲ့ အဖြေလောက်ပဲ နားထောင်ပြီး မြန်မာ့အနာဂတ်ကို ဆုံးဖြတ်နေတာတွေ ရပ်တန့်ဖို့လိုပြီပေါ့။ ဖက်ဒရယ်ဒီမိုကရေစီကို မြေပြင်ကနေ တည်ဆောက်ရတာဖြစ်တော့ ပြည်သူတွေရဲ့ အသံတွေ ဒိုင်ယာလော့တွေကို များများနားထောင်ရမယ်။ များများအားပေးရမယ်။ အမျိုးသမီးတွေ လူငယ်တွေ LGBT တွေရဲ့ အသံတွေကို ဗဟိုပြုရမယ်။ ဒါမှသာလျှင် ရေရှည်တည်တံ့တဲ့ငြိမ်းချမ်းရေးကိုရမှာဆိုတာမျိုး တုံ့ပြန်ပြောဆိုခဲ့တာရှိပါတယ်။ မေး ။ ။ လူ့အခွင့်အရေးချိုးဖောက်မှုတွေ တင်ပြခဲ့တဲ့အပေါ် ဘယ်လိုအပြောင်းအလဲတွေကို မျှော်မှန်းထားလဲ။ ဖြေ ။ ။ မြန်မာ့အရေးက အခုကဆိုရင် ၆နှစ်ထဲဝင်ပြီ။ ရိုဟင်ဂျာအရေးဆိုရင် ၁၀ နှစ်ထဲဝင်ပြီပေါ့။ ဒီအပေါ်မှာ သူတို့ရဲ့ စိုးရိမ်ပူပန်မှုနဲ့ စိတ်ဝင်စားမှုကိုတော့ ထပ်ပြီးမြင်ရပါတယ်။ အင်အားကြီးနိုင်ငံတွေနဲ့ ကြွယ်ဝချမ်းသာတဲ့ နိုင်ငံတွေအနေနဲ့ မြန်မာပြည်သူတွေကို လူ့အခွင့်အရေး လူသားချင်းစာနာမှုအကူအညီတွေ ပံ့ပိုးပေးဖို့ပေါ့။ အဲဒီလိုပံ့ပိုးတဲ့အခါမှာလည်း တကယ့်ပြည်သူတွေ လက်ထဲရောက်နိုင်အောင် စစ်အုပ်စုလက်ထဲက တဆင့်မဟုတ်ဘဲနဲ့ တကယ့်ပြည်သူတွေဆီ တိုက်ရိုက်ရောက်နိုင်အောင် အရပ်ဖက်အဖွဲ့အစည်းတွေကတဆင့် ပေးဖို့ဆိုတာတွေ တောင်းဆိုခဲ့တာပေါ့။ ဒါတွေကတော့ လက်တွေ့မြင်ချင်တဲ့ လက်ငင်းမြင်လို့ရတဲ့ အပြောင်းအလဲလို့ပြောလို့ရတာပေါ့။ မေး ။ ။ ဆွေးနွေးတင်ပြခဲ့တဲ့အပေါ် အားရကျေနပ်မှုရှိလား။ ဘာတွေလိုအပ်ချက်ရှိလဲ။ မြန်မာနိုင်ငံရဲ့ လက်ရှိ အခြေအနေကို အဆုံးသတ်နိုင်ဖို့ UN အနေနဲ့ ဘာတွေလုပ်ပေးဖို့လိုလဲ။ ဖြေ ။ ။ မြန်မာပြည်သူတွေအပေါ်မှာ လူ့အခွင့်အရေးချိုးဖောက်မှုတွေ မရပ်တန့်နိုင်သရွေ့ ၊ ကျူးလွန်တဲ့သူတွေကို အရေးမယူနိုင်သရွေ့ ကျမတို့ဆွေးနွေးမှုတွေကို အားရတယ်မရှိဘူးပေါ့နော်။ UN မှာတော့ ဒီမိုကရေစီလူ့အခွင့်အရေးကို လေးစားလိုက်နာတဲ့နိုင်ငံတွေကတော့ သူတို့တွေရဲ့ တရားမျှတမှုနဲ့ လူ့အခွင့်အရေး ရပ်တည်မှုတွေကို ထပ်ပြီးကြားရတဲ့ အပေါ်မှာ အားရမှုရှိတယ်။ တဖက်မှာလည်း ကျမတို့ အိမ်နီးချင်းနိုင်ငံတွေဖြစ်တဲ့ တရုတ်အပါအဝင် အာဆီယံဒေသတွင်းနိုင်ငံတွေဟာ ပြည်သူတွေရဲ့ အသံတွေကို မသိကျိုးကျွံပြုပြီးတော့ စစ်အုပ်စုဘက်ကို အလေးသာပြောဆိုတဲ့အပေါ်မှာတော့ ပိုပြီးတော့ စိတ်ထိခိုက်ရ တယ်။ ဒါကတော့ အိမ်နီးချင်းနိုင်ငံတွေမှာ ပြုပြင်ပြောင်းလဲလို့မရတဲ့ ကိစ္စလိုဖြစ်နေတယ်။ UN မှာ အထူးသဖြင့် စစ်အုပ်စုကျူးလွန်တဲ့ စစ်ရာဇဝတ်မှုတွေနဲ့ ဂျီနိုဆိုက်အပါအဝင် လူသားမျိုးနွယ် အပေါ်ကျူးလွန်တဲ့ ပြစ်မှုတွေအပေါ်မှာ အရေးယူနိုင်ဖို့ ICC ကို လွှဲပြောင်းပေးဖို့ကိစ္စတွေကို အထူး အလေးပေးတိုက်တွန်းတာဖြစ်တော့ အဲဒီလိုတွေဖြစ်လာဖို့ကို ကျမတို့အထူး မျှော်လင့်တယ်။ Website တွင် ဖတ်ရန် https://burma.irrawaddy.com/opinion/interview/2026/09/09/416142.html 2.6K·Sep 9

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 09/09/2026 · v0.2.0 · 3cfcec1

Privacy Terms DMCA & complaints Report a violation

Similar channels

RFA Burmese45.5K subscribers

People's Spring60K subscribers

သတင်းမှန် ဖိုးစီ113.8K subscribers

Myanmar Now49.6K subscribers

VOA Burmese36.2K subscribers

Hlaing Info49.4K subscribers

စစ်ခွေးသင်္ချိုင်း67.8K subscribers

Mizzima49.4K subscribers