Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

The Irrawaddy - Burmese: post #66740 — TG.ME

The Irrawaddy - Burmese@theirrawaddy · 76.6K subscribers Open in TelegramOpen

t.me/theirrawaddy/66740

12

1

September 7, 2026 2.7K 2

More from this channel

မြန်မာ့အရေး ICC ကို လွှဲပေးဖို့ ကုလ လူ့အခွင့်အရေး အကြီးအကဲ တိုက်တွန်း ဧရာဝတီ၊ စက်တင်ဘာ ၈၊ ၂၀၂၆ မြန်မာနိုင်ငံ၏ ဆိုးရွားလာသော လူ့အခွင့်အရေး အကျပ်အတည်းကို ဖြေရှင်းရန် နိုင်ငံတကာ ကြိုးပမ်းမှုများ မအောင်မြင်ခဲ့သဖြင့် အဖွဲ့ဝင်နိုင်ငံများအနေဖြင့် မြန်မာ့အရေးကို အပြည်ပြည်ဆိုင်ရာ ရာဇဝတ်ခုံရုံး (ICC) သို့ လွှဲပြောင်းပေးရန် ဂျနီဗာမြို့၌ ကျင်းပနေသည့် (၆၃) ကြိမ်မြောက် ကုလသမဂ္ဂ လူ့အခွင့်အရေး ကောင်စီညီလာခံ၌ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး ဗော်လ်ကာ တာခ် (Volker Turk) က တိုက်တွန်းလိုက်သည်။ ထို့ပြင် နိုင်ငံတကာ လူ့အခွင့်အရေးနှင့် လူသားချင်းစာနာထောက်ထားမှုဆိုင်ရာ ဥပဒေများ ချိုးဖောက်ရာတွင် အသုံးပြုနိုင်ခြေရှိသော လက်နက်၊ ခဲယမ်း၊ လေယာဉ်ဆီနှင့် စစ်ဘက်ပစ္စည်း တင်ပို့ရောင်းချမှုများကို ရပ်တန့်ကြရန်လည်း တောင်းဆိုခဲ့သည်။ ၂၀၂၅ ဇူလိုင် ၁ ရက်မှ ၂၀၂၆ ဇွန်လ ၃၀ ရက်ထိ အစီရင်ခံစာ ကာလအတွင်း အပြစ်မဲ့ အရပ်သား ၁,၂၀၀ ကျော် သေဆုံးခဲ့ရကြောင်း ခိုင်လုံသော သတင်းရင်းမြစ်များဖြင့် အတည်ပြုထားပြီး၊ သတင်းရင်းမြစ်တချို့အဆိုအရ အမှန်တကယ် သေဆုံးသူ အရေအတွက်မှာ ၃,၀၀၀ ကျော်အထိ ရှိနိုင်ကြောင်း၊ အရပ်သား သေဆုံးမှု၏ အဓိက အကြောင်းအရင်းမှာ လေကြောင်း တိုက်ခိုက်မှုကြောင့် ဖြစ်ကြောင်း ၎င်းက ပြောသည်။ ရခိုင်ပြည်နယ်ရှိ ရိုဟင်ဂျာများ၏ အခြေအနေသည် အလွန်ဆိုးရွားနေကြောင်း၊ စစ်တပ်နှင့် အာရက္ခတပ်တော် (AA) နှစ်ဖက်စလုံး၏ မတရားဖမ်းဆီးမှု၊ ညှင်းပန်းနှိပ်စက်မှု၊ လိင်ပိုင်းဆိုင်ရာနှင့် ဂျန်ဒါအခြေပြု အကြမ်းဖက်မှု၊ အတင်းအဓမ္မ ပျောက်ကွယ်စေမှု၊ အဓမ္မ လုပ်အားပေးခိုင်းစေမှု၊ အဓမ္မ စစ်သားစုဆောင်းမှုများ ခံနေရကြောင်းလည်း ဆိုသည်။ အာဏာသိမ်းအစိုးရသည် နိုင်ငံတကာဥပဒေအရ လိုက်နာရမည့် တာဝန်များအား လိုက်နာဆောင်ရွက်ခြင်း မရှိဘဲ ပုံမှန်ဆက်ဆံရေး ထူထောင်နိုင်ရေး ကြိုးပမ်းနေကြောင်း ၎င်းက ထောက်ပြသည်။ "မြန်မာပြည်သူတွေရဲ့ ဒီမိုကရေစီ၊ တရားမျှတမှုနဲ့ လူ့အခွင့်အရေး တောင်းဆိုမှုတွေမှာ နိုင်ငံအားလုံးအနေနဲ့ နိုင်ငံရေးအရရော ဘဏ္ဍာရေးအရပါ ကူညီပံ့ပိုးပေးကြဖို့ တောင်းဆိုပါတယ်" ဟု ၎င်းက ပြောသည်။ မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှု ယန္တရား (IIMM) ၏ အကြီးအကဲ Nicholas Koumjian ကလည်း စစ်အုပ်စုသည် နိုင်ငံတကာ ရာဇဝတ်မှုများကို ကြိမ်ဖန်များစွာနှင့် ပိုမို ပြင်းထန်စွာ ကျူးလွန်နေကြောင်း ကုလသမဂ္ဂ လူ့အခွင့်အရေး ကောင်စီသို့ တင်ပြခဲ့သည်။ စုံစမ်းစစ်ဆေးသူများအနေဖြင့် လေကြောင်းမှ တိုက်ခိုက်မှုများတွင် ပါဝင်သည့် စစ်တပ်တပ်ရင်းများနှင့် ၎င်းတို့ စတင်ပျံသန်းရာ လေတပ်စခန်းများကို ဖော်ထုတ်နိုင်ခဲ့ကြောင်း၊ ထို့ပြင် ပထမအကြိမ် တိုက်ခိုက်ပြီးနောက် ကူညီကယ်ဆယ်ရေး ဆောင်ရွက်သူများနှင့် ဒဏ်ရာရရှိသူများအား ကူညီပေးနေသူများကိုပါ ဒုတိယအကြိမ် ထပ်မံတိုက်ခိုက်သည့် "double-tap" လေကြောင်းတိုက်ခိုက်မှုများ ပိုမိုများပြားလာသည်ကိုလည်း အထောက်အထား ကောက်ယူနိုင်ခဲ့ကြောင်း ၎င်းက ပြောသည်။ အစုလိုက်အပြုံလိုက် မျိုးတုံးသတ်ဖြတ်မှုဆိုင်ရာ သဘောတူစာချုပ် (Genocide Convention) အရ မြန်မာနိုင်ငံ၏ လိုက်နာရမည့် တာဝန်များနှင့် ပတ်သက်၍ အပြည်ပြည်ဆိုင်ရာ တရားရုံး (ICJ) က ယခုနှစ်စပိုင်းတွင် ကြားနာပွဲများ ပြုလုပ်ခဲ့ကြောင်းနှင့် အဆိုပါ အမှုအတွက် တရားသူကြီးများထံ တင်သွင်းခဲ့သည့် အထောက်အထား အများအပြားကို IIMM အနေဖြင့် ထောက်ပံ့ပေးခဲ့ကြောင်းလည်း ၎င်းက ထည့်သွင်းပြောသည်။ #WhatsHappeningInMyanmar #RejectMilitaryCoup 1.4K·Sep 8

[media post] 1.3K·Sep 8 ထိုင်းနိုင်ငံတွင် လိင်တံကြီးထွားဆေး ထိုးခဲ့သူ Influencer တဦး သေဆုံးသွားခဲ့ ဧရာဝတီ၊ စက်တင်ဘာ ၈၊ ၂၀၂၆။ ထိုင်းနိုင်ငံ၊ ဘန်ကောက်မြို့တွင် လိင်တံကြီးထွားအောင် ပြုလုပ်သည့် ဆေးကုသမှု ခံယူအပြီးတွင် ဆေးဘေးထွက်ဆိုးကျိုးကြောင့် ဗြိတိသျှ-နိုင်ဂျီးရီးယား နွယ်ဖွား အွန်လိုင်း Influencer တဦး သေဆုံးသွားခဲ့သည်။ The SunNigeria ဝဘ်ဆိုက်၏ ဖော်ပြချက်အရ Ego ဟု လူသိများသည့် အီဂို "တိုင်နီ" ယူဘီရီဘို (Igho “Tiny” Ubiribo) သည် လိဒိုကိန်း (lidocaine) နှင့် ဟိုင်ယာလူရိုးနစ် အက်ဆစ် (hyaluronic acid) ၄၀ မီလီလီတာ ထိုးနှံသည့် ကုသမှု ခံယူပြီးနောက် မတ်လအတွင်း ထိုင်းနိုင်ငံ၌ သေဆုံးခဲ့ခြင်းဖြစ်ကြောင်း လန်ဒန်မြို့တွင် ကျင်းပခဲ့သည့် သေမှုသေခင်း စုံစမ်းစစ်ဆေးပွဲတွင် လွန်ခဲ့သည့်လက ထွက်ဆိုခဲ့ကြသည်။ ယူဘီရီဘိုသည် ဆေးကုသမှု ခံယူပြီး မကြာမီ ၎င်း၏ ဇနီးဖြစ်သူ ဒန်နီယဲလ် ဆင်ဘာ အဲလင်း (Danielle Simba Allen) ထံမှ အနှိပ်ခံနေစဉ် ရင်ဘတ်အောင့်လာပြီး နှစ်ကြိမ်တိုင်တိုင် သတိလစ် လဲကျသွားခဲ့ကြောင်း သိရသည်။ ၎င်းကို ဆူခွန်ဗစ် ဆေးရုံသို့ အရေးပေါ် ကားဖြင့် ပို့ဆောင်ခဲ့ရာ ဆရာဝန်များက အဆုတ်သို့ သွေးစီးဆင်းမှုကို ပိတ်ဆို့နေသည့် သွေးခဲတခုကို တွေ့ရှိခဲ့ကြသည်။ စီတီစကင်န် (CT scan) ရိုက်ရန် အကြံပြုခဲ့သော်လည်း မရိုက်မီ ယူဘီရီဘိုသည် အသိစိတ် ပျောက်ကွယ်သွားခဲ့သည်။ ထို့နောက် ဆေးဘက်ဆိုင်ရာ ဝန်ထမ်းများက မိနစ် ၁၀၀ ခန့် ပြန်လည် အသက်ရှူနိုင်အောင် ကြိုးပမ်းခဲ့သော်လည်း မတ်လ ၆ ရက် နံနက်စောစောပိုင်းတွင် သေဆုံးသွားခဲ့ပြီဖြစ်ကြောင်း ကြေညာခဲ့ရသည်။ ယူကေတွင် ပြုလုပ်ခဲ့သည့် ရောဂါဗေဒဆိုင်ရာ ရုပ်အလောင်း စစ်ဆေးချက်အရ ၎င်း၏ အဆုတ်အတွင်း ဟိုင်ယာလူရိုးနစ် အက်ဆစ်နှင့် ဆင်တူသော ဆဲလ်ဒြပ်ဝတ္ထုများကို တွေ့ရှိခဲ့သည်။ ဤတွေ့ရှိချက်များသည် ဆေးထိုးနှံမှုကြောင့် သွေးခဲ ဖြစ်ပေါ်လာရခြင်းဖြစ်သည်ဆိုသည့် ကောက်ချက်ကို အထောက်အကူပြုခဲ့သည်။ သေမှုသေခင်း စုံစမ်းစစ်ဆေးသူက လိင်တံအတွင်း ဟိုင်ယာလူရိုးနစ် အက်ဆစ် ထိုးနှံအပြီး အဆုတ်သွေးကြော ပိတ်ဆို့မှု (pulmonary embolism) ကြောင့် သေဆုံးရခြင်းဖြစ်ကြောင်း မှတ်တမ်းတင်ခဲ့ပြီး ယူဘီရီဘိုသည် "ပြည်ပတွင် အလှအပဆိုင်ရာ ကုသမှု ခံယူခြင်း၏ ရလဒ်ကြောင့်" သေဆုံးခဲ့ရခြင်းဖြစ်သည်ဟု ကောက်ချက်ချခဲ့သည်။ Daily Mail သတင်းစာ၏ ဖော်ပြချက်အရ Instagram တွင် ဖော်လိုဝါ ၁၈၅,၀၀၀ ခန့် ရှိသည့် ယူဘီရီဘိုကို မေလအတွင်းက လန်ဒန်မြို့တွင် သင်္ဂြိုဟ်ခဲ့ကြောင်း သိရသည်။ ကိုးကား။ ။ Bangkok Post သတင်း Influencer died after penis enlargement procedure in Thailand 1.8K·Sep 8

[media post] 1.6K·Sep 8 မင်းအောင်လှိုင် ကြံ့ခိုင်ရေးပါတီ ဥက္ကဋ္ဌ ဖြစ်လာမလား (ရုပ်/သံ) ဧရာဝတီ၊ စက်တင်ဘာ ၈၊ ၂၀၂၆ ရွေးကောက်ပွဲအနိုင်ရ USDP ၏ ဥက္ကဋ္ဌ ဖြစ်နေသည့်တိုင် ဦးခင်ရီသည် သမ္မတရာထူးကို မင်းအောင်လှိုင်ထံ လွှဲပြောင်းပေးခဲ့ရသည်။ စစ်ဗိုလ်ချုပ်များက ထိုရလဒ်ကို ကြိုးကိုင်ဖန်တီးခဲ့ကြသဖြင့် ၎င်းကို သမ္မတရာထူးအစား ပြည်သူ့လွှတ်တော်ဥက္ကဋ္ဌ နေရာ၌သာ အဆုံးသတ်စေခဲ့သည်။ USDP ဝန်ကြီးများသည် အစိုးရဌာနအချို့ကို ကိုင်တွယ်ထားသော်လည်း အာဏာအရှိဆုံးဖြစ်သည့် နိုင်ငံခြားရေး၊ သမ္မတရုံး၊ ဘဏ္ဍာရေးနှင့် ရင်းနှီးမြှုပ်နှံမှု ဝန်ကြီးဌာနများကို ဦးစီးခွင့် မရကြပေ။ ဤမမျှတမှုကို မည်သူက နောက်ကွယ်မှ ကြိုးဆွဲနေသည်ကို သိရှိထားကြသဖြင့် ပါတီအနေဖြင့် ပွင့်ပွင့်လင်းလင်း ဝေဖန်ရန် မဝံ့ရဲကြပေ။ USDP တွင် ဝါရင့်ပုဂ္ဂိုလ်များ ကျန်ရှိနေသေးသော်လည်း မင်းအောင်လှိုင်၏ အာဏာချုပ်ကိုင်မှုကြောင့် သူတို့ ဒူးထောက်ထားကြရသည်။ ၎င်း၏ လွှမ်းမိုးမှုသည် ဝါစဉ်ကို မငြင်းဆန်ဘဲ သစ္စာခံများကို ထိပ်ပိုင်းရာထူးများ၌ နေရာချနိုင်စေခဲ့ကြောင်း လေ့လာသူများက သုံးသပ်ကြသည်။ https://youtu.be/nanYBp9vIcU #မြန်မာ #ဧရာဝတီ #ကြံ့ခိုင်ရေးပါတီ #ဦးခင်ရီ #မင်းအောင်လှိုင် #USDP #WhatsHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation 1.9K·Sep 8

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 09/05/2026 · v0.2.0 · cd00242

Privacy Terms DMCA & complaints Report a violation

Similar channels

RFA Burmese45.5K subscribers

People's Spring60K subscribers

သတင်းမှန် ဖိုးစီ113.8K subscribers

Myanmar Now49.6K subscribers

VOA Burmese36.2K subscribers

Hlaing Info49.4K subscribers

စစ်ခွေးသင်္ချိုင်း67.9K subscribers

Mizzima49.5K subscribers