Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

The Irrawaddy - Burmese: post #66650 — TG.ME

The Irrawaddy - Burmese@theirrawaddy · 76.7K subscribers Open in TelegramOpen

t.me/theirrawaddy/66650

20

2

1

September 5, 2026 1.4K 2

More from this channel

ဖြေဆိုသူ ၄၀ ရာခိုင်နှုန်းခန့်သည် အဓိက တော်လှန်ရေး ခေါင်းဆောင်မှု အဖွဲ့အစည်းများအပေါ် ယုံကြည်မှု မြင့်မား သို့မဟုတ် အလွန်မြင့်မားကြောင်း ဖော်ပြကြပြီး၊ ထက်ဝက်နီးပါး (၄၈ ရာခိုင်နှုန်း) က ဒွိဟဖြစ်ဖွယ် သို့မဟုတ် မရေရာသော ယုံကြည်မှုကို ဖော်ပြကြကာ ၁၂ ရာခိုင်နှုန်းကသာ ယုံကြည်မှု နည်းပါး သို့မဟုတ် လုံးဝ မရှိဟု ဆိုကြသည်။ အခြားတဖက်တွင်မူ ခေါင်းဆောင်မှု၏ တရားဝင်မှု လုံးဝပြိုလဲသွားခြင်း မရှိသလို အကန့်အသတ်မရှိ ယုံကြည်နေခြင်းလည်း မဟုတ်ပေ။ ဖြေဆိုသူများသည် တဖက်တွင် တော်လှန်ရေး ခေါင်းဆောင်မှု အဖွဲ့အစည်းများ၏ တရားဝင်မှုနှင့် ရည်ရွယ်ချက်ကို လည်းကောင်း၊ အခြားတဖက်တွင် ၎င်းတို့၏ လက်တွေ့ စွမ်းဆောင်ရည်ကို လည်းကောင်း ခွဲခြားရှုမြင်ကြပုံရသည်။ ၎င်းတို့သည် အဖွဲ့အစည်းများကို အခြေခံအားဖြင့် လက်ခံကြသော်လည်း ရလဒ်ထွက်ပေါ်အောင် မည်မျှ ထိရောက်စွာ လုပ်ဆောင်နိုင်သနည်းဆိုသည့် အချက်အပေါ် ဝေဖန်ကြသည်။ တော်လှန်ရေး ခေါင်းဆောင်မှု ဖွဲ့စည်းမှုကို အခြေခံအားဖြင့် ငြင်းပယ်ခဲ့ကြပါက ယုံကြည်မှု လုံးဝမရှိသည့် ပမာဏ ပိုမိုမြင့်မားလာပြီး လက်ရှိ အဖွဲ့အစည်းများကို ဖျက်သိမ်းရန် ပိုမိုပြင်းထန်စွာ တောင်းဆိုကြလိမ့်မည် ဖြစ်သည်။ Website တွင် ဆက်လက်ဖတ်ရှုပါ - https://burma.irrawaddy.com/article/2026/09/05/416071.html 1.6K·Sep 5

၂၄ နာရီအတွင်း YouTube ပေါ်မှာ ကြည့်ရှုသူ သန်း ၇၀ ကျော်သွားတဲ့ Lisa ရဲ့ SaWaDiKa သီချင်း မနေ့ကထွက်ရှိလာခဲ့တဲ့ Black Pink အဖွဲ့၀င် Lisa ရဲ့ တကိုယ်သီချင်းအသစ်ဖြစ်တဲ့ SaWaDiKa ဟာ ပထမဆုံး ၂၄ နာရီအတွင်း YouTube ပေါ်မှာ ကြည့်ရှုသူ ၇၀.၈ သန်းရရှိသွားခဲ့ပြီး ၂၀၂၆ ခုနှစ်အတွင်း ပထမဆုံးရက် ကြည့်ရှုမှုအများဆုံး Music Video ဖြစ်လာခဲ့ပါတယ်။ ထိုင်းလူမျိုးတွေရဲ့ နှုတ်ခွန်းဆက်စကားကိုအစွဲပြုပြီး အမည်ပေးထားတဲ့ ဒီ SaWaDiKa သီချင်းမှာ Lisa ဟာ သူရဲ့ အနုပညာစွမ်းရည်တွေကို အပြည့်အ၀ချပြသွားခဲ့တာကို တွေ့ရပါတယ်။ အခုဆိုရင် SaWaDiKa ဟာ တကိုယ်တော် အနုပညာရှင်တဦးအနေနဲ့ ပထမဆုံး ၂၄ နာရီအတွင်း ဒုတိယမြောက် ကြည့်ရှုမှုအများဆုံး ဂီတဗီဒီယိုဖြစ်လာခဲ့ပြီး ပထမနေရာကိုတော့ ၇၃.၆ သန်းနဲ့ စံချိန်တင်ထားတဲ့ Lisa ရဲ့ LALISA ဂီတဗီဒီယိုကပဲ သိမ်းပိုက်ထားတာပါ။ 1.6K·Sep 5 သယံဇာတသည် ကျိန်စာမဟုတ်ဟု ခရိုနီ ဦးနေဝင်းထွန်း ပြော ဧရာဝတီ၊ စက်တင်ဘာ ၅၊ ၂၀၂၆ ပအိုဝ်းတိုင်းရင်းသား စီးပွားရေးလုပ်ငန်းရှင်တဦးဖြစ်သည့် သတ္ထုတူးဖော်ရေးလုပ်နေသော ခရိုနီ ဦးနေဝင်းထွန်းသည် စက်တင်ဘာ ၄ ရက်က တောင်ကြီးတက္ကသိုလ် ဘူမိဗေဒဌာနမှ ဆရာ၊ ဆရာမများ၊ ကျောင်းသူကျောင်းသားများအား သတ္တုတူးဖော်ရေးနှင့် စီးပွားရေးဆိုင်ရာ အသိပညာပေး ဟောပြောပွဲ ပြုလုပ်ခဲ့ပြီး သတ္တုများသည် ကျိန်စာမဟုတ်ဘဲ ရတနာဟု ပြောဆိုခဲ့သည်။ အဆိုပါဟောပြောပွဲကို တောင်ကြီးတက္ကသိုလ် ဘူမိဗေဒဌာနနှင့် ဦးနေဝင်းထွန်းပိုင် ပတ္တမြားနဂါးကုမ္ပဏီတို့ ပူးပေါင်း ကျင်းပခြင်းဖြစ်ကာ ဘူမိဗေဒကျောင်းသားများအနေဖြင့် လုပ်ငန်းခွင်များအတွင်း သင်တန်းနှင့် လက်တွေ့လာရောက်လုပ်ကိုင်ကြရန်နှင့် ပတ္တမြားနဂါး ကုမ္ပဏီသည် အခြေခံလစာ ကျပ် ၆ သိန်းဖြင့် လူဦးရေ ၇၀၀ နီးပါးကို အလုပ်ခန့်အပ်ထားကြောင်းလည်း ဆိုသည်။ ၎င်းက “တရုတ်ပြည်က လွတ်လပ်ရေးရပြီးခါစက ထမင်းတောင် ငတ်ခဲ့ကြရတဲ့ဘဝတွေ ရွာအဆင့်အစုတ်အပြတ်ပဲ၊ ဒီနေ့အချိန်မှာ မိုးမျှော်တိုက်တွေ ဖြစ်သွားပြီ၊ နှစ်လေးဆယ်အတောအတွင်းမှာ တိုးတက်ဖွံ့ဖြိုးလာတယ်၊ အဲဒါသတ္တုကြောင့်ပဲ” ဟု ပြောသည်။ မိမိတို့နိုင်ငံတွင် မြေပေါ်မြေအောက် သံယံဇာတများကို သုတေသနလုပ်ဆောင်မှု အားနည်းသလို ကျောင်းသူ ကျောင်းသားများမှာ စာတွေ့အသိသာရှိကြောင်း၊ နိုင်ငံတော်ပံ့ပိုးမှုဖြင့် သုတေသနများ လုပ်ကြရန်နှင့် ထိုသို့လုပ်ဆောင်ရန် ဘူမိဗေဒဌာနက အဓိကကျကြောင်း ၎င်းက ဆိုသည်။ “ဝမ်းနည်းစရာ ကောင်းတာက မိမိရဲ့ မြေအောက် သယံဇာတကို တမျိုးလွဲပြီး သယံဇာတ ရတနာသိုက်ကို ဖော်ထုတ်ပြီး လူ့အရင်းအမြစ်ကို ဆောင်ရွက်ပေးနိုင်မှုအားနည်းနေတာ ကျနော်တို့နိုင်ငံပဲ”ဟု ပြောသည်။ ဦးနေဝင်းထွန်သည် ပတ္တမြားနဂါး(Ruby Dragon Group of Companies) အမည်ဖြင့် ကျောက်မျက်နှင့် သတ္တုတူးဖော်ရေး လုပ်ငန်းအပါအဝင် စီးပွားရေးမျိုးစုံ လုပ်ကိုင်နေသည့် ကုမ္ပဏီကို တည်ထောင်သူနှင့် ဥက္ကဋ္ဌ ဖြစ်ပြီး ၁၉၉၀ ကျော်မှ စတင်ကာာ မိုင်းရှူး၊ မိုးကုတ်၊ ဖားကန့်ဒေသများတွင် လုပ်ကွက်ကြီးများကို ရယူကာ နည်းပညာသုံး စက်ယန္တရားကြီးများဖြင့် အကြီးအကျယ် လုပ်ကိုင်ခဲ့သူ ဖြစ်သည်။ ထို့နောက် ရှမ်းပြည်နယ် အရှေ့ ပိုင်းနှင့် တောင်ပိုင်းတို့တွင် သံသတ္တုရိုင်း နှင့် အခြား စက်မှုသတ္တုရိုင်း တူးဖော်ရေး လုပ်ငန်းများနှင့်အတူ စိုက်ပျိုးရေးခြံကြီးများ တည်ထောင်၍ နဂါးမောက်သီး၊ စတော်ဘယ်ရီနှင့် ဝိုင်စပျစ် စိုက်ပျိုးရေး လုပ်ငန်းများကို အကြီးအကျယ် လုပ်ကိုင်ခဲ့ပြီး Dragon Wine ဟု လူသိများသည့် ဝိုင်ထုတ်လုပ်ရောင်းချခဲ့သလို ဟိုတယ်နှင့် ခရီးသွားလုပ်ငန်း၊ ဘိလပ်မြေနှင့် ဆောက်လုပ်ရေး ပစ္စည်း ထုတ်လုပ်ရေး၊ သစ်တောနှင့် အပန်းဖြေစခန်း လုပ်ငန်းများအထိ တိုးချဲ့လုပ်ကိုင်ခဲ့ကြောင်း သိရသည်။ စစ်အာဏာရှင် ဗိုလ်ချုပ်မှူးကြီး သန်းရွှေလက်ထက် အစိုးရနှင့် လက်တွဲကာ ကျောက်မျက်နှင့် သတ္တုတူးဖော်ရေးလုပ်ငန်းများ တွင် ထိပ်တန်းမှ ပါဝင်ခဲ့ခြင်းကြောင့် အမေရိကန်ဘဏ္ဍာရေးဝန်ကြီးဌာန၏ ဒဏ်ခတ်ပိတ်ဆို့မှု (US Sanctions)တွင် ပါဝင်ခဲ့ပြီး ဒီမိုကရေစီအကူးအပြောင်းကာလတွင် ပိတ်ဆို့မှုများ လျှော့ချပေးခြင်းခံခဲ့ရသည်။ #WhatsHappeningInMyanmar #RejectMilitaryCoup 1.6K·Sep 5 အစ္စရေးတဦး ထိုင်း ပြည်နှင်ဒဏ်ပေး ဧရာဝတီ၊ စက်တင်ဘာ ၅၊၂၀၂၆ ထိုင်းပြည်ထဲရေးဝန်ကြီးဌာနက အစ္စရေးနိုင်ငံသား ယာကော့ဗ် အိုဟာယွန်အား အများပြည်သူ အေးချမ်းသာယာရေး နှင့် တရားဥပဒေ စိုးမိုးရေးကို ခြိမ်းခြောက်သူအဖြစ် သတ်မှတ်၍ ပြည်နှင်ဒဏ်ပေးရန် အမိန့်ထုတ်လိုက်ကြောင်း ထိုင်းသတင်းများက ဖော်ပြသည်။ စက်တင်ဘာလ ၄ ရက်က ဝန်ကြီးချုပ်နှင့် ပြည်ထဲရေးဝန်ကြီး အနုတင် ချာန်ဗီရာကူးလ် လက်မှတ်ရေးထိုးခဲ့သော ပြည်ထဲရေးဝန်ကြီးဌာန၏ အမိန့်အရ အိုဟာယွန်အား ရာဇသတ်ကြီး ဥပဒေပုဒ်မ ၃၉၂ အရ ခြိမ်းခြောက်မှုဖြင့် အပြစ်ရှိကြောင်း အမိန့်ချမှတ်ခဲ့သည့် ဆမွေ ခရိုင်တရားရုံး၏ ဒီကရီအပြီးတွင် ယခုကဲ့သို့ ဆုံးဖြတ်ချက် ထွက်ပေါ်လာခြင်းဖြစ်သည်။ ဆမွေကျွန်းရှိ တိရစ္ဆာန်ရုံပိုင်ရှင်ကို ခြိမ်းခြောက်မှုဖြင့် လွန်ခဲ့သောလက ပြစ်ဒဏ်ကျခံခဲ့ရသည့် ယာကော့ဗ် အိုဟာယွန်သည် ပြည်နှင်ဒဏ်ဆိုင်ရာ စည်းမျဉ်းသစ်များအောက်တွင် ထိုင်းနိုင်ငံမှ ထွက်ခွာရန် အမိန့်ပေးခံရသည့် ပထမဆုံးသော နိုင်ငံခြားသား ဖြစ်လာခဲ့သည်။ ၎င်းသည် တိရစ္ဆာန်ရုံပိုင်ရှင်ထံ ပုဂ္ဂိုလ်ရေးလုံခြုံမှုကို ခြိမ်းခြောက်စာများပေးပို့ခဲ့သဖြင့် နစ်နာသူမှာ ထိတ်လန့်ကြောက်ရွံ့စေခဲ့ကြောင်း၊ ထို့အတွက် တရားရုံးက ထောင် ၁ လနှင့် ဒဏ်ငွေ ဘတ် ၁၀,၀၀၀ စီရင်ခဲ့ကြောင်း၊ အပြစ်ရှိသည်ဟု ဝန်ခံသဖြင့် ပြစ်ဒဏ် တဝက်လျှော့ချကာ ထောင် ၁၅ရက်ဖြင့် ဒဏ်ငွေ ဘတ် ၅,၀၀၀ သို့ ပြောင်းလဲခဲ့ကြောင်း၊ သို့သော် ပြည်ထဲရေးဝန်ကြီးဌာနက ၎င်း၏ အပြုအမူဆောင်များသည်အများပြည်သူ၏ အေးချမ်းသာယာရေး၊ ကောင်းမွန်သော စာရိတ္တနှင့် အထွေထွေ ညီညွတ်မျှတရေးတို့အား ထိခိုက်စေသည်ဟု ဆုံးဖြတ်ခဲ့သဖြင့် ၁၉၅၆ ခုနှစ် ပြည်နှင်ဒဏ်ဆိုင် ရာ အက်ဥပဒေ (BE 2499) ပုဒ်မ ၅ အရ ၎င်းအား နိုင်ငံတော်အတွင်းမှ နှင်ထုတ်ရန် လိုအပ်လာခဲ့ခြင်းဖြစ်ကြောင်း၊ ၁၉၇၆ ခုနှစ် ပြည်နှင် ဒဏ်ဆိုင်ရာ ဝန်ကြီးချုပ်ရုံး စည်းမျဉ်းများ (BE 2519) အပိုဒ် ၄ နှင့် ပေါင်းစပ်ကျင့်သုံး၍ ပြည်ထဲရေးဝန်ကြီးသည် အိုဟာယွန်အား ထိုင်းနိုင်ငံအတွင်းမှ ပြည်နှင်ဒဏ်ပေးရန် တရားဝင် အမိန့်ထုတ်ပြန်ခဲ့သည်။ ယင်းအက်ဥပဒေ၏ ပုဒ်မ ၈ အရ အိုဟာယွန်သည် တရားဝင် အကြောင်းကြားစာ လက်ခံရရှိသည့်နေ့မှစ၍ ၇ ရက်အတွင်း ပြည်နှင်ဒဏ်အမိန့်အား ဆိုင်းငံ့ပေးပါရန် ဝန်ကြီးချုပ်ထံ အယူခံဝင်ခွင့် ရှိနေဆဲဖြစ်သည်။ ပုံစာ- ထိုင်းဝန်ကြီးချုပ် အနုတင်/ Bangkok Post 1.4K·Sep 5

[media post] 1.3K·Sep 5

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 09/05/2026 · v0.2.0 · 26a81aa

Privacy Terms DMCA & complaints Report a violation

Similar channels

RFA Burmese45.6K subscribers

People's Spring60.1K subscribers

သတင်းမှန် ဖိုးစီ114.1K subscribers

Myanmar Now49.7K subscribers

VOA Burmese36.3K subscribers

Hlaing Info49.5K subscribers

စစ်ခွေးသင်္ချိုင်း68.1K subscribers

Mizzima49.5K subscribers