«ЎЗБЕКИСТОНИМ»
Хушбўй ифор сочар чаман, гулзоринг,
Мадхингни куйлагай жилға, анхоринг,
Кўзларим қувнатар мовий осмонинг,
Таърифинг айтмоққа ожиз забоним,
Тангрим назар қилган Ўзбекистоним!
Тўрт фаслинг бахорми, серқуёш ўлкам?
Шаффоф хаволаринг тўлдирар ўпкам,
Сийратинг ўктамдир, савлатинг кўркам,
Табиат сийлаган жаннатмаконим,
Тангрим назар қилган Ўзбекистоним!
Бешигим тебратган Онамсан ўзинг,
Бошимда парвона Отамсан ўзинг,
Бунчалар сахийсан, хотамсан ўзинг,
Равнақинг йўлида берайин борим,
Тангрим назар қилган Ўзбекистоним!
Буюк аждодлардан меросимдирсан,
Кўнглим ардоғида эъзозимдирсан,
Юксакка чорлаган парвозимдирсан,
Довруғи бу олам аро достоним,
Тангрим назар қилган Ўзбекистоним!
Мехмондўст эл борми, асли бу элдек?
Сўзга нўноқроғи шеър ёзар мендек,
Ўзига бек асли, азалдан ўзбек,
Миллатим ғурурим, миллатим шоним,
Тангрим назар қилган Ўзбекистоним!
✍Абдумуталиб Эргашалиев
Улуғ айём мустақиллигимизнинг 35-йиллиги муборак бўлсин!
https://t.me/+PBE4iXYSD3NPX6fl
Ⓜ️anba: @sherlar
⭐#like_boss👇
3
3
2September 1, 2026 563 1 19
