Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

መዝሙረ ተዋህዶ: post #385 — TG.ME

መዝሙረ ተዋህዶ@mazmur21 · 3.8K subscribers Open in TelegramOpen

t.me/mazmur21/385

May 9, 2023 18.9K 17

More from this channel

ልደታ ለማርያም እንኳን ለእመቤታችን ለቅድስት ድንግል ማርያም የልደት በዓል አደረሰን!!! ንጽሕተ ንጹሐን፣ ቅድስተ ቅዱሳን፣ ከተለዩ የተለየች፣ ከተመረጡ የተመረጠች ክብርት እናታችን ቅድስት ድንግል ማርያም በከበረች ቀን ግንቦት አንድ ቀን ተወለደች፡፡ የመወለዷም ነገር እንዲህ ነው፡፡ በጥሪቃና ቴክታ የተባሉ የእግዚአብሔር ሰዎች ነበሩ፤ ባለጸጎች ቢሆንም ልጅ ግን አልነበራቸውም፡፡ ከዕለታት አንድ ቀን ቴክታ ሕልም አለመች፡፡ ለባሏም እንዲህ ስትል ነገረችው «በራእይ ነጭ ዕንቦሳ ከማሕፀኔ ስትወጣ፤ ያችም ዕንቦሳን እየወለደች እስከ ፮ ትውልድ ስትደርስ ፮ኛይቱ ጨረቃን ስትወልድ ጨረቃ ደግሞ ፀሐይን ስትወልድ አየሁ» አለችው፡፡ (ውዳሴ ማርያምና ቅዳሴ ማርያም አንድምታ ትርጓሜ) ባሏ በጥሪቃም «ራእዩስ ደግ ነው፤ የሚፈታልን የለም እንጂ» አላት፡፡ በማግሥቱ ለሕልም ፈቺ ሔዶ ነገረው፡፡ ሕልም ፈቺውም «እግዚአብሔር በምሕረቱ አይቷችኋል፤ በሣህሉ መግቧችኋል» ብሎ ፮ቱ እንስት ጥጆች መውለዳቸው ፯ ሴቶች ልጆች እንደሚወልዱ፤ ፯ኛይቱ በጨረቃ መመሰሏ ከሰው የበለጠች ከመላእክት የከበረች ደግ ፍጥረት እንደሚወለዱ፤ የፀሐይ ነገር ግን እንደንጉሥ ያለ ይሆናል አልተገለጸልኝም ብሎ ነገረው፡፡ (ነገረ ማርያም) 17.1K·May 9 ✥•••••●◉ ✞ ◉●•••••✥ ሚያዝያ 30 የቅዱስ ማርቆስ ሰማዕትነት ✥•••••●◉ ✞ ◉●•••••✥ ❖ የቅዱስ ማርቆስ አባቱ አርስጦቡሎስ የእናቱም ስም ማርያም ይባላል፤ የተወለደውም ሳይሬኔ በምትባል በሊብያ ፔንታፖሊስ ሲኾን እናቱ የዮናናውያንን፣ የሮማይስጥን፣ የዕብራይስጥን ትምህርት እንዲማር አድርጋዋለች፤ ኹለት መጠሪያ ሲኖሩት በዕብራይስጥ ዮሐንስ፤ በላቲን ማርቆስ ተብሏል ትርጒሙም “መዶሻ” ማለት ነው። 📖የሐዋ 12፥12-25፤ 📖የሐዋ 15፥37 ❖ በርበር ጥቃት ሲያደርሱ ወላጆቹ ሳይሬኔን ለቀው ወደ ፍልስጥኤም በመምጣት ለጌታችን ዐደሩ፤ የማርቆስ እናት ማርያምም ቤቷን ለሐዋርያት የወንጌል አገልግሎት የሰጠች ሲኾን ከጌታችን ዕርገት በኋላም 120 ቤተሰብ እመቤታችን ቅድስት ድንግል ማርያምን ይዘው ሲጸልዩ መንፈስ ቅዱስ ወርዶ ጸጋውን ሰጥቷቸዋል 📖የሐዋ 2፥1-4 ❖"ወንጌላዊዉ ማርቆስ በገጸ አንበሳ ይመሰላል፤ ሊቁ አባ ጊዮርጊስ ዘጋሥጫ በሰዓታቱ ላይ ✍“ዘአንበሳ ማርቆስ እስመ ከመ አንበሳ ይጥሕር አድያመ ግብጽ ዘአድመፀ እንዘ ይሰብክ ወንጌለ እስከ አጽርዐ ምሕራማተ ጣዖት” 👉የጣዖት ማምለኪያዎችን እስከ ማጥፋት ደርሶ ድረስ ወንጌልን ሲሰብክ የግብጽን አውራጆች ያነዋወጠ ማርቆስ በገጸ አንበሳ ይመሰላል እንደ አንበሳ ይጮኻልና) ይለዋል፡፡ ❖ በገጸ አንበሳ ወንጌላዊዉ ማርቆስን መመሰሉ፤ አንበሳ ኑሮው ከሰው ርቆ በምድረ በዳ ሲኾን ከዚያ ኾኖ ድምፅን ባሰማ ጊዜ እንስሳት ይገሠጻሉ አራዊት ይደነግጣሉ፤ ቅዱስ ማርቆስም ከትምህርት ምድረ በዳ በነበረችው በግብጽ 👉የሕያው እግዚአብሔር ልጅ የጌታችን የኢየሱስ ክርስቶስ ወንጌል መዠመሪያ ብሎ ባስተማረ ጊዜ ምእመናን ተገሥጸዋል አጋንንት ከሓድያን ደንግጠዋልና ✍“ናሁ አንተ ኮንከ ዕሩየ ምስለ አኃዊከ ሐዋርያት” ❖ በማግስቱም ለኹለተኛ ጊዜ ገመዶችን በአንገቱ አድርገው በአገሮቹ ኹሉ ጎትተውት በቀኑም መጨረሻ ሚያዝያ 30 በ68 ዓ.ም ነፍሱን በእግዚአብሔር እጅ ሰጥቷል፤ ከዚያም እሳት አንድደው በድኑን ለማቃጠል ከውስጡ ቢጨምሩትም በጌታችን ፈቃድ ንውጽውጽታ ጨለማ መብረቅ ነጐድጓድ ኾነ፤ ይኽነንም ባዩ ጊዜ ከሓዲዎቹ ደንግጠው ሸሽተው ኼደዋል፤ ምእመናንም መጥተው ምንም ጥፋት ያላገኘውን የቅዱስ ማርቆስን ሥጋ አግኝተው በመልካም ልብስ ገንዘው በጥሩ ቦታ አኑረውታል፡፡ 👉በላም በረት ውስጥ እንደ ወይፈን በገመድ የሳቡት ለኾነ ለማርያም ልጅ ለማርቆስ ሰላምታ ይገባል፤ ርሱን በእሳቲቱ ላንቃ (ወላፈን) ለማቃጠል በወደዱ ጊዜ ውርጭ እና ዝናብ ማዕበሏን አጠፉ፤ መብረቅም ሥጋውን ጋረዳት በማለት ተጋድሎውን እንደ ወርቅ አንከብልሎ እንደ ሸማ ጠቅልሎ ገልጾታል፡፡ ✍ሊቁ አባ ጊዮርጊስ ዘጋሥጫም በተአምኆ ቅዱሳን መጽሐፉ ላይ “ሰላም ለማርቆስ ዜናዊ ወንጌለ ጽድቅ ሰባኪ ለእለ በግብጽ ኖላዊ” ❖ ሚያዝያ 30 በግብጽ እስክንድርያ በ68 ዓ.ም. በሰማዕትነት ያረፈው ወንጌልን የጻፈው የቅዱስ ማርቆስ መቃብሩና ክቡር ዐፅሙ የሚገኝበት ቅዱስ ቦታ ይኽ በፎቶ ላይ የምታዩት ነው፤ በካይሮ መንበረ ማርቆስ ውስጥ ይገኛል፤ የግብጽ ኦርቶዶክስ አማኞች ወንድሞቻችን እኅቶቻችን የከበረ የቅዱስ ማርቆስ ዐፅሙ በሚገኝበት በዚህ ቅዱስ ስፍራ ሻማ እያበሩ ወልድ ዋሕድ የምትለውን ቅዱስ ወንጌልን በግብፅ ሰብኮ ጣዖታትን ያጠፋላቸው ለመጀመሪያ ጊዜ ያጠመቃቸው በአንበሳ የተመሰለው ቅዱስ ማርቆስ ወደ አምላኩ ክርስቶስ እንዲያማልዳቸው ዘወትር ይለምናሉ። ❖ እኔም ወንጌል ለማስተማር ግብጽ በነበርኩበት የአንድ ወር ቆይታዬ ከ72ቱ አርድዕት ወደኾነው የቅዱስ ማርቆስ ክቡር ዐፅሙ (ሰውነቱ) በክብር ባለበት መዐዛው ልቡናን ወደሚመስጠው ቦታ በየዕለቱ እየኼድኩ ስሳለምና ሻማ ሳበራ እንደ ኤልሳዕ ዐፅም የቅዱሳን ዐፅም ሙት ያነሣል በረከትን ያሰጣልና መቼም መች የማልረሳው ጊዜ ነበር፤ የቅዱስ ማርቆስ በረከት በኹላችን ዐድሮ ይኑር። ✍በመጋቤ ሐዲስ ዶ/ር ሮዳስ ታደሰ 14.2K·May 8 እሁድ፦ ዳግም ትንሣኤ ይባላል፦ "…ከመጀመሪያው ትንሣኤ ቀጥሎ ያለው የመጀመሪያው ሳምንት በስምንተኛው ቀን የምናገኘው እሁድ ዳግም ትንሣኤ ይባላል። በዚህ ዕለት ኢየሱስ ክርስቶስ ትንሣኤው ፍጹም መሆኑን ለማረጋገጥ ለሦስተኛ ጊዜ ለደቀ መዛሙርቱ ተገልጦ ሰላምን መስበኩ እና ሥልጣንን መስጠቱን በማሰብ ዕለቱ ይታሰብ፣ ይከበርበርም ዘንድ ቅድስት ቤተ ክርስቲያን ሥርዓት ሠርታለች። "…ከስምንት ቀን በኋላም ደቀ መዛሙርቱ ደግመው በውስጥ ነበሩ፥ ቶማስም ከእነርሱ ጋር ነበረ። ደጆች ተዘግተው ሳሉ ኢየሱስ መጣ፤ በመካከላቸውም ቆሞ፦ ሰላም ለእናንተ ይሁን አላቸው። ከዚያም በኋላ ቶማስን፦ ጣትህን ወደዚህ አምጣና እጆቼን እይ፤ እጅህንም አምጣና በጎኔ አግባው፤ ያመንህ እንጂ ያላመንህ አትሁን አለው። ቶማስም፦ ጌታዬ አምላኬም ብሎ መለሰለት። ኢየሱስም፦ ስለ አየኸኝ አምነሃል፤ ሳያዩ የሚያምኑ ብፁዓን ናቸው አለው። ዮሐ 20፥ 26-29። "…ይህ ዕለት እንደ ሐዋርያው ቶማስ ላሉ ትንሣኤውን ለተጠራጠሩ ሰዎች የተወጋውን ጎኑን ተመልክተው እና ደስሰው በእውነት የተነሣው ጌታ እሱ መሆኑን በእርግጠኝነት ያመኑበት ዕለት ነው። የዛሬው እሁድ የዕለተ ትንሣኤ ስምንተኛ ቀን አግብዖተ ግብር ዳግም ትንሣኤም ይባላል። “እኔ ላደርገው የሰጠኸኝን ሥራ ፈጽሜ በምድር አከበርሁህ፤” ዮሐ 17፥4 ብሎ በሐዋርያቱ ፊት ለመጨረሻ ጊዜ ከእርገቱ በፊት በቅዱስ ወንጌል ያልተጻፉ ድንቆችን ያደረገበትም እለት ነው።“ኢየሱስም በዚህ መጽሐፍ ያልተጻፈ ሌላ ብዙ ምልክት በደቀ መዛሙርቱ ፊት አደረገ፤” ዮሐ 20፥30 ክርስቶስ ተንሥአ እሙታን በዐቢይ ኀይል ወሥልጣን አሰሮ ለሰይጣን አግአዞ ለአዳም ሰላም እምይእዜሰ ኮነ ፍሥሐ ወሰላም። 12.5K·Apr 23 #እግዚእነ ኢየሱስ ክርስቶስ በጌቴ ሴማኒ በአትክልቱ ቦታ ሳለ ጸሐፍት ፉሪሳውያን በአይሁድ ሸንጎ ውሳኔ መሠረት ኢየሱስ ክርስቶስ ያለበትን ለጠቆመ ወሮታ እንከፍላለን ባሉት መሠረት ከዳተኛው ይሁዳ በዚህ ምሴተ ሐሙስ የካህናት አለቆችንና ፈሪሳውያንን እንዲሁም ኢየሱስን ለመያዝ የተመደቡት የሮማ ቄሳር ወታደሮችን በመምራት ኢየሱስ በጸሎት ከሚያሳልፍበት ከጌቴ ሴማኒ ይዟቸው እየመጣ ነው ። እግዚእነ ኢየሱስም ሁሉን አዋቂ አምላክ ነውና ይሁዳ የሮማ ቄሳር ወታደሮችንና ፈሪሳውያንን እየመራ ሊያሲዘው እየመጣ መሆኑን ለደቀ መዛሙርቱ " ገናም ሲናገራሳቸው እነሆም ቆመጥ የያዙ የሮማ ቄሳር ወታደሮች ወደ አትክልት ስፍራ ገቡ። ይሁዳም ከፈሪሳውያን ጋር በተነጋገረው የያዙት ምልክት መሠረት ሊስመው ወደ ኢየሱስ ቀረበ ፣ ኢየሱስም በመሳም አሳልፈህ ልትሰጠኝ መጣህን?? አለው ። የሮማ ቄሳር ወታደሮችም እግዚእነ ኢየሱስን ያዙት። #ሰባተኛው ሰዓት ሌሊት ሲሆን የአይሁድ የሃይማኖት መሪዎችና ፈሪሳውያን ኢየሱስ እንደተያዘ እንደተያዘ ወደ ተሻረው የአይሁድ ሊቀ ካህናት እንዲወሰድ የያዙትን የሮማ ቄሳር ወታደሮችን መከሩ ። የአይሁድ ካህናት ተንኮል የረቀቀ ነበር ። በዚህን ወቅት በሕጋቸው በማይፈቀድ ሁኔታ ሁለት ሊቃነ ካህናት ነበራቸው፣ አንዱ የይስሙላ ሲሆን በሕግ ግን የተሻረ ነበር ። ከሥልጣኑ የተሻረው ሊቀ ካህናት ሐና ይባላል ። ይህ የተሻረው ሊቀ ካህናት ሌሊትም እሠራለሁ ባይ ነበርና አይሁድ ሆን ብለው ውሳኔ መስጠት ወደ ማይችለው ሊቀ ካህናት ዘንድ ኢየሱስን አስወሰዱት። (ዮሐ.18:23፤ማቴ.27:26) ሐናም ይሄን ጉዳይ እኔ ማየት አልችልም ብሎ ወደ ሊቀ ካህናቱ ቀያፋ መራው ። #ይሁንና የአይሁድ ሸንጓቸው ሥራ የሚጀምረው ሲነጋ ጠዋት ከቤተ መቅደሱ ፊት ለፊት ባለው አደባባይ ላይ ሆኖ በሊቀ ካህናቱ ቀያፋ እየተመራ ስለሚካሄድ የሮማ ቄሳር ወታደሮች ኢየሱስን ወደየት መውሰድ እንዳለባቸው ባለማወቃቸው ኢየሱስ ክርስቶስን ሊያንገላቱት ሆነ ። 12.1K·Apr 13 #ምሴተ_ሐሙስ #ምሴተ_ሐሙስ ማለት ሐሙስ ምሽት ማለት ነው፣ ምሴተ ሐሙስ ለጸሎት ሐሙስ ጥንታዊ ስያሜው ነው ። ይህንን የምሴተ ሐሙስ ዕለትና ግዜ ሊቃውንት እንደየ ድርጊቱ ክንዋኔው ፣ ቅደም ተከተልና ይዘት ልዩ ልዩ ስም ይሰጡታል ። ጸሎተ ሐሙስ፣ የምሥጢር ቀን ፣ ሕጽበተ ሐሙስ ፣ የሐዲስ ኪዳን ሐሙስ ይሉታል ። ሊቃውንቱ በነዚህ ስያሜዎች በቂ ትምህርት አስተምረውበታል ፣ ጽሑፍም ጽፈውበታል ። #እኔ ግን የምሴተ ሐሙስ ጥንታዊ ስያሜ ላይ በማተኮር የሚከተለውን ጽፌአለሁ ። #የምሴተ ሐሙስ የስያሜው መሠረት ሁለት ዓይነት ነው ፣ አንድኛው ትንቢት በእንተ ክርስቶስ በሚለው ውስጥ የሚነገረውን ትንቢታዊ አቆጣጠርን ተከትሎ የሚመጣ መጠርያ ሲሆን ፣ ሁለተኛው ደግሞ የአይሁድን ፋሲካ አከባበር ተከትሎ የመጣ ስያሜ ነው። #ሐሙስ ማለት በግእዝ ቋንቋ አምስተኛ ማለት ነው ። ከዕለተ እሑድ ጀምረው ቢቆጥሩት አምስተኛ ቀን ነውና ። ይህም አቆጣጠር በትንቢትም በዕለት አቆጣጠርም ከአዳም ጀምሮ ይታወቃል ። በመጽሐፈ ቀሌምንጦስ እንደተጻፈው እግዚአብሔር የአዳምን በንስሐ መመለስ ተመልክቶ “በሐሙስ ዕለት ወበመንፈቃ ለዕለት እትወለድ እምወለተ ወለትከ ወእትቤዝወከ " ከአምስት ቀን ተኩል በኋላ ከልጅ ልጅህ ተወልጄ አድንሃለሁ " ብሎታል ። ከአምስት ቀን ተኩል በኋላ አድንሃለሁ ሲለው በመጽሐፍ ቅዱስ የትንቢቱ አቆጣጠር ከ5500 ዘመን በኋላ ነገረ ድኅነት ለአዳም ዘር ሁሉ ይፈጸማል ማለት ነው ፣ ይሁንና የመጽሐፍ ቅዱስ ትንቢታዊና ምሥጢራዊ አፈታቱ እንዳለ ሆኖ በሐሙስ ዕለት ወበመንፈቃ ለዕለት ሲል ዝርዝር የዕለት አቆጣጠሩና ንባባዊ ፍቺው በአምስት ቀን ተኩል ማለት ነው ፤ ይህ ማለት ደግሞ አምስተኛውን ቀን ሐሙስን ይዞ ወደ ዐርብ የሚሄደውን ምሽት ወይም ምሴት4 ይመለከታል። #በሰሙነ ሕማማት ሐሙስ ለዐርብ በዋዜማው አመሻሽ ላይ የፋሲካው መስዋዕት ሥርዐት የሚታወጅበት ጊዜ ስለሆነ ዕለቱ ምሴተ ሐሙስ ተብሏል። በዚህ አመሻሽ ላይ በአንደኛው ሰዓተ ሌሊት ኢየሱስ ክርስቶስ የደቀ መዛሙርቱን እግር አጥቧል ፤ በዚህ ምክንያት ሊቃውንት ዕለቱን #ሕጽበተ እግር ይሉታል ። (ዮሐ.13:1-17) በሕጽበተ እግር ሥርዐት እግዚእነ ኢየሱስ "አምላክም መምህርም " መሆኑን በተግባር ለሐዋርያቱ አሳይቷል ። በርግጥ እግርን ማጠብ በእስራኤል ባህል የአገልጋይነት መገለጫ ነበር ፤ እርሱ ግን የትልቅነት መታወቅያ አደረገው ። ኢየሱስ ክርስቶስ ይህን ያደረገበት ምክንያት በደቀ መዛሙርቱ መካከል "እኔ እበልጥ እኔ እበልጥ" የሚል ፉክክር እየጎላ መምጣቱን ስላየ ትልቅ የሚባል ባለማዕረግ ሰው ዝቅ ብሎ እግር እስከ ማጠብ ድረስ ደርሶ ማገልገል የሚችል አገልጋይ ነው ሲል እግራቸውን አጠበ ፤ እግርን የሚያጥብ ባለሥልጣን ነው ለማለት የደቀ መዛሙርቱን እግር አጥቦ ምሳሌ ኾናቸው ፣ እነርሱም በተግባር እንዳስተማራቸው ስላመኑና ስለገባቸው "እግዚእነ ወሊቅነ" "ጌታችንም መምህራችንም" ብለው መስክረውለታል። ኢየሱስ ክርስቶስን የምናመልክና በሐዋርያት ትምህርት የተመሠረትን ክርስቲያኖች በተለይ በሰሙነ ሕማማት ሐሙስ ፣ ሕጽበተ እግርን ስናስታውስ ኢየሱስ ክርስቶስ "ጌታም መምህርም" ተብሎ መጠራት እንደሚገባው እናውቃለን፣ እንመሰክራለንም። #ይሁንና ከሕጽበተ እግር ጋር ተያይዞ የተከናወነው መርሐ ግብር የአይሁድን የፋሲካ አከባበር መነሻ ያደረገ ነገር ግን ሐዲስ ሥርዐት ነበር ፤ የአይሁድን ፋሲካ ለማክበር የሚደረገው የፋሲካው እራት ሕዝበ እስራኤል ከግብጽ ባርነት የወጡበትን ዕለት ለማዘከር በየዓመቱ ኒሳን/ሚያዝያ 14 ሐሙስ ዕለት ምሽት ስለሚያከብሩት ነበር፣ አከባበሩም እያንዳንዱ እስራኤላዊ የፋሲካውን በግ በማረድ በሚያደርገው ሥነ ሥርዐት ላይ ሊቀ ካህናቱ ወይም የቤተ ሰብ አባወራ ' "ይህ አባቶቻችሁ ከግብጽ ባርነት የወጡበት በግ ነው፣ የእስራኤል ታላላቆችን ሞት እንዳያገኛቸው በቤታቸው መቃን ላይ የቀቡት ደም ይህ ነው፣" በሚል ዐዋጅ ሕዝበ እስራኤል ከግብጽ ባርነት ነጻ የወጡበትን ታሪክና የመስዋዕት ሥርዐት ያስታውሳቸዋል ። ከዚያም የፋሲካውን እራት ይበላሉ። #በዚህ ሥርዐት ላይ የአይሁድን ፋሲካ ለማክበር ከደቀ መዛሙርቱ ጋር የታደመው እግዚእነ ኢየሱስ ክርስቶስ የአይሁድን ፋሲካ አከባበርና ሥርዐቱን ቀየሮ የሐዲስ ኪዳን የመስዋዕት ሥርዐትን መሠረተበት ፣ በአይሁድ ሊቀ ካህናት ፈንታ እግዚእነ ኢየሱስ ክርስቶስ ዘላለማዊ ሊቀ ካህናት መሆኑን አሳየ ። በፊት ለፊቱ የቀረበውን ኅብስቱን ፈተተ ፣ ባረከ ፣ ይህ ሥጋዬ ነው ! ብሉ አለ ። ጽዋውንም አንስቶ ይህ ደሜ ነው ! ጠጡ አለ ! (ማቴ.26:26) የብሉይ ኪዳን ፋሲካን ወደ ሐዲስ ኪዳን ሥርዐት ቀየረውና ሥርዐተ ቁርባንን ለደቀ መዛሙርቱ አስተማረ ፤ የፋሲካውም በግ እርሱ ራሱ መሆኑን አሳወቀ ። ነገ ስለ ብዙዎች የኃጢአት ሥርየት በመስቀል ላይ የሚፈሰው የሐዲስ ኪዳን ደሜ ይህ ነው ! የሐዲስ ኪዳን ሥጋዬ ይህ ነው ! ብሎ ዐወጀ ፤ እርሱን የሚያምኑ ክርስቲያኖች በልተውት ፤ ጠጥተውት የዘላለም ሕይወት የሚወርሱበትን ምሥጢረ ቁርባን ለደቀ መዛሙርቱ አስተማረ ። ይህ የሥርዐተ ቁርባን መሠረታዊ ክንዋኔና ትምህርት የተሰጠው በዚህ ምሴተ ሐሙስ በሁለተኛው ሰዓተ ሌሊት ነው። #ከዚህም ሰዓት ሌሊት ቀጥሎ ኢየሱስ ክርስቶስ ከተወሰኑ ሰዓታት በኋላ ደቀ መዛሙርቱን እንደሚለያቸውና የሮማ ቄሳር ወታደሮችም ሊይዙት ዝግጅታቸውን ማጠናቀቃቸውን አስቀድሞ አውቋል ። ሦስተኛው ሰዓት ሌሊትም ሲሆን ደቀ መዛሙርቱን ያበረታታቸው ነበር ። ተስፋ እንዳይቆርጡም ሰፊ የማጽናኛ ትምህርትም አስተማራቸው ። ይልቁንም እርሱ ቢለያቸውም መንፈስ ቅዱስን እንደሚልክላቸውና መንፈስ ቅዱስ እንደሚያስተምራቸው ነገራቸው ። #ከዚያም ዐራተኛው ሰዓት ሌሊት ሲሆን ከደቀ መዛሙርቱ ሦስቱን ማለትም አስቀድሞ በደብረ ታቦር ላይ ምሥጢሩን የገለጠላቸውን ይዞ ወደ ጌቴ ሴሚኒ የአትክልት ቦታ ሊጸልይ ሄደ ። በጌቴ ሴማኒ የኤልዮን ዋሻ በሚባለው ስፍራ ከደቀ መዛሙርቱ ርቆ "እናተስ ስትጸልዩ "አባታችን ሆይ በሰማይ የምትኖር ብላችሁ ጸልዩ " ብሎ ነበርና ምሳሌና አብነት ሊሆነን ፣ ወደ አባቱ ጸለየ (ማቴ.26:41) #ዳግመኛም በአምስተኛው ሰዓት ሌሊት የድንጋይ ውርወራ ያህል ከደቀ መዛሙርቱ ርቆ (ማቴ.26:47፤ሉቃ.22:44 "የአንተ ፈቃድ ይሁን እንጅ የእኔ ፈቃድ አይሁን አለ ፣ "ወይኩን ፈቃድከ" "ያንተ ፈቃድ ይሁን "ብላችሁ ጸልዩ ብሎ ነበርና በተግባር እንዴት መጸለይ እንዳለብን ሊያስተምረን በጸሎቱ "የአንተ ፈቃድ ይሁን " አለ ። ከባሕርይ አባቱ ከአብ ጋር ከባሕርይ ሕይወቱ ከመንፈስ ቅዱስ ጋር ተነጋገረ ፤ የአብ ምክሩ እርሱ በሥጋ ተገልጦ መጸለይ አቅቶን ለነበርነው ለእኛ ምሳሌና እብነት ሊሆነን ጸለየ። ደቀ መዛሙርቱን አስቀድሞ "ወደ ፈተናም አታግባን" በሉ ሲል ጸሎት አስተምሯቸዋልና የጸሎት ሕይወት እንዲኖራቸው "ወደ ፈተና እንዳትገቡ ተግታችሁ ጸልዩ" ሲል አስጠነቀቃቸው። 11.4K·Apr 13

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 08/23/2026 · v0.2.0 · ba12f6a

Privacy Terms DMCA & complaints Report a violation

Similar channels

ስብከተ ወንጌል ።2.5K subscribers

መዝሙር ደብተሬ6.3K subscribers

Ortodoksii Waloomaa18.3K subscribers

Ethiopia Orthodox Mazmur & Sabkat4.5K subscribers

አንቀጸ ሕይወት (የሕይወት ደጅ)1.6K subscribers

🇪🇹ኦርቶዶክስ ብር የማይበሉና ቦታ የማይዙ ስብከቶች🇪🇹3.2K subscribers

Harmee Tawaahidoo🌷የተዋህዶ እናት26K subscribers

ብርቅርቅታ💜2.8K subscribers