محمد 🤎

ناس تحب خراب وكل طشاش ثنين
يحسدون الگصيبه شلون ملمومه
وبس انت العزلتك بين هاي الناس
رممتك وأنا بيوت اهلي مهجومه

خل نلم الباقيات
اسنيني وسنينك نسويهن عمر
وهنه ميكفن عمر

استغربت وجهي صدك جنه كبر
وياهو اليباوع بعيني يكول ليش وينك وين القهر
ماتجي وتلحك عليه راح أموت من الجكاير والسهر

كلي أحميك وانت ملثم من الخوف
تسولف عَلى الندى وتحرِك بَساتيني !
تِكتل ناس جي ماكدرو يحبوك
وَدرس عَن الحسين تريد تنطيني !
تدَلينيِ بدرب ..
ماتدري درِبه منين
لك دِندل الدرب بعدين دَليني
تراويني الشمر وتكلي هذا حسين
هذا حسينكم انه اعرف حسيني