1–10. Фарзлар ва ибодат
1. Намознинг фарз эканини билганингиздан кейин, уни ўз вақтида ўқишга қанчалик жиддий риоя қиласиз?
2. Намоздаги фарз, вожиб ва суннатларни билиб, уларга амал қилишга ҳаракат қиласизми?
3. Қазо намозларингиз бўлса, уларни адо этиш учун режангиз борми?
4. Рўзага оид билган ҳукмларингизни амалда қўллайсизми?
5. Закот сизга фарз бўладиган ҳолатда бўлса, уни адо этишга эътибор берасизми?
6. Ҳалол ва ҳаромни ажратиш ҳақида илм олганингиздан кейин, шубҳали нарсалардан ҳам сақланишга ҳаракат қиласизми?
7. Тиловат қилаётганда тажвид ва Қуръон одобларига амал қилишга ҳаракат қиласизми?
8. Қуръондан билган оятларингиздаги буйруқ ва қайтариқларни ҳаётингизда қўллашга ҳаракат қиласизми?
9. Дуо ва зикрларни фақат қийинчиликда эмас, одатий кунларда ҳам қиласизми?
10. Ибодатни одамлар кўриши ёки мақташи учун қилишдан сақланишга ҳаракат қиласизми?
11–20. Ахлоқ ва одамлар билан муомала
11. Ғийбатнинг ҳаромлигини билган ҳолда, биров ҳақида унинг ортидан гапиришдан ўзингизни тия оласизми?
12. Ғазабланганингизда ўзингизни назорат қилишга ҳаракат қиласизми?
13. Сизга ёмонлик қилган одамни кечириш ҳақидаги илмингизни амалда қўллайсизми?
14. Ота-она билан муомалада, ҳатто улар ноҳақдек туюлса ҳам, одобни сақлайсизми?
15. Турмуш ўртоғингиз, фарзандларингиз ёки яқинларингиз билан муомалада динда ўрганган ҳақ-ҳуқуқларга амал қиласизми?
16. Бировнинг ҳаққи сизда қолиб кетса, уни қайтаришга ҳаракат қиласизми?
17. Ваъда берсангиз, уни бажаришга жиддий қарайсизми?
18. Ёлғоннинг ҳаромлигини билган ҳолда, ўзингизни оқлаш учун ҳам ёлғон ишлатмасликка ҳаракат қиласизми?
19. Кибр ва ўзингизни бошқалардан устун кўриш ҳисси пайдо бўлса, уни тан олиб, даволашга ҳаракат қиласизми?
20. Сизга қарши фикр айтган одамни дарҳол «динни билмайди» деб чиқармасдан, аввал уни эшитишга ҳаракат қиласизми?
21–30. Нафс, қалб ва кундалик ҳаёт
21. Биров сиздан кўра кўпроқ неъматга эга бўлса, ҳасаддан сақланишга ҳаракат қиласизми?
22. Ёлғиз қолганингизда ҳам Аллоҳ сиздан хабардор эканини ҳис қилиб, ҳаромдан тийиласизми?
23. Ҳеч ким кўрмайдиган жойда ҳам илмингизга амал қиласизми?
24. Бир гуноҳни қилиб қўйсангиз, «майли, ҳамма қилади» демасдан тавба қилишга ҳаракат қиласизми?
25. Ўзингизга ёқмайдиган, аммо шаръан тўғри бўлган нарсани қабул қилишга тайёрмисиз?
26. Сизга фойда берса ҳам, ҳаром йўл билан пул топишдан воз кеча оласизми?
27. Илм ўрганишингиз амал қилишдан кўра одамларга ўзингизни билимдон қилиб кўрсатишга айланиб кетмаяптими?
28. Бошқаларга насиҳат қилишдан олдин, шу нарсага ўзингиз амал қилаяпсизми, деб ўзингизни текширасизми?
29. Бирор диний ҳукм нафсингизга оғир келса, уни ўзгартиришга далил излайсизми ёки ҳақиқатни қабул қилишга ҳаракат қиласизми?
30. Агар бугун ҳаётингизга назар солсангиз, дин ҳақида билганларингиз билан дин асосида яшашингиз ўртасида катта фарқ бор, деб ҳис қиласизми?
Жавобларни 1–30 тартибида ёзинг. Масалан: 1 — ҳа, 2 — йўқ, 3 — қисман...
@khadiycha
